ඇඹිලිපිටිය නගරයේ නිවසක පැවති සාදයකදී පොලීසිය හා ඇතිවූ ගැටුමෙන් තුවාල ලබා මියගිය එක්දරු පියාගේ මරණයට සම්බන්ධව අද (27) පැවති මහේස්ත්රාත් පරීක්ෂණයේදී සාක්කියෙන් කියවුණු සැකකරුවන් වහාම අත්අඩංගුවට ගන්නා ලෙස ඇඹිලිපිටිය අතිරේක මහේස්ත්රාත් ප්රසන්න ප්රනාන්දු මහතා රහස් පොලිසියට නියෝග කළේ ය.
මියගිය සුමිත් ප්රසන්න ජයවර්ධනගේ බිරිඳ ශෂිකා නිශාමනී මුණසිංහ මුලින්ම සාක්කි දෙමින් පැවසූයේ තම සැමියා ඉහළ මහලෙන් පහළට තල්ලූ කළේ ඇඹිලිපිටිය පොලීසියේ සහකාර පොලිස් අධිකාරිවරයා බවයි. එමෙන්ම ඇඹිලිපිටිය මුලස්ථාන පොලිස් පරීක්ෂකවරයා ද සිවිල් ඇදුමින් සැරසි සිටි බව ද එහිදී කියැවිණි. සාක්කිකාරියගේ සාක්කියේදි මෙම නිලධාරින් තනතුරු වලින් හැඳින්විණි. ඇය පැය එකහමාරක් තිස්සේ සාක්කි දුන්නාය.
මහේස්ත්රාත් පරීක්ෂණය ආරම්භයේදීම නීතීඥ සංගමයේ ලේකම් නීතීඥ අජිත් පතිරණ මහතා කරුණු දක්වමින් පැවසුවේ අගතියට පත් පාර්ශවය වෙනුවෙන් නිතිඥ සංගමය ද පෙනී සිටින බවයි. මනුෂ්ය ඝාතනයක් සිදුව ඇතත් මෙතෙක් කිසිදු සැකකරුවකු අත්අඩංගුවට ගෙන නැති බව ඔහු කීවේ ය. අධිකරණයෙන් යුක්තිය ඉටුවීම පමණක් නොව ඉටුවන බව පෙනිය යුතුයැයිද කීවේ ය.
මරණකරුවන්ගේ අයිතිවාසිකම් වෙනුවෙන් නීතීඥ විජිත පුංචිහේවා මහතා සමග පෙනී සිටි ජනාධිපති නීතීඥ හේමන්ත වර්ණකුලසුරිය මහතා පැවසුවේ මියගිය අයගේ බිරිඳගේ සාක්කියෙන් සිද්ධියවු තැනට පැමිණි පිරිස අතරින් පැහැදිලිව හඳුනාගත් කිහිප දෙනෙකුගේ නම් කියවුණ බවයි.
රජයේ ජ්යෙෂ්ඨ නීතිවේදී දිලීප පිරිස් මහතා අධිරණයෙන් ඉල්ලිමක් කරමින් පොලිසිය ද සම්බන්ධ බවට තොරතුරු කියවෙන සිදුවීමක අගතියට පත් පාර්ශවයක් වෙනුවෙන් නීතිපති දෙපාර්තමේන්තුව කරුණු දක්වන බවයි.
ඒ අනුව රහස් පොලිසිය සාක්කි මෙහෙයැවීමෙන් ඉවත් විය. සාක්කියේදී ඇඹිලිපිටිය සහකාර පොලිස් අධිකාරිවරයා සහ මුලස්ථාන පොලිස් පරීක්ෂකවරයා මෙම සිද්ධිය වු තැනට පැමිණ බවට කරුණු සඳහන් වූ නිසා ඔවුන් සම්බන්ධයෙන් කිසිදු සැකයක් නොමැතිව අත්අඩංගුවට ගැනීමේ නියෝගයක දිය හැකි බවත් එසේම පැමිණිල්ල වෙනුවෙන් මේ අනාවරණය වු පුද්ගලයන් විදෙස්ගතවීම වළක්වන නියෝගයක් ද අත්අඩංගුවට ගැනීමේ නියෝගයක් ද නිකුත් කරන්නැයි රජයේ නීතිවේදියා ඉල්ලා සිටියේ ය.
