නායයෑම්වලට ලක් වූ හා අවදානම් කලාප ලෙස නම් කර ඇති ප්රදේශවලට යෑමෙන් වළකින්නැයි ද පවතින ආපදා තත්ත්වය යටතේ ජනතාවගේ සහාය අත්යාවශ්ය යැයි ද විදුලිබල හා පුනර්ජනනීය බලශක්තිය අමාත්ය රංජිත් සියාඹලාපිටිය මහතා පැවැසීය.
පවතින කාලගුණ තත්ත්වය යටතේ විවිධ ප්රදේශවල විදුලිය බිඳවැටීම් වාර්තා විය හැකි බව ද දැනටමත් විදුලි උපපොළවල් රැසක් ජලයෙන් යට වී ඇතැයි ද අමාත්යවරයා එහිදි කීය.
ටී.බී. ජයා මාවතේ පිහිටි ශ්රී ලංකා නිදහස් පක්ෂ මූලස්ථානයේ අද (18) පැවැති මාධ්ය හමුවකදී අමාත්යවරයා එසේ පැවසීය.
“කෑගල්ල ප්රදේශයට විශාල හානියක් සිදු ව තිබෙනවා. ඉරිදා සවස්වරුවේ සිට පවතින ධාරණීපාත වර්ෂාව නිසා කෑගල්ල දිස්ත්රික්කයේ ස්ථාන රැසක් නායයෑමට ලක්වෙලා.
කොළඹ හැටන් ප්රධාන මාර්ගය ඇතුළු, ග්රාමීය මාර්ග, පාලම් විශාල ප්රමාණයකට හානි සිදුවෙලා තියෙනවා. අවතැන්වූ අයට ආණ්ඩුව විසින් වියළි හා පිසූ ආහාර සපයා දෙනවා. යම් යම් ස්ථානවලට තාමත් ළඟා වීමට නොහැකිවෙලා තියෙනවා. ආරක්ෂක අංශ හා පොලිසිය දැනටමත් මුදාගැනීමේ කටයුතු ආරම්භ කරලා තියෙනවා. පසුගිය කාලය පුරාවට දරුණු විදියේ ගංවතුර තත්ත්ව ඇති වූයේ නැහැ. ඒ නිසා අවදානම් ඇති වූ ස්ථානවල පවා නිවාස ඉදිකිරීමට ජනතාව යොමු වුණා. දවස් කිහිපයක් එක දිගට පැවැති ධාරණීපාත වර්ෂාව නිසා එම තැන් නායයෑම්වලට ලක්වුණා. අරනායකකින් දැනට මරණ අටක් වාර්තා වෙලා තියෙනවා. එහෙත් තවමත් නිවැරැදි තොරතුරු අපට ලැබෙන්නේ නැහැ. එම ප්රදේශ පස් තට්ටුකින් යටවෙලා තියෙනවා. එම ස්ථාන නැරැඹීමට ජනතාව පැමිණීම නිසා මුදා ගැනීමේ හා සහන සේවා කටයුතුවලට බාධා එල්ල වෙනවා. පොලිසිය මැදිහත්වීමෙන් ජනතාව එම ප්රදේශවලට පැමිණීම සීමා කිරීමට අපි කටයුතු කර තිබෙනවා‘‘ යැයි ද අමාත්යවරයා පැවසීය.
‘මේ තරම් ඉක්මනින් මෙවැනි උවදුරකට ආපදාවකට ලක්වෙලා නැහැ. මේ සියල්ල සිදුවෙන්න සතියක් වත් ගත වුණේ නැහැ. සමහර තැන්වල පැයක් යද්දි ගෙවල් යටවුණා. දරුවන්ට ඔවුන්ගේ පොත්පත් පවා අහිමි වුණා. බොහෝ අයට ඉතිරි වුණේ ඇඳි වත පමණයි. ඒ නිසා අපි ජනතාවගෙන් ද පුළුවන් ආකාරයෙන් උදවු උපකාර කරන්නැයි ද ඉල්ලා සිටිනවා. ආපදාවන්ට ලක් වූවන් පිළිබඳ වැරැදි තොරතුරු වාර්තා වෙනවා. ඒ නිසා නිවැරැදි තොරතුරු ලබාගන්නැයි ද අපි ඉල්ලා සිටිනවා‘ යැයිද සියඹලාපිටිය මහතා කීවේය.
ඉන්ධන මිල අඩු කිරීමට සමගාමීව බහලුම් රථ ප්රවාහන ගාස්තු සියයට 4 කින් ඊයේ (1) මධ්යම රාත්රීයේ සිට අඩු කළ බව සමස්ත ලංකා බහලුම් රථ හිමියන්ගේ සංගමයේ සභාපති සන
අනුරාධපුර, ශ්රී ලංකා රජරට විශ්වවිද්යාලයේ නව තාක්ෂණ පීඨය විවෘත කිරීම විශ්වවිද්යාල ප්රතිපාදන කොමිෂන් සභාවේ සභාපති ජ්යෙෂ්ඨ මහාචාර්ය සම්පත් අමරත
දිවයිනේ බොහෝ ප්රදේශවල, සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකිබව කාලගුණවිද්යා දෙපාර්තමේන්තුව කියයි.
හිටපු අමාත්යවරුන් සහ රාජ්ය අමාත්යවරුන් අතුරින් රජයේ බංගලා තවමත් බාරදී ඇත්තේ තිදෙනකු පමණක් බව රාජ්ය පරිපාලන, ස්වදේශ කටයුතු, අධිකරණ, පළාත් සභා, පළාත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘ආපදා ස්ථාන බලන්න එන්න එපා‘
සිරිල් Thursday, 19 May 2016 06:27 AM
සහන කඩිනම් කරන්න අනවශ්ය කතා නතර කරලා (නි)