ගජබා සුපර් ක්රොස් ’මෝටර් රථ හා යතුරු පැදි තරගාවලියට මෝටර් රථ හා යතුරු පැදි ධාවකයෝ 195 දෙනෙක් ඉදිරිපත්ව සිටිති. ශී්ර ලංකා යුද හමුදාවේ ගජබා රෙජිමේන්තුව සහ ශ්රී ලංකා මෝටර් රථ හා යතුරු පැදි ධාවකයන්ගේ සංගමය එක්ව 11 වැනි වරටත් සංවිධානය කරන මෙම තරගාවලිය මේ මස 26 වැනිදා පෙරවරු 9.00 ට අනුරාධපුරයේ සාලියපුර යුද හමුදා ධාවන පථයේදී පැවැත්වේ. මෝටර් රථ ඉසව් 11 ක් හා යතුරු පැදි ධාවන ඉසව් 10 කින් තරගාවලිය සමන්විතය. යතුරු පැදි තරග සඳහා ධාවකයන් 105 දෙනෙක් ද, මෝටර් රථ ඉසව් සඳහා ධාවකයෝ 90 දෙනෙක් ද ඉදිරිපත්ව සිටිති. මෝටර් රථ ඉසව් සඳහා ධාවකයන් වැඩි පිරිසක් මෙවර ඉදිරිපත්ව සිටින බව ශ්රී ලංකා මෝටර් රථ හා යතුරු පැදි ධාවකයන්ගේ සංගමයේ සභාපති මහේෂ් ගම්මන්පිල මහතා ‘ලංකාදීපයට’ පැවසීය. ඉල්ලීම් රැුසක් ඉදිරිපත් කරමින් තරග වර්ජනයකට සුදානම්වූ යතුරු පැදි ධාවකයන් සමග කළ සාකච්ඡා සාර්ථකවීම මත යතුරු පැදි ධාවකයන්ද මෙවර තරගාවලියට සහභාගිවේ. ඉන්දීය යතුරු පැදි තරගකරුවන් වන සී. එස්. සන්තොෂ්, හරීඞ් නෝහා සහ මොහොමඞ් අඞ්නන් තිදෙනා මෙවර තරගාවලියට සහභාගිවන බවද ගම්මන්පිල මහතා පැවසීය. මේ අතර ශ්රී ලංකාවේ මෝටර් ක්රොස් ශූරයා වන ගයාන් සඳරුවන්ද තරගාවලියට සහභාගිවීමේ අපේක්ෂාවෙන් පසුවෙයි. ගයාන් පවසන්නේ තමන්ගේ දකුණු අතේ පවතින ආබාධය සම්පූර්ණයෙන්ම සුව වී නොමැති බවත්, එනිසා තරගාවලිය ඉලක්ක කරමින් පුහුණුවීම්වල නිරතවීමේ හැකියාවක් තමන්ට නොලැබුණු බවයි. මෙම තත්ත්වය නිසා සියැට් ශූරතාවලියේ ඉදිරියට ඒමේ ලකුණු ලැබීමේ අපේක්ෂාවෙන් තමන් තරග ඉසව්වකට හෝ සහභාගිවීමට බලාපොරොත්තුවන බවද ගයාන් පැවසීය. යතුරු පැදි ධාවකයන්ගේ ඉල්ලීම් සලකා බලා ඉසව්වල ජය ගන්නා යතුරු පැදි ධාවකයන් සඳහා මුදල්් ත්යාග ලබාදීමට ද කටයුතු යොදා තිබේ. සීගිරිය මෝටර් රථ හා යතුරු පැදි තරගාවලියේ සිට යතුරු පැදි ධාවකයන්ට මුදල් ත්යාග පිරිනැමීමට ශ්රී ලංකා මෝටර් රථ හා යතුරු පැදි ධාවකයන්ගේ සංගමය පියවර ගෙන තිබේ. ශ්රී ලංකා මෝටර් රථ හා යතුරු පැදි ධාවකයන්ගේ සංගමය වාර්ෂිකව සංවිධානය කරන ‘සියැට් - ස්ලාඩාර්’ මෝටර් රථ හා යතුරු පැදි තරගමාලාවේ පස්වැනි තරගාවලිය ලෙස මෙය පැවැත්වේ. යුද්ධයේදී දිවිපිදු ගජබා රෙජිමේන්තුවේ සෙබළුන්ගේ පවුල්වල සාමාජික සාමාජිකාවන්ගේ සහ ආබාධිත සෙබළුන්ගේ සුබ සාධන අරමුදලට ආධාර පිණිස මෙන්ම රෙජිමේන්තු මධ්යස්ථානයේ යටිතල පහසුකම් නගා සිටුවීමේ අරමුණින් මෙම තරගාවලිය සංවිධානය කරයි. තරගාවලියේ මුද්රිත මාධ්ය අනුග්රහකයා ලෙස විජය පුවත්පත් සමාගම කටයුතු කරයි.
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඉන්දීය ධාවකයන් සමග තරගයට ගයාන් යළිත් ධාවන පථයට බසී
සමීර Friday, 24 August 2012 11:51 AM
ගයාන් සහ අපේ රටේ සියළු තරඟකරුවන්ට ජය වේවා... (ස)