සාක්කිකාරියගේ සාක්කි විමසිම අවසානයේ නියෝගයක් නිකුත්කළ අතිරේක මහේස්ත්රාත්වරයා ශසිකා නිශාමනී මුණසිංහගේ සාක්කියේ සඳහන් සැකකරුවන් ඇත්නම් ඔවුන් වහාම අත්අඩංගුවට ගන්නා ලෙස රහස් පොලිසියට නියෝග කළේය. එසේම සෙසු සැකකරුවන් ද විමර්ශන පවත්වා අත්අඩංගුවට ගන්නා ලෙස ද නියම කළේ ය. මේ ගැන පොලිස්පති නියෝගය මත පරීක්ෂණ පැවැත්වූ ජ්යෙෂ්ඨ නියෝජ්ය පොලිස්පති චන්දන වික්රමසිංහ මහතා කියා සිටියේ ඇඹිලිපිටිය පොලිසියේ දුරකථන ක්රියාකරු ඇතුළු සියලු දෙනාම පොදු අරමුණක් ඇතිව එම සිද්ධිය යටපත් කිරීමට ක්රියා කර ඇති බවයි. ඒ අනුව එම සාදයට පොලිසියේ විසි දෙදෙනකු පමණ ගොස් ඇතැයිද ඔවුන් සියලු දෙනාම අත්අඩංගුවට ගැනීමට නියමිත යැයිද පොලිසිය පවසයි.
ඇඹිලිපිටිය සහකාර පොලිස් අධිකාරීවරයාගේ සහ මුලස්ථාන පොලිස් පරීක්ෂකවරයාගේ විදෙස් ගමන් තහනම් කිරීමේ නියෝගයක් නිකුත් නොකළේය. වැඩිදුර විභාගය පෙබරවාරි 03 දින පස්වරු 02.00 දක්වා කල් තැබිණි.
මහේස්ත්රාත් අධිකරණයේ මෙම සාක්කි විමසද්දී නීතියේ සාධාරණය මෙතෙක් ඉටු නොවුණ බවත් නිතියේ සාධාරණත්වය ඉටුකරන ලෙස ඉල්ලමින් තරුණයෝ පිරිසක් පුවරු ප්රදර්ශනය කරමින් විරෝධතාවක් ද පැවැත් වූහ.
ඇඹිලිපිටි සිද්ධියේ මරණ පරීක්ෂණය පිළිබඳ සාක්කි විමසීමේ තුන්වැනි දිනයේ මිය ගිය සුමිත් ප්රසන්නගේ බිරිය අද (27) සාක්කි ලබාදුන් බවත් නීතිඥ සංගමය වෙනුවෙන් තමා අධිකරණයට කරුණු දක්වමින් නීතිය ඉදිරියේ සැවොම එක සමාන බවත් එබැවින් මෙම නඩුවේ පැහැදිලි සාක්කි තිබෙන නිසා ඊට සම්බන්ධ පුද්ගලයන් අත්අඩංගුවට ගන්නැයි අධිකරණයෙන් ඉල්ලා සිටි බවත් නීතිඥ සංගමයේ ලේකම් අජිත් පතිරණ මහතා පැවසීය.
ඔහු පැවසූයේ අගතියට පත් පාර්ශවය නීතිපතිගෙන් කළ ඉල්ලීමක් අනුව රජයේ නීතිඥවරයකු ඔවුන් වෙනුවෙන් අද පෙනී සිටි බවයි.
වීඩියෝ සැකසුම - අකිල බද්දෙවිතාන
රටේ ආර්ථිකය බේරන්න ගියොත් මිනිසුන් තරහ කරගන්න සිදුවන බව හිටපු ජනාධිපති එක්සත් ජාතික පක්ෂ නායක රනිල් වික්රමසිංහ මහතා එජාප නිලධාරීන් හමුවේ ප්රකාශ කර
අකුරැස්ස සියඹලාගොඩ - පිටබැද්දර මාර්ගයේ බෝපගොඩ මංසන්ධිය ආසන්නයේදී අද සැන්දෑවේ සිදුවූ මාරක රිය අනතුරින් පාසල් ගුරුවරියක හා ඔහුගේ සැමියා මියගොස් ඇතැයි
ණය ප්රතිව්යුහගතකරණ වැඩ සටහන ඉදිරියට ගෙන යාම සඳහා, අදාල පාර්ශව සමග සාකච්ඡා කර ණය සහන ලබා ගැනීමට කටයුතු කරන බව ජනාධිපති අනුර කුමාර දිසානායක මහතා ජාතිය
පොල්ගොල්ල වේල්ලට පහළින් ජලාශයට බැස දියකෙළියේ යෙදෙමින් සිටි මිතුරන් පස් දෙනකු අතරින් දෙදෙනෙකු ජල පහරේ ගසාගන්න ගොස් අතුරුදන් වී ඇති බව වත්තේගම පොලිසිය
ජාතික රූපවාහිනී සංස්ථාවේ නව සභාපති ලෙස ශ්රී ජයවර්ධනපුර විශ්ව විද්යාලයේ ජ්යෙෂ්ඨ කථිකාචාර්ය සෙනෙෂ් දිසානායක බණ්ඩාර මහතද , ස්වාධීන රූපවාහිනියේ සහ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඇඹිලිපිටි ඒඑස්පී, ඕඅයිසී හා පොලිසියේ 22ක් අත්අඩංගුවට?
