නීත්‍යනුකූල ගමන් බලපත්‍ර හා වීසා බලපත් නොමැතිව ඇමෙරිකාවට ඇතුළු වීමට උත්සාහ කළ ශ්‍රී ලාංකිකයකු  එක්සත් ජනපද දේ්ශ සීමා ආරක්ෂක හමුදාව විසින් අත්අඩංගුවට ගෙන ඇතැයි එරට පළවන පාම් බීච් ඩේලිනිව්ස් පුවත්පත වාර්තා කර ඇත.

මෙලෙස අත්අඩංගුවට ගෙන ඇත්තේ  විසි හය හැවිරිදි   තරුණයෙකි.

මෙම තරුණයා ඇමෙරිකාවේ ටෙක්සාස්හි පාම් බීච් ප්‍රදේශයේ මෝටර් රථයකින් ගමන් කරමින් සිටියදී ඉකුත්  එරට දේශ සීමා ආරක්ෂක අංශ විසින් විසින් ඔහු පරීක්ෂාවකට ලක් කර ඇති අතර එහිදී ලාංකිකයා  ඉදිරපත් කළ ගුවන් ගමන් බලපත්‍රහා වීසා බලපත් කල් ඉකුත්ව ඇති හෙයින් ඒවා නීත්‍යානුකූල බවට තහවුරු නොවීම හේතුවෙන් මෙහුව අත්අඩංගුවට ගනු ලැබීය.

අත්අඩංගුවට ගත් තරුණයා උසස් අධ්‍යාපන කටයුතු සඳහා ඉකුත් දෙසැම්බර් මාසයේදී ප්‍රංශයේ සිට  ඇමෙරිකා එක්සත් ජනපදයට පැමිණ ඇති බව ඔහුගෙන් දේශ සීමා ආරක්ෂක අංශ සිදු කළ ප්‍රශ්න කිරීම් වලදී හෙළිවී ඇත.