ඇමති විමලවීරගේ මේ මස වැටුපෙන් අඩක් කොවිඩ් අරමුදලට

(සුජිත් හේවාජුලිගේ)

තමාගේ මේ මස දීමනාවෙන් අඩක් කොවිඩ් අරමුදලට පරිත්‍යාග කිරීමට තීරණය කළ බව වනජීවී රාජ්‍ ය අමාත්‍ය විමලවීර දිසානායක මහතා පැවැසීය.

එම මුදල කොවිඩ් අරමුදලට අද හෙටම බැර කරන බවද හෙතෙම සඳහන් කළේය.

තමාටම කියා නිවෙසක් ඉඩමක් හෝ වෙන කිසිම දේපලක් හෝ නොමැති තමා මෙම පරිත්‍යාගය කිරීමට සිතුවේ කොවිඩ් වසංගත තත්වය හමුවේ රජය මුහුණදී සිටින දුෂ්කරතාව සැලකිල්ලට ගෙන යැයි පැවසූ දිසානායක මහතා දරුණු වසංගතයක් පවතින මොහොතක වැටුප් ඉල්ලා හඩ නගන අයට කිසියම් පණිවුඩයක් ලබා දීමටද තමා මෙමගින් බලාපොරොත්තු වන බව පැවසුවේය.

රට මුහුණ දී ඇති මෙම වසංගත තත්වය හමුවේ සියලු දෙනා තමන්ට හැකි ආකාරයට දායක වීම වැදගත් බවද රට වසන්නැයි හඬ නගන කිසිවකු හෝ මේ අවස්ථාවේදී රටේ දියුණුවට කිසියම් හෝ කැපකිරීමක් කිරිමට ඉදිරිපත් නොවීම කනගාටුදායක බවද විමලවීර දිසානායක මහතා ප්‍රකාශ කළේය.

තමා කිසියම් අසනීප තත්වයකින් පෙළෙන පුද්ගලයකු බවත් තමා සන්තකයේ තිබූ එකම වාහනයද ඒ අසනීප තත්වය සුව කර ගැනීම සඳහා පසුගියදා විකුණා දැමු බවත් ඔහු කීවේය.

කොවිඩ් වසංගත තත්වය හමුවේ රට දැඩි පීඩනයක සිටින හෙයින් මේ අර්බුදයෙන් ගොඩ ඒම සඳහා සියලු දෙනා පක්ෂ පාට කණ්ණාඩි පසෙක දමා එකාවන්ව ඒකරාශී විය යුතු බව රාජ්‍ය ඇමැතිවරයා වැඩිදුරටත් ප්‍රකාශ කළේය.

අදහස් (13)

ඇමති විමලවීරගේ මේ මස වැටුපෙන් අඩක් කොවිඩ් අරමුදලට

විජිත් Thursday, 19 August 2021 05:25 PM

මේ මාසේ වැටුපෙන් අඩක්...? මෙයාගේ අවුරුද්දක මුළු වැටුපම කපා ගතයුතුයි. සත්තු වත්තට කොරෝනා අරගෙන ගිහින් අහිංසක සත්තුන්ට බෝ කළාට. සත්තුවත්තේ තමන් වෙනුවෙන් හදපු කූඩුවෙන් පැනගියාට දඩ වශයෙන් තව අවුරුද්දක වැටුප කපාගත යුතුයි. අවුරුද්දක වැටුප නැතිවුණා කියලා මෙයාලට ගාණක් වත් නැහැ. කොමිස්, අල්ලස් අරවා මේවා "ජරාව" කෝටි ගණන් ලැබෙනවා. කැලෑ පාලුවන්ගෙන් ලැබෙන ජරාවම ඇති මැරෙන කම් (ගුටි කාලා මැරුණේ නැතිනම්) ජීවත්වෙන්න...

: 1 2

Dhammika Thursday, 19 August 2021 05:30 PM

මෙය ප්‍රගතිශීලී පියවරක් විය යුතුය. ඇමතිතුමනි අපි ඔබට ආචාර කරමු. ඔයාට බොහෝම ස්තූතියි.