අසාද් Wednesday, 27 January 2016 12:54 PM
වරදක් කලොත් කවදා හෝ දඩුවම් විදීමට සිදුවනු ඇත.පමාවී හෝ යුක්තිය ඉටුවීම සතුතුදායක තත්වයක්.(කෞ)
විජිත් Thursday, 28 January 2016 06:48 AM
මෙතෙක් කල් අපේ රටේ සිදුවුණු සිද්ධීන්, හා නොයෙකුත් ක්රියාදාම දෙස නැවත ආපසු හැරී බැලුවිට.. මට හිතෙන්නේ...මේ නඩුවේ ප්රධානම චුදිතයින් දෙදෙනා " හදිසියේම අසනීපවී, රෝහල් ගතවේවි.." දශක කිහිපයක්ම ..මඩ ගොහොරු දේශපාලනයෙන්, දුෂණයෙන්, අල්ලසෙන්, සුරාවෙන්, ත්රස්තවාදයෙන් ,මත්ද්රව්යය උවදුරෙන්, ණය බරින් ...පිඩා විඳින ,අන්ත අසරණ ජනතාවක් සිටින රටක, මීටත් වඩා යමක් අපට ඊනියා පාලකයින්ගෙන් බලාපොරොත්තු විය හැකිද...? (බ)
දීපාල් නිරෝෂ් Wednesday, 27 January 2016 01:48 PM
කොච්චර හැංගුනත් පින් පව් එනවා අපි පසු පස්සේ. (බ)
මනෝජ් Wednesday, 27 January 2016 02:28 PM
යුද්ධය අවසන් වී අවුරුදු 5 ක් ගතවෙලත් තවම පොලිසියේ විව්යත්මක වෙනස්කම් කරන්න කවුරුවත් අවදානය කරලා නැති එකේ අඩු පාඩු තමයි මේ. මේ තත්වය 2025 වෙනතෙක් තියේවි. (අ)
දසත් රණසිංහ Thursday, 28 January 2016 02:10 AM
මේ සියළුම සිදුවීම් අහඹු ඒවා නෙමෙයි. ඒ කාලේ පොලීසිය වැඩකළේ රටම තමන්ට අයිතියි කියලා හිතලයි. ඉතින් එකපාරටම මේ ගති නැතිවෙන්නෙ නැහැ. යහපාලන ආණ්ඩුවට තිබෙන විශේෂම වගකීම තමයි මේවාට වැටබඳින එක. (නි)
සුමිත්රා බස්නායක Wednesday, 27 January 2016 03:09 PM
සාදාරණයක් ඉස්ට වේවා..........(කෞ)
පද්මිණි Thursday, 28 January 2016 08:08 AM
විජිතගේ අදහස සමඟ එකඟවෙමි. (නි)
කුමාර Wednesday, 27 January 2016 03:15 PM
උපරිම දඩුවම් දෙන්න ,, අපි බලමු නඩු කාර තුමා තීන්දුව හරියට දෙයිද කියල (කෞ)
ඉසුරු Wednesday, 27 January 2016 03:51 PM
ලංකාවේ පොලිස් දෙපාර්තමේන්තුව සම්පුර්ණයෙන්ම ප්රති සංවිධානය කරන්න ඕනේ.. පොලිසියේ අය මිනිස්සුන්ට සේවය කරන්න ඉන්නවා මිසක් බලය පෙන්නන්න නෙමේනේ ඉන්නේ. (බ)
ජගත් Thursday, 28 January 2016 09:08 AM
පොලිස්පති ඇතුළු පොලිසියේ බොහෝ ඉහල ස්ථර දුෂිත වුවාට පහල ස්ථර ඊට අනුරූපව දුෂිත නැහැ ...! ඔවුන් අතින් ද යම් වැරදි සිදුවුනත් බලවත් අපහසුතා,අඩුලුහුඬුකම් මැද දුෂ්කර රාජකාරියක් කරනවා.මහපාරේ රථවාහන පොලිස් නිලදරුවන් විඳින දුක බලන්න අවුවට වැස්සට මූණ දෙමින් ඩිසල් දුම කකා...! මේ පොලිස්පති වගකීම ගෙන ඉල්ලා අස්විය යුතු, (කෞ)
සුමිත් Thursday, 28 January 2016 04:48 AM
එතකොට අර රුවන් වැකි කියන එක්කෙනා ට මොකක්ද දෙන දඩුවම , බොරු කිව්වට , එය කිව්වනේ මරණකරු වීදුරුව කඩාගෙන පනින බවට පැහැදිලි සාක්කි තියෙනවා කියල, එයා මේදවස් වල මීයට පිම්බ වගේ හ්ම්ම් නැහැනේ (බ)
ලංකාසිරි Wednesday, 27 January 2016 07:21 PM
දැන්වත් අපේ පොලිසිය හැදුනොත් ඇති. (නි)