පසුගිය 4 වැනිදා ඇඹිලිපිටිය ව්යාපාරික දේගිරි ගයාන් මෙන්ඩිස්ගේ නිවසේ පැවැති සාදයේදී මියගිය සුමිත් ප්රසන්න ජයවර්ධන ගේ පශ්චාත් මරණ පරික්ෂණයේ වාර්තාව හා සාක්කි සටහන් කරගෙන ලබන 13 වැනිදා ඉදිරිපත් කරන ලෙස ඇඹිලිපිටිය මහේස්ත්රාත් ජනක කැකිරිදෙණිය මහතා රත්නපුර නියෝජ්ය පොලිස්පතිට අද (11) නියෝග කළේය.
ඇඹිලිපිටි පොලිසිය මෙම පරීක්ෂණවලට ඉදිරිපත් නොවිය යුතු බවද මහේස්ත්රාත්වරයා කියා සිටියේය.
පසුගිය 4 වැනිදා ව්යාපාරිකයාගේ නිවසේ පැවැති මල්වර මගුලේදී පොලිසිය සමග ඇතිවූ ආරවුලකින් පසු සුමිත් ප්රසන්න ජයවර්ධන උඩු මහළින් වැටී රත්නපුර රෝහලට ඇතුළු කිරීමෙන් පසු මිය ගියේය.
මේ සිද්ධිය සම්බන්ධයෙන් පොලිසියට පහර දුන්නැයි කියන ව්යාපාරිකයා ඇතුළු 8 දෙනකුට ඇප නියම විය. එසේ ඇප නියම වූයේ දේගිරි ගයාෂාන් මෙන්ඩිස්, දේගිරි රුමේෂ් තරංග, දේගිරි ඉෂාර හර්ෂ, දේගිරි රංජිත් නන්දසිරි, දේගිරි පද්මසිරි මෙන්ඩිස්, චම්පික කුමාර ආරියමුණි, ජී.ජී.ලසන්ත හා ජී.ජී.වසන්ත යන අයටය.
පෙරට්ටුවට 6 දෙනෙක් ඉදිරිපත් කරනු ලැබ සිටියහ.පොලිස් රාජකාරියට බාධා කළැයි කියන පස් දෙනෙක් පොලිසියේ සිව් දෙනකු විසින් හඳුනාගනු ලැබූහ.
පෙරට්ටුවට ඉදිරිපත් නොකෙරුණේ ජී.ජී.ලසන්ත හා ජී.ජී.වසන්ත යන රෝහලේ ප්රතිකාර ලබමින් සිටි දෙදෙනාය. අනෙක් පස් දෙනා වන ගයාෂාන් මෙන්ඩිස්, රුමේෂ් තරංග, ඉෂාර හර්ෂ, රංජිත් නන්දසිරි, පද්මසිරි මෙන්ඩිස්, කුමාර ආරියමුණි යන අයයි. චම්පික කුමාර ආරියමුණි හඳුනා නොගැනිණි.
ඉදිරිපත් වුණු කරුණු සැලකිල්ලට ගත් මහේස්ත්රාත්වරයා එක් සැකකරුවකුට රුපියල් එක්ලක්ෂ පනස් දහස බැගින්වූ ශරීර ඇප දෙක බැගින් නියම කළේය. එසේම ගැටුම සිදුවූ නිවස අසල පිහිටි නේෂන් ලංකා බැංකුව, වැලිබල් ෆිනෑන්ස් සහ එදිරිසිංහ ට්රස්ට් ඉන්වෙස්ට්මන්ට් ආයතනවල සීසීටීවී දර්ශන සුරක්ෂිතව තබාගන්නා ලෙසද එම ආයතනවලට නියෝගයක් නිකුත් කැරිණි.
පොලිස් මාධ්ය ප්රකාශකවරයා විටින් විට සිදුකරන ප්රකාශ නිසා සාක්කි දීමට සිටින අය බියවී සිටින බවත් බලපෑම් සහිත ප්රකාශ නිකුත් නොකරන්නැයි ඔහුට නියෝග කරන ලෙසත් විත්තිය වෙනුවෙන් පෙනී සිටි නීතිඥ විජිත ජී.පුංචිහේවා මහතා මහේස්ත්රාත්වරයාගෙන් ඉල්ලා සිටියේය.
