ක්රිෂාන් රණසිංහ යන නම ඔබේ දෑසට හුරු වන්නේ ජාතික සහ යොවුන් පුවත්පත්වල නිතර දකින්නට ලැබෙන ඔහුගේ නම නිසා විය හැකිය. ඒ, ඔහු ඡායාරූප මාධ්යවේදියෙකු ලෙස කටයුතු කරන බැවිනි. මෙවර ඔහුගේ නම හා ගැටෙන මේ කතාව එවැන්නක් සඳහා නොව, ඔහු විසින් ගයන ඔහුගේ කුලුඳුල් ගීතය පිළිබඳවය. එනම්, පසුගියදා නිකුත් වූ "කඳුළු අතරේ' ගීතය පිළිබඳවය.
ඔබේ විස්තර?
මම ක්රිෂාන් රණසිංහ. ඉන්නෙ කිරිබත්ගොඩ.
ගීතය ගැන කතා කරමු?
මම හේෂාන් ගමගේ ගුරුවරයාගේ කට හඬ පුහුණු පන්තියට සහභාගි වුණා. එහිදී මට අෂාන් ප්රනාන්දු මල්ලි මුණගැහුණා. පස්සෙ මම ඔහුට කිවුව මට ගීතයක් කරන ඕන කියලා. ඔහු මට ට්රැක් එකක් කරලා එවුවා. එය නිසල් ප්රනාන්දු තමයි පද රචනය කළේ. අපි ගීත තුනක් නිර්මාණය කළා. දැන් එක ගීතයක් නිකුත් කරලා තියෙනවා. ගීතයේ නම "කඳුළු අතරේ". මේ දිනවල එම ගීතය ගුවන් විදුලියෙ ප්රචාරණය වෙනවා. ඒ නමින් සෙවුම් කළොත් යූ ටියුබ් වෙබ් අඩවියෙත් එය දැකිය හැකියි. නුදුරේදීම එම ගීතයට මියුසික් වීඩියෝවක් එළිදක්වන්නත් බලාපොරොත්තු වෙනවා.
සංගීතයට යොමුවීම සිදුවන්නේ කොහොමද?
පාසලේ කනිෂ්ඨ අවධියේ සිටම සංගීතයටයි යොමුවෙලා සිටියෙ. මම සංගීතය හැදෑරුවෙ මනෝජ් නාවලගේ අයියා යටතේ. ඔහු එවකට "සෙනිත්" සංගීත කණ්ඩායමේ හිටපු ලීඩ් ගිටාර් වාදන ශිල්පියා. මම හෝමගම මධ්ය මහා විද්යාලයෙනුයි අධ්යාපනය හැදෑරුවෙ. එහි සංගීත ගුරුවරයාව සිටියේ ගයාන් ගනකධාර මහතා. මම උසස් පෙළට හැදෑරුවෙ වාණිජ විෂය ධාරා. නමුත්, ඔහු ගිටාර් වාදන හැකියාවන් හඳුනාගෙන මාව සංගීත වාදනය යොමු කළා. ඒ කාලයෙ යොවුන් මෙන්ම රාජ්ය නාට්ය උලෙළ පවා නියෝජනය කළ වේදිකා නාට්යවල සහය සංගීත ශිල්පියෙකු ලෙස නියුතු වන්නට මට හැකියාව ලැබුණා. පාසල් කාලය තුළත්, පාසල් කාලයෙන් පසුවත් තරුණ සේවා සභාවේදී නාට්යවලට සහභාගි වෙන්නටත් මට හැකියාව ලැබුණා.
වෘත්තීය ජීවිතයට යොමුවීම සිදුවන්නේ කොහොමද?
මම යොවුන් පත්තරේක දැක්කා රචකයෙකුට රැකියා අවස්ථාවක් තියෙනවා. මම එහි ගියේ මම ලියපු කවිපොතකුත් අරගෙන. එවිට එහි ප්රධාන කතෘව සිටි මහේෂ් රත්සර මද්දුමාරච්චි මහතා මාව රැකියාවට අරගත්තා. ඒ විදියට කාලයක් යනකොට මගේ ලිපිවලට ඡායාරූප අරගන්න මම කල්පනා කළා. ඒ අනුව මම ඡායාරූපකරණය ඉගෙනගත්තා. එයින් වසර එකහමාරක් පමණ ගිය පසු මම ඒ පත්තරේම ප්රධාන ඡායාරූප ශිල්පියා බවට පත්වුණා. ඉන්පස්සෙ දිගටම මම ඒ පැත්තටම ගියා. එයින් කලකට පසු මම %විජය^ පුවත්පත් සමාගමට සම්බන්ධ වුණා.
