ශිවන්ත ප්‍රනාන්දු කියන්නෙ ලංකාවේ තරුණ පරපුර ආදරය කරන ගායකයෙක්. ඊට අමතරව මොහුව බොහෝදෙනා හඳුනන්නෙ මේරියන්ස් සංගීත කණ්ඩායමේ සාමාජිකයෙක් කියලා. නමුත් මේ කාරණා දෙකට වඩා වෙනස් විදිහටත් සමහරු මෙයාව දන්නවා කියලා තමයි ආරංචිය. දවසක් නුවර වෙඩින් එකක play කරලා.

සාමාන්‍යයෙන් වෙඩින් එකකදී කෙනෙක්ව දානවානේ බෑන්ඩ් එකේ ටේබල් එක බලන්න, ඒක ඕනෑ දේවල් දෙන්න. මේ වැඩේට තරුණ කොල්ලෙක් තමයි ඉඳලා තියෙන්නේ. ඉතිං කන්නද බොන්නද මේ හැමදේම මේ තරුණ කොල්ලා බලලා. මේ වැඩේ ඉවර වෙලා බෑන්ඩ් එකේ කට්ටිය එන්න යනකොට ශිවන්ත ගාවට ඇවිත් අර කොල්ලා අහලා "තව මොනවා හරි ඕනද? කරන්න මොනවා හරි දෙයක් තියෙනවාද" කියලා. ශිවන්ත කියලා "නැහැ ඕනේ නැහැ. බොහොම ස්තූතියි කරපු දේවල්වලට" කියලා. එතකොට මේ තරුණ කොල්ලා කියනවාලු "මට ඔයාව දැකලා පුරුදුයිනේ හොඳට. මම මේ ගොඩක් වෙලා ඉඳන් කල්පනා කළේ ඒකයි* කිව්වලු. දැන් ශිවන්ත හිතලා තියෙන්නෙ එයාගේ සිංදු එහෙම හරි මෑශප්වලින් හරි දැකලා වෙන්න ඇති කියලයි.

හැබැයි එයා එහෙම කියලා නැහැ. මේ කොල්ලා කියනවාලු "ඔයාගේ බෑන්ඩ් එකේ සීන් එකක් නෙමේ මට මතක.... ආ හරි ඔයා ගප්පියා නේද" කියලා අහලා. ශිවන්තට තරු විසිවෙලා ඒ අහපු දේට. "ඔයා ගප්පියා නේද? අර කොමිටල් වීඩියෝ එහෙම කරන්නේ" කියලා. "නැහැ නැහැ මම ගප්පියා නෙමේ" කියලා ශිවන්ත ප්‍රනාන්දු එතනින් හිමිට මාරු වෙලා ගියාලු.