ජනාධිපති අනුර දිසානායක මහතා සහ මහ බැංකු අධිපති නන්දලාල් වීරසිංහ මහතා අතර රටේ ආර්ථික තත්ත්වය සම්බන්ධයෙන් විශේෂ සාකච්ඡාවක් ජනාධිපති කාර්යාලයේදී අද පස
පාර්ලිමේන්තුව ජනාධිපතිවරයා විසින් අද (24) මධ්යම රාත්රි 12.00 සිට විසුරුවා හරිනු ලැබීය.
රටේ පැවති දූෂිත, දුර්දාන්ත, අකාර්යක්ෂම හා අදූරදර්ශි රාජ්ය පාලනය වෙනුවට ගොඩනගන්නට බලාපොරොත්තු වූ රට පිලිබඳව තවමත් සිහින දකින බව ෆීල්ඩ් මාර්ෂල් සරත් ෆ
අනුරට රට කරගෙන යාමට හැකියාව තිබෙන බව හිටපු ජනාධිපති මහින්ද රාජපක්ෂ මහතා පැවසීය.
මෙවර පහ වසර ශිෂ්යත්ව විභාගයේ පළමු ප්රශ්න පත්රයේ ප්රශ්න තුනක් වට්ස්අප් මාර්ගයෙන් බෙදා හැරි බව කියන ශිෂ්යත්ව ගුරුවරයෙක් අද (24) අපරාධ පරීක්ෂණ දෙපාර
පියාගේ තුරුලේ නිදාගෙන සිටි 5 හැවිරිදි දැරියක් පැහැරගෙන ගොස් අපයෝජනය කිරීමට සූදානම් වෙද්දී මවගේ විමසිලිමත්භාවයත් සමග දැරිය අත්හැර දමා පලා ගොස් සිටියද
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඇඹිලිපිටි මරණ පරීක්ෂණය 13ට කල් යයි
සජිත් Monday, 11 January 2016 02:22 PM
පොලිස් මාධ්ය ප්රකාශක තුමාගේ කතා ඇහෙනකොට හිතෙනවා මේක ලංකාවද නැත්නම් අයි.එස්.අයි. එස්.පොලිසියද කියලා. (බ)
කපිල Monday, 11 January 2016 02:30 PM
කොහොම හරි පොලිසියේ වැරදි කරපු අය බේරන්න හදන්නේ නැතුව අපක්ෂපාති පරීක්ෂණයක් සිදු කරාවි යැයි කාට නම් කිව හැකිද? මක් නිසාද නඩුත් බඩුත් හාමුදුරුවන්ගේ වන නිසා (බ)
හිමාල් Monday, 11 January 2016 04:38 PM
මල්වර මඟුලට මත්පැන් ගාවගත්තේ නැත්නම් අද ඔක්කොම සතුටින් ඉන්නවනේ. (නි)
අරවින්ද Tuesday, 12 January 2016 07:25 AM
හිමාල්, බෞද්ධ බහුතරයක් ඉන්න රටක් විදිහට මත්පැන් තහනම් කරන්න අවුරුදු 67 ක් තිස්සේ රට කරවපු එක නායකයෙකුට හරි පුළුවන් කමක් තිබුනේ නෑ නේ. (ර)
අබය Monday, 11 January 2016 10:43 PM
පොලිසියේ ප්රහාරයෙන් මැරුණේ සිවිල් වැසියෙක්. නමුත් ඇයි අත්අඩංගුවට ගන්නේ උත්සවයට සහභාගිවුණ උදවිය? පුදුමයක් නෙමෙයි මිනිස්සු කැලේ නීතිය ක්රියාත්මක කරන එක. (නි)
පිටබැද්දර ජයා Tuesday, 12 January 2016 12:24 AM
මේක අපක්ෂපාතිව සිදුකෙරෙන බවට ඉඟියක් මහේස්ත්රාත්තුමාගේ නියෝගයේම තිබෙනවා. සාක්කි සටහන් කරගැනීමට ඇඹිලිපිටි පොලිසිය නොයායුතුයි කියන කොටස. අපි ඉමු සුබවාදී තීන්දුවක් එනතුරු, මේ මැරුන තරුණයාට සහ අගතියටපත් පවුලේ සැමට සාධාරනය ඉටුවෙනතුරු සහ වරදකරුවන්ට දඬුවම් ලැබෙනතුරු (නි)