උපාධි දියණිය උඩුමහලින් වැටී මරුට

(බිමල් ශ්‍යාමන් ජයසිංහ සහ බුද්ධික කුමාරසිරි)

අඩක් වැඩ නිම කළ දෙමහල් නිවෙසක උඩුමහලේ පිටුපස අනාරක්ෂිත කොටසින් පහළට වැටී උපාධිධාරී තරුණියක මියගොස් ඇතැයි තලංගම පොලිසිය කියයි.

අනතුරින් මියගොස් ඇත්තේ දේශීය ආදායම් දෙපාර්තමේන්තුවේ කළමනාකරණ සහකාර ලෙස සේවය කළ නිවිතිගල, ගාල්ලගේ මණ්ඩිය පදිංචිව සිටි හංසනි භාග්‍යා ජයතිලක නැමැති (30) හැවිරිදි තරුණියයි.

මියගිය තරුණිය තවත් තරුණියන් තිදෙනකු සමග බත්තරමුල්ල ප්‍රධාන වීදිය සම්පත් පෙදෙසේ දෙමහල් නිවසේ උඩුමහලේ පිටුපස කොටසේ තාවකාලිකව නවාතැන් ගෙන සිටින අතර ඉකුත් සිකුරාදා (11) ඇය රැකියාව නිමවා සවස 6.40 ට පමණ පැමිණ ඇති බව පොලිස් විමර්ශනවලදී අනාවරණය වී ඇත.

ඇය සමග කාමරයේ වෙසෙන ඉඩම් රෙජිස්ට්‍රාර් කාර්යාලයේ මිතුරිය ද රැකියාව නිමවා ඒ වෙනකොට පැමිණ සිට ඇති අතර මියගිය තරුණිය ඇය අමතා පවසා ඇත්තේ රාත්‍රී ආහාරය සඳහා ඇය රැගෙන එන ලද ඉස්සෝ මාළු පිළියෙල කරන බවත්ය.

ඒ අතරතුර එම මිතුරිය නාන කාමරයට ගොස් ඇඟ සෝදා පිරිසුදු කරන අතරවාරයේදී කෑ ගැසීමක් සමග ඇසුණු විශාල ශබ්දයක් ඇසී ඇය නාන කාමරයෙන් පිටතට පැමිණ සෝදිසි කිරීමේදී මිතුරිය ඉහළ මහලයෙන් වැටී සිටිනු දැක ඒ සම්බන්ධයෙන් පදිංචි නිවස හිමිකරුවන් වෙත පවසා ඇතැයි පොලිසිය කියයි

වහා ක්‍රියාත්මක වූ අසල්වාසීන් සුවසැරිය ගිලන් රථය මගින් කොළඹ ජාතික රෝහල වෙත ඇතුළත් කිරීමෙන් අනතුරුව හදිසි ප්‍රතිකාර ඒකකයේ ප්‍රතිකාර ලබමින් සිටියදී මිය ගිය බව පොලිසිය වැඩිදුරටත් සඳහන් කරයි.

මියගිය තරුණියක් මීට පෙර ඉඩම් රේජිස්ටර් කාර්යාලයේ සේවය කර ඇති අතර වසර දෙකකට පමණ ඉහතදී දේශීය ආදායම් දෙපාර්තමේන්තුවේ සේවයට පැමිණ ඇති බව ආරංචි මාර්ග සඳහන් කරයි

කොළඹ ජාතික රෝහලේ පැවති පශ්චාත් මරණ කටයුතුවලින් අනතුරුව දේහය ඥාතීන් වෙත භාරදීම සිදුකෙරිණි

අදහස් (11)

උපාධි දියණිය උඩුමහලින් වැටී මරුට

ලුම්බිණි Tuesday, 15 October 2024 04:32 AM

අනාරක්ෂිත නිවාස කුලියට දීම වැරැදියි. මේ ගෙවල් අයිති කරුවන්ට විරුද්ධව නීති මගින් කටයුතු කළ යුතුයි...

: 0 0

සෙනෙවිරත්න Tuesday, 15 October 2024 06:14 AM

සම්පූර්ණයෙන්ම අනාරක්ෂිත වැටක්, ලිස්සා ගියොත් ඔය අත්වැට අතරින් පහලට වැටෙනව, ඒ වගේම ලණු වලින් අවෙරනය වන කොටසකුත් පේනව, නිවෙස් හිමියන් කුලිය බලා මෙවන් අනාරක්ෂිත නවාතැන් දීම සම්බන්ධයෙන් නඩු පැවරිය යුතුයි.ඇයට නිවන්සුව ලැබේවා,

: 0 0

Bandara Tuesday, 15 October 2024 08:04 AM

වෙච්චි දේ ගැන කණගාටුයි.

