(රංජිත් රාජපක්ෂ)

පවතින අධික වැසි සමඟ ඉහල කොත්මලේ, ලක්ෂපාන සහ කැනියොන් ජලාශවල වාන් දොරටු  ස්වයංක්‍රීයව විවෘත වී ඇති බව ජලාශ බාර ඉන්ජිනේරුවරු කියති.

ඉහල කොත්මලේ ජලාශයේ එක් වාන් දොරටුවක්, කැනියොන් ජලාශයේ වාන් දොරටු දෙකක් අගල් 6 බැගින් සහ ලක්ෂපාන ජලාශයේ වාන් දොරටු තුනම විවෘත වී ඇතැයිද ඔවුහු කියති.

මේ අතර මවුස්සාකැලේ ජලාශය පිටාර මට්ටමට අගල් 06 දක්වා ආසන්න වි ඇති බවත්, කාසල්රි ජලාශයද පිටාර මට්ටමට ආසන්න වෙමින් පවතින බවත්, ජලාශ දෙකේම ජල මට්ටම ඉහල යාම නිසා කැනියොන්, ලක්ෂපාන, නව ලක්ෂපාන, පොල්පිටිය සහ විමලසුරෙන්ද්‍ර යන ජල විදුලි බලාගාර වල විදුලි උත්පාදනය උපරිම ධාරිතාවෙන් සිදු කරන බව එම ජල විදුලි බලාගාර ඉංජිනේරු සදහන් කළහ .

 පහත්බිම්වල පදිංචිකරුවන් සැලකිලිමත්ව සිටින ලෙස ජලාශ භාර ඉංජිනේරු ඉල්ලා සිටිති .

ඉහළ කොත්මලේ ජලාශය

ලක්ෂපාන ජලාශය

මවුස්සාකැලේ ජලාශය

කැනියොන් ජලාශය