2025 අප්‍රේල් මස 27 වන ඉරිදා
(ඩයනා උදයංගනී)
බස් රථවල ආසන සංඛ්‍යාවට වඩා මගීන් ප්‍රවාහනය කළහොත් ඔවුන්ට එරෙහිව දැඩි නීතිමය ක්‍රියාමාර්ග ගන්නා බව මගී ප්‍රවාහන කළමනාකරණ සහ විදුලිබල හා බලශක්ති අමාත්‍ය මහින්ද අමරවීර මහතා පැවසීය.
පොදු ප්‍රවාහන සේවා අද(8) සිට සාමාන්‍ය පරිදි සෞඛ්‍යාරක්‍ෂික අන්දමින් ආරම්භ කෙරුණු බව කී අමාත්‍යවරයා එම වැඩපිළිවෙල සියයට 95ක් සාර්ථක බව ද සඳහන් කළේය.
ඒ අනුව බොහෝ බස්රථවල මගීන් ආසන සංඛ්‍යාවට පමණක් රැගෙන ආ බව කී ඇමතිවරයා ඇතැම් ස්ථානවල ගැටලුකාරී තත්ත්වයන් ඇතිව තිබූ බව ද කීවේය.
දුම්රියවල ද ආසන ගණනට පමණක් මගීන් රැගෙන යන ලෙස නිර්දේශ කර ඇතත් එය ප්‍රායෝගිකව දුෂ්කර කටයුත්තක් බව කී ඇමති මහින්ද අමරවීර මහතා සෞඛ්‍ය අංශ සමඟ සාකච්ඡා කර දුම්රියවල ගමන් ගන්නා මගීන්ගේ ආරක්‍ෂාව තහවුරු කරමින් වැඩි මගීන් ප්‍රමාණයක් ගෙන යා හැකි වැඩපිළිවෙලක් සකස් කරන බව ද ප්‍රකාශ කළේය.
අමාත්‍ය මහින්ද අමරවීර මහතා මේ බව පැවසුවේ කොළඹ පිහිටි එම අමාත්‍යාංශ ශ්‍රවණාගාරයේදී අද (8) පැවති මාධ්‍ය හමුවක් අමතමිනි.
කොරෝනා වසංගත තත්ත්වය හේතුවෙන් මාස ගණනක් ධාවනය නොකෙරුණු පෞද්ගලික බස්රථවල අලුත් වැඩියා කටයුතු සිදුකිරීම සඳහා සහන පොලී අනුපාතිකයක් යටතේ රුපියල් ලක්ෂ තුනක ණයක් ලබාදීමට රජය තීරණය කර තිබෙන බව ද අමාත්‍යවරයා කීවේය.
ජනාධිපතිවරයා සමඟ අද (8) පැවති සාකච්ඡාවේදී මෙම තීරණය ගත් බව කී අමාත්‍යවරයා එහිදී බස් රථ හිමියන් කළ ඉල්ලීම අනුව බස් රථයේ මාර්ග බලපත්‍රය ඇපයට තබාගෙන මෙම පහසුකම ලබාදීමට තීරණය කර ඇතැයි ද පැවසීය.
ජාතික ජන බලවේගයේ මෙවර මැයි රැලිය කොළඹ ගාලු මුවදොර පිටියේදී පැවැත්වීමට තීරණය කර ඇත.
රුපියල් ලක්ෂ 56 ක මුදලකට විකිණීම සඳහා රැගෙන ආ ගජමුතු දෙකක් සමඟ පුද්ගලයන් දෙදෙනකු ජා ඇල පොලිසිය මගින් අත්අඩංගුවට ගෙන ඇතැයි පොලිස් මාධ්‍ය කොට්ඨාසය කියයි.