: 0 0

Zeylanicus Tuesday, 15 October 2024 08:38 AM

කවුරු වුණත් මනුස්සයෙක් නේද? මේ වාර්තාවේ උලුප්පලා තියෙන්නේ විදිහට එච්චර උගත් නැති කෙනෙක් මෙහෙම වැටුණානම් කමක් නැහැ වගේ...!

: 1 1

Bunny Preena Tuesday, 15 October 2024 08:55 AM

සල්ලි වලට තියන තන්හාවට සහ කෑදරකමට නිසි ආරක්ෂාවක් නැතිව මිනිස්සුන්ට කුලියට සහ පදිංචියට දෙන එවුන්ට දැඩි දඬුවම් ලබා දිය යුතුයි....නිවසක් කුලියට දීමට සුදුසුද තහවුරු කිරිමට රජයේ වගකිව යුතු ආයතනයක් ලංකාවේ නැති නිසා ප්‍රමිතියෙන් තොර මිනිස්සුන්ට ආරක්ෂා සහිත නොවන ගෙවල් සෑහෙන ප්‍රමාණයක් නගරබදව තියෙනවා..

: 0 66

සමන් Tuesday, 15 October 2024 10:02 AM

වහාම මේ බිල්ඩිමේ අයිතිකාරයාට එරෙහිව දඩුවම් ලබා දෙන්න.

: 0 49

පියල් විරසිංහTuesday, 15 October 2024 01:27 PM

අනිවාර්යයෙන්... කිසිම් ප්‍රමිතියක් නැති ගොඩක් බෝඩින් තියනවා. මේවා නියාමනය කළ යුතුයි.

: 0 1

ජගත් ලියනගේ Tuesday, 15 October 2024 03:19 PM

මේවා නියාමනය සදහා නිසි ක්‍රමවේදයක් තිබුණා නම් මෙවැනි අකල් මරණ සිද්ධ වෙන්නේ නැහැ.

: 0 15

Dasa P Tuesday, 15 October 2024 05:30 PM

මේ ප්ලෑන් එක අනුමත කළේ කවුද?

: 0 2

anura Wednesday, 16 October 2024 02:03 PM

කෝකටත් කැමරා චෙක්කළානම් වඩා හොඳයි නේද?

: 0 0

Dasa PWednesday, 16 October 2024 05:13 PM

බැල්කනියේ වැටක් ගහලා නැති එකේ කැමරා දායි කියලා හෙතෙනවද?

: 0 0

ඔබේ අදහස් එවන්න

එසැණ පුවත්

කුවේට් ලාංකික සිරකරුවන් 32ක් කටුනායකට

2024 නොවැම්බර් මස 25 117 0

කුවේට් රාජ්‍යය සහ ශ්‍රී ලංකාව අතර 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේ , එරට මධ්‍යම බන්ධනාගාරයේ (Central Jail of Kuwait) මත්ද්‍රව්‍ය චෝදනාවලට

චීන දූත පිරිසක් ජනපති හමුවෙයි

2024 නොවැම්බර් මස 25 283 0

චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ප්‍රමුඛ චින දූත පිරිස අද (25) ජනාධිපති කාර්ය

අර්ජුන ඇලෝසියස්ට තවත් නඩුවක්

2024 නොවැම්බර් මස 25 1090 0

බදු ගෙවීම පැහැර හැරීම සම්බන්ධයෙන් මාස හයක සිර දඬුවම් විඳින මෙන්ඩිස් සමාගමේ අධ්‍යක්ෂ අර්ජුන ඇලෝසියස් සැකකරු ප්‍රවෘත්ති පත්‍රයක් මුද්‍රණය කිරීම සඳහා

හඳුන්නෙත්ති මහජනතාවට අමාත්‍යාංශයේ දොර අරියි

2024 නොවැම්බර් මස 25 1431 0

වසර හතරකට පසු කර්මාන්ත අමාත්‍යාංශයේ මහජන දිනය අද ඇරැඹිණි.

මෙන්න මහා අපරාධයක්

2024 නොවැම්බර් මස 25 1866 1

මීට වසර 31කට පෙර වැසී ගිය කන්තලේ සීනි සමාගම සතුව සක්‍රීය තත්වයේ තිබූ යන්ත්‍ර සූත්‍ර විශාල ප්‍රමාණයක් මේවන වට විනාශ වී දිරාපත්ව ඇති අයුරු එහි ගිය අපට දැක

තෙවන ලෝක යුද්දයට එරෙහිව බෞද්ධයෝ පෙළ ගැසෙති

2024 නොවැම්බර් මස 25 1268 0

ලෝකය තුළ යළි හිස ඔසවමින් පවතින යුද මානසිකත්වය මුළුමනින්ම තුරන් කර, සාමකාමී ලෝකයක් බිහිකිරීමේ අරමුණින් යුතුව ඉන්දියාවේ බුද්ධගයා පූජා භූමියේ ශ්‍රී මහ