ඇඹිලිපිටිය හිටපු සහකාර පොලිස් අධිකාරී චමින්ද ධර්මරත්නගේ එක් ඇපකරුවෙක් අධිකරණයේ සේවය කරන නිලධාරිනියකගේ සැමියා බැවින් නඩු ගොනුවේ සුරක්ෂිතතාව සම්බන්ධයෙන් අධිකරණයේ ලේඛකාධිකාරිවරයාට නියෝගයක් කරන්නැයි නිතීඥ විජිත ජී පුංචිහේවා මහතා අද (08) ඇඹිලිපිටිය අතිරේක මහේස්ත්රාත් ප්රසන්න නානායක්කාර මහතාගෙන් ඉල්ලා සිටියේ ය.
ඇඹිලිපිටිය නව නගරයේ පැවති දැරියක වැඩිවිය පැමිණීමේ සාදයකට පොලීසිය පැමිණ ඇතිවු ගැටුමකින් පසු සුමිත් ප්රසන්න ජයවර්ධනගේ (29) මරණය සම්බන්ධයෙන් වැඩිදුර විභාගය පැවති අවස්ථාවේ මරුණකරුගේ පාර්ශවයේ අයිතිවාසිකම් වෙනුවෙන් පෙනී සිටිමින් නීතීඥ විජිත ජී. පුංචිහේවා මහතා මෙම ඉල්ලීම කළේ ය.
ඇප ලැබීමෙන් පසු සහකාර පොලිස් අධිකාරීවරයා නඩුවට පැමිණි මුල්ම දිනය අද (08) විය. පොලිස් ජීප් රථයකට සමාන ජිප් රථයකින් පැමිණි සැකකරුට එම වාහනයෙන්ම අධිකරණ භූමියට යන්නට අධිකරණයේ ආරක්ෂාවට සිටි පොලිස් නිලධාරීන් අවසර ලබා දී තිබුණි.
මෙදින අතිරේක මහේස්ත්රාත් අධිකරණය හමුවේ නඩුව කැඳවන ලද අවස්ථාවේ සිද්ධිය සම්බන්ධයෙන් විමර්ශන පවත්වන රහස් පොලිසිය නියෝජනය කරමින් පැමිණි නිලධාරියා වැඩිදුර වාර්තාවක් ඉදිරිපත් කරමින් ඉදිරි විමර්ශන සදහා උපදෙස් පතා විමර්ශන වාර්තාව නීතිපති දෙපාර්තමේන්තුවට යවා ඇති බව පැවසුවේ ය. ඉදිරියේ විමර්ශන පැවැත්වීම සම්බන්ධයෙන් නීතිපතිවරයාගෙන් තවමත් උපදෙස් ලැබී නැති බව ද රහස් පොලිසිය පැවසුවේ ය.
මරණකරුගේ ඥාතීන්ගේ අයිතිවාසිකම් වෙනුවෙන් පෙනී සිටි නීතීඥ විජිත ජී. පුංචිහේවා මහතා කරුණු දක්වමින් සැකකරුගේ එක් ඇපකරුවෙකු අධිකරණයේ සේවය කරන නිලධාරිනියකගේ සැමියා බව මරණකරුගේ ඥාතීන් තමන්ට දන්වා සිට බව පැවසුවේ ය.
සැකකරුගේ නීතීඥ කල්ප පෙරේරා:
‘‘අධිකරණයේ සේවය කරන නිලධාරිනියකගේ සැමියාට අධිකරණයේ ඇප තැබීමට නීතියෙන් බාධාවක් නෑ. ඒ නිලධාරිනියට නඩු ගොනුවේ වෙනසක් කරන්න බෑ. ඕනෑ නම් අපි ඇපකාරයා වෙනස් කරලා වෙන ඇපයක් තියන්නම්.’’
නීතීඥ විජිත ජී පුංචිහේවා මහතා: ‘‘ඒ තිබ්බත් එච්චරයි’’
අතිරේක මහේස්ත්රාත්වරයා: ‘‘ලිපිගොනුව සේප්පුවේ තියලා තියෙන්නේ. එහි ආරක්ෂාව ගැන ගැටලූවක් නෑ. එහි වෙනස්කමක් සිදුකරන්න කිසිවෙකුට බෑ. නඩු ගොනුවට කිසිදු ගැටලූවක් නොවන බවට අධිකරණය සහතික වෙනවා.’’