කටුනායක ආඩී අම්බලම දැවුමොට්ටාව ව්‍යාපාරිකයකුගේ නිවසට කඩා වැදී වෙඩිතබා ඝාතනය කිරීමට කළ උත්සාහයක් අසාර්තක වූ තැන පලා ගිය සැකකරු අනුරාධපුර රාජාංගනය ප
පුද්ගලයෙකු අත්අඩංගුවට ගෙන නිවස පරීක්ෂා කිරීමේදී ටි 56 උණ්ඩ යොදා පරිහරණය කළ හැකි මෙරට නිෂ්පාදිත අලුත්ම ගිනි අවියක් , ටි 56 ජිව උණ්ඩ තොගයක් සහ ඩෙටනේටර් ස
දිවයිනේ බොහෝප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති වන බව කාලගුණවිද්‍යා දෙපාර්තමේන්තුව කියයි.
පළාත් පාලන ආයතන ජන්ද විමසීමට අදාළ නිල ජන්ද දැන්වීම් පත්‍රිකා නිවෙස් වෙත බෙදීමේ විශේෂ දිනයක් ලෙස අද (27) ප්‍රකාශයට පත් කර ඇතැයි තැපැල් දෙපාර්තමේන්තුව පවස
2025 අප්‍රේල් මස 18
894
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
553
2
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ආසන සංඛ්‍යාව ඉක්මවා මගීන් ගෙන යන බස්වලට නීතිමය ක්‍රියාමාර්ග
සමිත සේනක අලුත්ගමගේ. Monday, 08 June 2020 10:27 AM
සතුටට කරුණක්...! ඒ වගේම ප්‍රශංසා කළයුතු ක්‍රියාවක්.. මින්පසු පොල් පටවන්නා සේ, වවුලන් එල්ලන් යන්නා සේ මගීන් ප්‍රවාහනය කිරීමට නොහැකිය. කිසිවෙකුට මෙල්ල කළ නොහැකිවූ බස් කාරයින්ව හිත් පිත් නැති කොරෝනා මෙල්ල කළ වගයි..
සමිත සේනක අලුත්ගමගේ.Monday, 08 June 2020 01:17 PM
හැබැයි.. මෙතන ප්‍රවාහන අමාත්‍යාංශ අංශවලට බුද්ධියට හසුකර ගැනීමට නොහැකිවූ දෙයක් තිබෙනවා. කාර්යාල දුම්රියක් තුළ මගීන් හිටගෙන යන අයුරු මා දුටුවා. බස්වල පමණක් හිටගෙන ගියවිට නඩු දැම්මොත්, ඔවුන් ඒ බව අධිකරණයේදී පෙන්වා දේවි. ඒ නිසා ඔවුන්ට දඬුවම් දීමට පෙර දුම්රියේ මගීන් හිටගෙන නොයාමට වැඩිපුර පෙට්ටි අමුණන්න. නොඑසේ නම්,වැඩේ හබක් ... බස්කාරයන්ට නඩු දමනවා බොරු..
තිලක්Monday, 08 June 2020 01:26 PM
කොරෝනා වලින් ආණ්ඩුවේ කුණු අපුල්ලන්න නම් බැරි වෙයි..
lalMonday, 08 June 2020 11:53 PM
තියෙන සිට් ගණනට තමයි මගින් ගෙන යා යුත්තේ. මන්ද සල්ලි ගෙවලා තමයි කෙනෙක් බස් එකකට කෝච්චියකට නගින්නේ. නමුත් මෙය කවදාවත් පැවතුනු කිසිම රජයක් ගණනකට ගත්තේ නැහැ. ඒ අය ජනතා මුදල් වලික් කෝටිගනන් වල වාහන වල යනවා. ජනතාව ඇමතිලාට වාහන ගන්න සල්ලි දිලා , බස් එකටත් සල්ලි ගෙවලා හිටගෙන දාඩියදාගෙන යනවා. වසංගතයක් ආවාම මුළු රටම කනපිට පෙරලන එක අමාරුයි. (නමුත් එය කලයුතුයි මේ අවස්ථාවේ.) බස් සංගම් කෝච්චි සංගම් වලට යටනොවි, රටේ නිතිය නිතිය විධියට ක්‍රියාත්මක කර, සිට් ගණනට සරිලන විධියට මගින් නංවා ගැනිම නීතිගත කර එසේ නොකරන අයට ඉතා විශාල දඩයක් ගැසිම කලයුතුයි කොරෝනා අවසන් වුනත්.