ගායකයෙකු වීම හරහා වෘත්තියට බාධාවක් වෙයිද?
මට ගායකයෙක් වෙන එක ගැන තියෙන්නෙ ආසාවක්. මට වෘත්තියක් තියෙනවා සහ ඒ වෘත්තියේ මම සැලකියයුතු තරම් ඉදිරියකට ගොස් තියෙනවා. විනෝදාංශයක් විදියටයි සංගීතය හදාරන්නෙ. මගේ වෘත්තීය ජීවිතයයි, සංගීත ජීවිතයයි පටලගන්නෙ නැතුව මේ දෙක සමබරව කරගෙන යන්න මම හිතාගෙන ඉන්නවා.
ස්තුතිය
මගේ පළමු ගුරුවරයා මනෝජ් නාවලගේ සිට ගහාන් ගනකධාර, පුවත්පත්කලාවට ගෙන ආ මහේෂ් රත්සර මද්දුමාරච්චි, %විජය^ පුවත්පත් සමාගමට ගෙන ආ සඳුන් ගමගේ, පසුව දුමින්ද සංජීව බාලසූරිය මහත්තයා, දැනටත් උදවු කරන ප්රධාන කතෘතුමා කාංචන දසනායක මහත්තයා, මගේ අම්මා, තාත්තා, මගේ පවුලේ උදවිය, නෑදෑ හිත මිතුරන් මේ මොහොතේ මතක් කර සිටිනවා. මට ලොකු නෑදෑ සහ මිතුරු පරපුරක් ඉන්නවා. වචනයකින් හෝ උදවු වුණු ඒ සියලු දෙනාට ස්තුති කරන්න මෙය අවස්ථාවක් කර ගන්වා.
0719 078 077
රචින්ත ජයවර්ධන
ඡායාරූප - ශමීර රාජපක්ෂ
පිළියන්දල මඩපාත ප්රදේශයේ නිවසක් පිටුපස වැඩී තිබූ වැටිමාර ගසක අතු කැපීමට ගිය පුද්ගලයෙකුට විදුලි සැර වැදි ගස මතදීම මියගොස් ඇතැයි කැස්බෑව පොලිසිය පවස
නොවැම්බර් 14 දා පැවැත්වීමට නියමිත පාර්ලිමේන්තු මැතිවරණය සඳහා තැපැල් අයදුම්පත් භාර ගැනීම අද (8) මධ්යම රාත්රීයෙන් අවසන් වන බව මැතිවරණ කොමසාරිස් ජනරාල්
දුරකථන චාජරයක් හා ඩේටා කේබලයක් හිස්වැසුමේ සඟවාගෙන බුස්ස අධිආරක්ෂිත බනබන්ධනාගාරයට රැගෙන යමින් සිටි බන්ධනාගාර නියාමකවරයෙකු අත්අඩංගුවට ගත් බව පොලිස්
මහනුවර සිට මාතර බලා ධාවනය වූ දුම්රිය රාගම දුම්රිය ස්ථානයේදී කාර්මික දෝෂයකට ලක්වීමෙන් දුම්රිය මගීහු දැඩි අපහසුතාවකට ලක් වූහ.
අන්තර් නිවර්තන අභිසාරී කලාපය (උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරී වන කලාපය) තවදුරටත් දිවයිනේ කාලගුණයට බලපෑම් කරමින් පවතී.
කළුතර දිස්ත්රික් ලේකම් කාර්යාලයේ ජල ටැංකියට කිසියම් රසායනික ද්රව්යයක් කලවම් වී ඇති බවට පැම්ණිල්ලක් ලැබී ඇතැයි කළුතර දකුණ පොලිසිය පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
'කඳුළු අතරේ' සමගින් එන ක්රිෂාන් රණසිංහ