නීතීඥ විජිත ජී පුංචිහේවා මහතා:
‘‘මා කියන්නේ නෑ එහෙම වෙයි කියලා. නඩු ගොනුවේ වෙනසක් ඇති වෙයි කියලා අගතියකට පත් පාර්ශවය මේ පිළිබඳව මට දැනුම් දුන්නා.’’
සැකකරුගේ නීතීඥ සුමනා හේවාගම මිය:
‘‘නිලධාරිනියක් ඉන්නවා ඒක ඇත්ත. බොරුවක් නෙවෙයි.’’
මේ අවස්ථාවේ විවෘත අධිකරණය ඇමතූ අතිරේක විනිසුරුවරයා මෙම නිලධාරිනියට නඩු ගොනුව පරිහරණයට ඉඩ නොදෙන ලෙස ලේඛකාධිකාරිණයට දැනුම් දෙන බව පවසා වැඩිදුර විභාගය අගොස්තු 24 දිනට කල් තැබීය.
සැකකරු වෙනුවෙන් නීතීඥ කල්ප පෙරේරා මහතා සමඟ නීතීඥ සුමනා හේවාගම මහත්මිය පෙනී සිටියාය. මරණකරුගේ ඥාතින්ගේ අයිතිවාසිකම් වෙනුවෙන් නිතීඥ විජිත ජී. පුංචිහේවා මහතා පෙනි සිටියේ ය.
බණ්ඩාරගම ගුංගමුව අළු පැත්ත විල ප්රදේශයේ දෙපිරිසක් අතර සිදුවූ බහින්බස්වීමකින් අනතුරුව එල්ල වූ ඇසිඩ් ප්රහාරයකින් තිදෙනකු බරපතල තුවාල ලබා රෝහල් ගත
ශ්රී ලංකා පොදු ජනපෙරමුණේ කෑගලු දිස්ත්රික් හිටපු පාර්ලිමේන්තු මන්ත්රී රාජිකා වික්රමසිංහ මහත්මිය සහ හිටපු ජනාධිපති මෛත්රිපාල සිරිසේන මහතාගේ පු
තම මිතුරාගේ පෙම්වතිය බැලීම සඳහා යන අවස්ථාවේදී පිරිසක් විසින් පාසල් සිසුවෙකුට අමානුෂික ලෙස පහරදී ඝාතනය කිරීමේ සිද්ධියට විරෝධය දක්වමින් නාලන්දවත්ත ප
එක්සත් ජාතික පක්ෂය ප්රමුඛ පොදු සන්ධානය ගෑස් සිලින්ඩරය ලකුණෙන් මහ මැතිවරණය සඳහා ඉදිරිපත් වීමට තීරණය කර තිබේ.
උතුරුමැද පළාත් මහ ඇල වාරි ව්යාපෘතියේ සේවකයින් සිය ශ්රමයට සරිලන වැටුපක් ලබා දී සේවක ගැටළු ඉදිරිපත් කළ හැකි වගකිවයුතු නිලධාරීන් පිරිසක් යොමු කරන ලෙස
පාර්ලිමේන්තු මැතිවරණය අවසන්වූ වහා හැකි ඉක්මනින්ම පළාත් පාලන ආයතන ඡන්ද විමසීම පවත්වන බව මැතිවරණ කොමිෂන් සභාව පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘ඒඑස්පීගේ ඇපේ කොස්සක්’
ජයම්පති Wednesday, 08 June 2016 09:13 AM
නඩුව ගංගොඩවිල උසාවියට මාරු කරන්න, ඇප පස්සෙත් තියන්න පුළුවන්. (ම)
කරුණාරත්න ගම්පොල. Thursday, 09 June 2016 05:52 AM
අධිකරණය කෙරෙහි ජනතාවගේ විශ්වාසය පළුදුවීම ශෝචනීය තත්ත්වයක්. ඊට ප්රධාන හේතුව නඩුත් හාමුදුරුවන්ගේ සහ බඩුත් හාමුදුරුවන්ගේ තත්ත්වයට ඇදවැටීමයි. ඊට වහාම පිළියම් යෙදිය යුතුයි. (නි)
සමන් Wednesday, 08 June 2016 11:16 AM
අන්න හරි. ඇප ලබන අවුරුද්දේ හරි තියන්න බැරියෑ (නි)