: 0 1

ලමය Thursday, 19 August 2021 05:43 PM

ඕක මුලු ලෝකෙටම කියන්නේ නැතිව දුන්නා නම් අගේ වැඩියි. පුලුවන් නම් තමුන්ගේ ටැක්ස් නැතිව ගත්තු කෝටි ගණනක් වටිනා වාහනේ විකුණලා දුප්පත් මිනිසුන්ට උදව් කරන්න...

: 1 0

මුණසිංහ Thursday, 19 August 2021 06:01 PM

අහන්නෙ සතුටින් . ඔබට නිරෝගී සුව ලැබේවා .

: 0 0

ජවිපෙ. Thursday, 19 August 2021 06:16 PM

රාජ්‍ය සේවයම ගෙදර, සියල්ලන්ගේ පඩිය අඩක් කරන්න. නැතිනම් රට වහන්න කියන ජවිපෙන් කැට අරමුදලෙන් පඩි ගෙවන්න. මේ රට මෙහෙමත් දුවන්නේ වැඩ කරන ආරක්ෂක අංශ, රෝහල්, ග්‍රාමසේවක ඇතුළු සුළු රාජ්‍ය සේවක ප්‍රමාණයකින් සහ පුද්ගලික අංශයේ අති බහුතරයක් නිසා. ගාමන්ට් කෙල්ලෝ ටික නැතිනම් ඩොලරුත් නැහැ... අනුර කුමාරට නම් ඉතින් කොහෙන් හරි ලැබෙනවා.

: 0 1

fairoos Thursday, 19 August 2021 06:17 PM

දැන්වත් මතක් වූ එක හොඳයි.. අනිත් අය තව නිදි...

: 0 1

සෙනෙවිරත්න Thursday, 19 August 2021 06:48 PM

අගය කල යුතු ක්‍රියාවක්. ඒත් ඔබ තුමාගෙ පක්ෂයේ නායකයන්ගේ වැඩ බැලුවම හරියට ලිඳකට ලුනු දාල රහ බලනව වගේ වැඩක්. ඒ නායකයො කරපුව නිසා කොරෝන නැතත් අපිට වෙන්න ඕන හරිය වෙලා.

: 1 1

siri Thursday, 19 August 2021 07:15 PM

ඔය අරමුදලේ සල්ලිවලින් කරන වැඩ ගැනත් ජනතාව දැනුවත් කලොත් තමා හොඳ. මොකද සමහරුන්ට අර සුනාමි අරමුද,හෙල්පින් හම්බන්තොට වගේ දේවල් තවම මතක තියෙන නිසා එහෙම කියන්නේ. මේ මහත්තයානම් පඩියෙන් බාගයක් නෙවේ මුළු පඩියම හරි දෙන්න තිබ්බේ වල් අලි උවදුර නැතිකරන්න සුදුසු වැඩපිළිවෙලක් ක්‍රියාත්මක කරන්නයි. ඒ උනාට ඒවගේ දේවල් පත්තරේ වැටෙන්නේ නැති නිසා මොන ඉලව්වකටද කියල තිතුවද දන්නෙත් නැහැ.

: 1 1

ඔනිල් Thursday, 19 August 2021 07:26 PM

ඔබ තුමාගේ ක්‍රියාව අගය කරමි. රට මෙම තත්වයට පත් කලෙ පහුගිය දිනවල මහ පාරේ පෙලපාලි ගියවුන් ය. ඒ ගැන කවුරුත් කතා නොකරයි. රට වසන්න කියා කෑ ගසන කිසිවෙකු හට එදා වෙල සොයන් කන මනුස්සයා ගැනවත් රටෙ ආර්ථිකය ගෙනියන්නේ කෙසේද වත් නොතෙරෙයි. අප රට දියුණු නොවන්නේද එබැවිනි. දේශපාලකයින් සැදීමට පෙර ජනතාව සෑදී සිටිය යුතුය.

