'රෑට මං හීනෙන් ඇවිදින්' කියන ගීතයත් සමග බොහෝ දෙනා ඇයට ආදරය කළහ. ජිත්මි අබේරත්න යෞවනයේ ළාබාල ගායිකාවකි. පසුගිය කාලයේ ඇගේ හඬ අවදි නොවූවාය. ඒ පිළිබඳව අපත් සමග ඇය පැවැසුවේ මෙවන් අදහසකි.

"පසුගිය දවස්වල පැවැත්වූ සිරස queen තරගයට සහභාගී වුණා. ඉතිං ඒ මාර්ගයෙන් තවත් අවස්ථාවක් ලැබුණා අවුරුදු වැඩසටහනක් කරන්න. ඉතිං මේ දවස්වල ඒ සඳහා සූදානම් වෙනවා. ගොඩක් මට ආදරය කරන රසික රසිකාවියන් සිතනවා ඇති මම සංගීතයෙන් ඈත් වුණා කියලා. මම කවදාකවත් සංගීතයෙන් ඈත් වෙන්නේ නැහැ. නමුත් මේ අවුරුදු වැඩසටහන සංගීතයත් සමග නිර්මාණය වුණ වැඩසටහනක්. මේ හේතු නිසා තමයි මට අලුතින් ගීතයක්වත් කරන්න ඉඩක් ලැබුණේ නැත්තේ. නමුත් හිතන් ඉන්නවා සිංදුවක් කරන්න. ඇත්තටම කිව්වොත් මම පොඩි ප්‍රමාණයක් පමණයි වීඩියෝ ගීත නිර්මාණය කරලා තියෙන්නේ. එකෙනුත් රොමේෂ් අයියත් එක්ක ගායනා කරන 'රූට මං' කියන ගීතය ගොඩාක්ම ප්‍රසිද්ධියට පත්වුණා. ඒ ගීත එළිදැක්වූවේ 2011 වර්ෂයේදී. අදටත් මට රසිකයන් ආදරය කරන්නේ, මාව හඳුනන්නෙ ඒ ගීතය නිසයි. ඉදිරියේදී මගේ ගීතයක් එනවා කියලා රසිකයන්ට කියන්න කැමතියි. නමුත්, මම ඉස්සරහට වෙන්න තියෙන දෙයක් සැලසුම් කරන්නේ නැහැ. මොකද ඒදේ වුණේ නැත්නම් දුක හිතෙන නිසා සහ දෙයක් කරනවා කියලා පොරොන්දු
දීලා කරන්න බැරි වුණොත් කියන බයට. අලුතින් සිංදුවක් කරන්න සූදානම් වුණොත් අනිවාර්යයෙන්ම කියන්නම්."

ඩිලාන් ක්‍රිෂාන්ත / ඡායාරූප - ජිත්මි අබේරත්න Facebook ගිණුමෙන්