samanthi Monday, 08 June 2020 02:23 PM
මතුගම ටවුමට කිට්ටුව පොලිස් නිලධාරියෙක් අතයටින් ගාන අරන් පොල් පටවපු ප්‍රයිවට් බස් එකට යන්න දුන්නේ ඊයේ නැත්නම් පෙරේදා... අපේ යාලුවෙක් බස් එකේ වාඩිවෙලා හිටියේ. බේබද්දෙක් රාලහාමි කැත වැඩේ කියලා කෑගැහුවාමත් ගණන් අරන් නැහැ. ඔන්න ඉතින් උඩින් මොනවා කරත් යට ඉන්න අයගේ කැත ගති නිසා වැඩේ හරියන්නේ නැහැ. හොඳට කිඹුහුම් අරින එකෙක් හිටගෙන හිටපු ගොඩේ ගියාලු...
vidya Monday, 08 June 2020 04:43 PM
නීතිරීති දමලා අඩම්තේට්ටම් කරලා කොළඹ ශ්‍රවණාගාරවල ඉඳලා පාට් දැම්මට වැඩක් නැහැ. තවමත් කොරෝනා වයිරසය පිළිබඳව මිනිසුන් දැනුවත් කරමින් සෙමින් සෙමින් ක්‍රියා මාර්ග සෑදිය යුතුයි. එමෙන්ම බස් රථ ප්‍රමාණය වැඩිකළ යුතුයි. ඔය බස්වල, කෝච්චි වල එල්ලිලා යන අය තමයි පරිසරයට හිතකාරී පිරිස...
Ramendra Monday, 08 June 2020 05:46 PM
බයිලා තමා.., සවස 5න් පස්සේ බලන්න හිටගෙන යන හැටි... ඔය බයිලා ඡන්දය ඉවරවෙනකම් විතරයි. ඔය කතාවලට අහුවෙන්නේ බයියන් තමයි...
රසික Tuesday, 09 June 2020 01:12 AM
රටේ බස් සේවාව ගැන හරිහැටි සොයා නොබලා ගත්ත ගොන් තීරණයක් අපේ පාරෙ වැඩකරන්නෙ එකම එක බස් එකයි එක ගමන් වාරයක් ගිහින් ආයෙත් එන්න පැය තුනක් ගතවෙනවා. අතරමගින් නගින්න ඉන්න මිනිස්සු ලොකු අමාරැවක වැටෙනවා.
subhaniTuesday, 09 June 2020 06:44 AM
කොරෝනාව ගැනත් හිතන්න ඕනෑ නේද? හිටගෙන යාමට වඩා මනුස්ස ජීවිත වටිනවා. ජේ.ආර්. ලංකාවේ බස් සර්විස් එක කෑවේ ප්‍රයිවට් බස් දාලා. ඊට පස්සේ ආව හැම ආණ්ඩුවටම මොකක් හරි වෙන උගුලක් තිබුණා. එක්කෝ කොටි නැත්නම් ජේවීපී. යහපාලන ආණ්ඩුවට තමයි හරි නිදහස් රටක් ලැබුනේ.. හැබැයි කට්ටිය පිස්සු නැටුවා. දැන් කොරෝනා. බලමු මේක ඉවර වුණාමවත් අලුතෙන් එන ආණ්ඩුව බස්සේවාව ගැන හිතාවිද කියලා. හැබැයි යූඑන්පී සජිත් බලවේගය ගහගන්න විදිහට කොළ ආණ්ඩුවක් ආවත් මොනවා වේවිද හිතන්න අමාරුයි. මොකද ඒ දෙගොල්ලන් ඒ අයගේ බලය තහවුරු කරන්න රණ්ඩු වෙනවා මිසක් රට ගැන බලනවා අඩුයි.
Prasad Tuesday, 09 June 2020 01:59 AM
මේකත් අර හාල් අල්ලන්න ගියා වගේ වේවි.