IMG-LOGO

2025 අප්‍රේල් මස 19 වන සෙනසුරාදා


ඇඟිලි ගැසීම්වලින් තොර පොලිසියක් කවද‌ා එයි ද?

වනාතවිල්ලුව පුපුරණ ද්‍රව්‍ය ගබඩාවේ දී අත්අඩංගුවට ගත් සැකකරුවන් දෙදෙනකු නිදහස් කරන ලෙස තමන්ට දේශපාලනඥයකුගෙන් බලපෑම් එල්ල වුවත් තමන් එම බලපෑම්වලට අවනත නොවුණු බව අපරාධ පරීක්ෂණ දෙපාර්තමේන්තුවේ අධ්‍යක්ෂ වැඩ තහනමට ලක්ව සිටින ජ්‍යෙෂ්ඨ පොලිස් අධිකාරි ශානි අබේසේකර පාස්කු ඉරුදින ප්‍රහාරය පිළිබඳ ජනාධිපති කොමිෂන් සභාව හමුවේ ප්‍රකාශ කළේ යැයි අප පුවත්පත ඉකුත් ද‌ා වාර්තා කළේය.

අද‌ාළ දේශපාලනඥයා තමාට බලපෑම් කළේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැති රැස්වීමක දී බවත් ඔහු ප්‍රකාශ කර තිබිණි.

වනාතවිල්ලුව ආයුධ ගබඩාව පාස්කු ඉරුදින ප්‍රහාරයේ මහ මොළකරුවන සහරාන්ට අයිති වූවකි. පාස්කු ඉරුදින ප්‍රහාරයට අවශ්‍ය පුපුරණ ද්‍රව්‍ය මෙන්ම පුහුණුවීම් මෙම අවි ගබඩාව තිබූ පරිශ්‍රයේ සිදු වූ බවට තොරතුරු වාර්තා වී තිබේ. දේශපාලනඥයා බලපෑම් කර තිබෙන්නේ එබඳු බිහිසුණු අපරාධයකට සම්බන්ධ භූමියක දී අත්අඩංගුවට ගත් සැකකරුවන් දෙදෙනකු නිදහස් කරන ලෙසය. එම සැකකරුවන්ගේ ද‌ායකත්වය සම්බන්ධයෙන් ප්‍රමාණවත් තොරතුරු නොතිබුණා විය හැකිය. එහෙත් ‘‘බූරු ගැහුවත් එකයි - බූරු ගහන තැන සිටියත් එකයි’’ යනුවෙන් කියමනක් තිබේ. ආරක්ෂක අංශවලට බාධා නොකර එම පරීක්ෂණ විධිමත්ව සිදුකරගෙන යාමට දේශපාලනඥයන් ඉඩ දුන්නේ නම් පාස්කු ප්‍රහාරය නමින් නින්දිත කළු පැල්ලමක් ඉතිහාසයට එක්වීමට ඉඩ නොතිබුණි, යන්න සත්‍යයට වඩාත් සමීප තත්ත්වය වේ.
පාස්කු ප්‍රහාරයෙන් පසුව ඒ සම්බන්ධයෙන් අත්අඩංගුවට ගත් සැකකරුවකු මුද‌ා හරින ලෙස එවකට හමුද‌ාපතිව සිටි මහේෂ් සේනානායකට එවකට සිටි ඇමතිවරයකු බලපෑම් කළ බව එම හමුද‌ාපතිවරයාම ප්‍රකාශ කර තිබිණි. පාස්කු ප්‍රහාරයට පෙරත් පසුත් මෙම දේශපාලනඥයන්ගේ හැසිරීම අතිශයින්ම නින්දිතය. මිනිස් කසළ මෙන් පිටුදැකිය යුතු තරම්ය.