: 2 1

chandima Thursday, 19 August 2021 07:41 PM

වැරදිලා මන්ත්‍රී කෙනෙක් වුන කෙනෙක් වගේ පෙන්නේ.?

: 1 2

ra Katta Thursday, 19 August 2021 07:58 PM

නොමිලේ අලෙවිකරණය

: 1 1

Jagath Santha Wilpotha Thursday, 19 August 2021 08:33 PM

ඔබතුමා දුන් ආදර්ශය ඉමහත්... ඒ ආදර්ශය ලංකා ඉතිහාසයේ රන් අකුරෙන්ම සඳහන් වේවා..!! පව්කාරයන්ගේ දෑස් විවර වේවා..!!! ඔබතුමා නිරෝගී වේවා..!! නිදුක් වේවා..!! සුවපත් වේවා..!!

: 1 2

Nihal Thursday, 19 August 2021 09:15 PM

ඔබතුමා හොඳ ගති පැවතුම් වලින් පිරිණු ඉතා සංවේදී මිනිසෙකු බව රටේ හුඟදෙනෙක් දන්නවා.

: 2 2

ඔබේ අදහස් එවන්න

එසැණ පුවත්

පාස්පෝට් ටෙන්ඩර් සමාගම පොරොන්දු කඩලා

2024 නොවැම්බර් මස 07 1291 0

විදේශ ගමන් බලපත්‍ර ලබාදීම සඳහා ටෙන්ඩරය ලබා ගත් සමාගම ඔක්තෝම්බර් මස දෙවැනි සතියේදී හිස් විදේශ ගමන් බලපත්‍ර 750 000 ක් ලබාදීමට පොරොන්දු වී ඇතත් මේ වන විට ලබා

එදා අමාත්‍යාංශ දුන්න‍ෙ පනින අයට අල්ලසක් විදියට

2024 නොවැම්බර් මස 07 336 0

ඉකුත් පාලන සමයේදී අමාත්‍යාංශ ලබාදෙනු ලැබුයේ කිසිදු විද්‍යාත්මක ක්‍රමවේදයකට අනුව නොවන බවත් ඒ පැත්තෙන් මේ පැත්තට පනින අයට අල්ලසක් වශයෙන් එම අමාත්‍යාං

වෙන්නප්පුවේ වෙඩි තැබීමකින් දෙකක් රෝහලට

2024 නොවැම්බර් මස 07 474 0

වෙන්නප්පුව කිඹුල්ගාල දවටගහවත්ත ප්‍රදේශයේ දි ඊයේ (07) සවස 5.00 ට පමණ සිදුවු වෙඩි තැබිමකින් දෙදෙනකු තුවාල ලබා මාරවිල මුලික රෝහලට ඇතුලත් කළ බව පොලිසිය කියයි.

හිටපු ජනපති මෛත්‍රීගේ පෙත්සමක් විභාගයට

2024 නොවැම්බර් මස 07 612 0

පාස්කු ඉරුදින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධී වරදක් සිදු කළේ යැ

මදුෂ්ගේ බිරිය කළ ඉල්ලීම අධිකරණය ඉවත දමයි

2024 නොවැම්බර් මස 07 1409 0

හෙරොයින් කිලෝ විසි දෙකක් අත් අඩංගුවට ගැනීමේ පොලිස් මෙහෙයුමේදී වෙඩි වැදී මියගිය පාතාල කල්ලි සාමාජිකයකු යැයි කියන මාකඳුරේ මදුෂ්ගේ මරණය සම්බන්ධයෙන් සි

හිස්බුල්ලා‌ගේ මැතිවරණ කාර්යාලයකට ගල් ගැසූ අයෙකු අත්අඩංගුවට

2024 නොවැම්බර් මස 07 437 1

හිටපු රාජ්‍ය අමාත්‍ය එම්.එල්.ඒ.එම්. හිස්බුල්ලා මහතාගේ මුස්ලිම් කොන්ග්‍රස පක්ෂයේ කාන්තන්කුඩි ප්‍රදේශයේ මැතිවරණ ප්‍රචාරක කාර්යාලයකට ගල්වලින් පහරදී බ