දේශපාලනඥයාගේ වගකීම කුමක්ද? යන්න සම්බන්ධයෙන් ප්‍රමාණවත් අවබෝධයක් ඇතැම් දේශපාලනඥයන්ට ඇත්තේම නැත. ප්‍රතිපත්ති සම්පාදනය, එම ප්‍රතිපත්ති ක්‍රියාත්මක කිරීමේ යාන්ත්‍රණය සැකසීම, නීති සම්පාදනය කිරීම හා එම නීති සම්මත කිරීම වැනි අතිශයින් භාරදූර වගකීමක් දේශපාලනඥයා සතුය. තමන්ට එබඳු වගකීමක් ඇති බව බොහෝ දේශපාලනඥයෝ නොදනිති. ඔවුන් ‘‘චූන්’’ වන්නේ බාල සිල්ලර වැඩ කිරීමෙනි. එම බාල සිල්ලර වැඩ අතර ‘‘නීතිය නැවීමට’’ ගන්නා උත්සාහය ඉතා ප්‍රධාන වේ.

‘‘නීතිය සැමට සමානය’’ යන්න පිළිගත් ශිෂ්ට මතයකි. එහෙත් ඇතැම් දේශපාලනඥයන්ට අවශ්‍ය වන්නේ තමන් නීතියට ඉහළින් සිටින බව ප්‍රදර්ශනය කිරීමටය. තමන්ට ඇවැසි ලෙස නීතිය හැසිරවීමේ අසමාන බලයක් තමන් සතු වේ යැයි පාක්ෂිකයන්ට ඒත්තු ගැන්වීමටය. එක දුරකථන ඇමතුමකින් සියල්ල තමන්ට අවශ්‍ය පරිදි ක්‍රියාකරවිය හැකි බව පෙන්නුම් කිරීමේ උද්ධච්ඡ  නිහීන මානසිකත්වයෙන් මෙම දේශපාලනඥයෝ පසු වෙති. අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂවරයාගේ සාක්කියෙන් ප්‍රදර්ශනය වන්නේ එබඳු අසමත් හා තමන්ගේ වගකීම් යුතුකම නොදන්නා බව නොදන්නා දේශපාලකයන්ගේ කැත හෙළුවය.

අද‌ාළ දේශපාලනඥයා අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂවරයාට සැකකරුවන් දෙදෙනකු මුද‌ා හරින ලෙස බලපෑම් කරනු ලැබුවේ එවකට සිටි ජනාධිපතිවරයා මුලසුන ගත් රැස්වීමක දී බව සාක්කියෙන් කියැවෙයි. ‘‘ලජ්ජා නැතිකම මහ මුදලිකමටත් වඩා ඉහළ යැයි’’ කියමනකි. අද‌ාළ රැස්වීමේ සිටි සියල්ලන්ට එම වැකිය මනාව ගැළපේ. හරිනම් සිදුවිය යුතුව තිබුණේ නීච දේශපාලනඥයා දෙකකුලෙන් ඇදගෙන ගොස් කූඩු කිරීමය. එහෙත් අපට නම් සිතෙන්නේ තරුපටි පැළඳි ඉහළ පොලිස් නිලධාරියා නීචයන්ට ‘‘සැලියුට්’’ ගසා ජවනිකාව හමාර කරන්නට ඇති බවය.
ඉතිහාසය යනු එක් අතකින් ඉතා යහපත් ගුරුවරයෙකි. ඒ ගුරුවරයාගෙන් ඉගෙන ගැනීමට බොහෝ දේ තිබේ. එම පාඩම් අදටත් විවෘතය. එමෙන්ම වළංගුය. එම පාඩම් ඉගෙන ගැනීම සෑම තරාතිරකම පුරවැසියන්ට ඉතා වැදගත්ය. එයිනුත් දේශපාලනඥයන්ට ඉතා වැදගත්ය.

 

(***)

 



අදහස් (2)

ඇඟිලි ගැසීම්වලින් තොර පොලිසියක් කවද‌ා එයි ද?

Hafeel Friday, 29 January 2021 06:53 AM

මේ දේශපාලකයා විටින්විට පවත්වන අනවශ්‍ය ප්‍රවෘත්ති සාකච්ඡා නිසා තමයි රටතුළ අනවශ්‍ය ප්‍රශ්න ඇති වෙන්නෙත්... මෙයා කොහොමද ජනාධිපතිගේ ප්‍රාධානත්වයෙන් පැවැත්වූ ආරක්ෂක රැස්වීම්වලට සහභාගි වෙන්නේ..? මාධ්‍ය ඔහුගේ ප්‍රවෘත්ති සාකච්ඡාව වර්ජනය කළයුතුයි. කිසිම වටිනාකමක් නැති පුද්ගලයන් ජනප්‍රිය වෙන්නේ මේ හරහා...

:       0       10

Perera Monday, 01 February 2021 04:13 AM

ඒ පොලීසිය මග එනවා. ටිකක් රෑ වෙයි එනකොට...

:       0       0

ඔබේ අදහස් එවන්න

 

 
 

එසැණ පුවත්

තියෙන නීති මදි නම් ජාතිවාදයට එරෙහිව අලුත් නීති හදනවා
2025 අප්‍රේල් මස 19 195 0

දරුවන්ගේ පරපුර කවදාවත් යළි යුද්ධ නොකරන රටක් ගොඩ නගන බව ජනාධිපති අනුර කුමාර දිසානායක මහතා තලවකැලේ ජනරැළියේදී අද පැවසීය.


ආණ්ඩුව මන්තර වගේ බොරුව ජප කරනවා
2025 අප්‍රේල් මස 19 112 0

මාලිමාවේ පච දේශපාලනය නිසා බහුතරයකට ආණ්ඩුව එපා වී ඇතැයි විපක්ෂ නායක සජිත් ප්‍රේමදාස මහතා මින්නේරිය ජන රැලියකදී පැවසීය.


කුරුණෑගල පැරණි ස්මාරක රැසකුත් කළුගල් කොරිවලට බිලි
2025 අප්‍රේල් මස 19 375 0

කළු ගල් ව්‍යාපෘති තුනකට නිසි පරීක්ෂාවකින් තොරව කළු ගල් කැණීමේ බලපත්‍ර නිකුත් කිරීම හේතුවෙන් කුරුණෑගල දිස්ත්‍රික්කයේ පුරාවිද්‍යා ස්මාරක රැසකට හානි


ඇමති බංගලා වලට දෙස් විදෙස් ආයෝජකයෝත් පොරයක
2025 අප්‍රේල් මස 19 1049 0

කොළඹ ඇමති බංගලා තමන්ගේ ව්‍යාපාර කටයුතු සඳහා දෙන්නැයි දෙස් විදෙස් ආයෝජකයන් දහයකට ආසන්න පිරිසක් ඉල්ලීම් කර ඇති බව රාජ්‍ය පරිපාලන පළාත් සභා හා පළාත් පා


පුංචි තරුෂි ලක්මව රනින් සරසයි
2025 අප්‍රේල් මස 19 1055 0

සෞදි අරාබියේදී දැන් පැවැත්වෙන වයස අවුරුදු 18න් පහළ ආසියානු යොවුන් මලල ක්‍රීඩා ශූරතාවලියේ මීටර 800 බාලිකා ධාවන ඉසව්වේ රන් පදක්කමක් දිනාගැනීමට තරුෂි අභිෂ


නව විගණකාධිපති කවුද? තීරණය 22
2025 අප්‍රේල් මස 19 844 0

විගණකාධිපති ධූරය සඳහා සුදුස්සකු පත් කිරීමට ආණ්ඩුක්‍රම ව්‍යවස්ථා සභාව ලබන 22 රැස්වීමට නියමිතව ඇතැයි පාර්ලිමේන්තු ආරංචි මාර්ග සඳහන් කළේය.


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 99 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 224 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 392 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site