2024 නොවැම්බර් මස 28 වන බ්‍රහස්පතින්දා
(විමුක්ති එස් රුද්‍රිගු)
අසභ්‍ය ඡායාරූප සහ වීඩියෝ භාවිත කරමින් සිදුකරන බිය වැද්දීම්, තර්ජනය කිරීම් සහ කප්පම් ගැනීම් පිළිබඳ පැමිණිලි මෙම වසරේ සැලකිය යුතු අන්දමින් ඉහළ ගොස් ඇතැයි ශ්‍රී ලංකා පරිගණක හදිසි ප්‍රතිචාර සංසදයේ ජ්‍යෙෂ්ඨ තොරතුරු ආරක්ෂක ඉංජිනේරු චාරුක දමුණුපොළ මහතා ලංකාදීප පුවත්පතට ප්‍රකාශ කළේය.
මෙම වසරේ එලෙස බිය වැද්දීම්, තර්ජනය කිරීම් සහ කප්පම් ගැනීම් පිළිබඳ පැමිණිලි 1140 වාර්තා වන බවත් ඉන් වැඩිම පැමිණිලි සංඛ්‍යාවක් ලැබී ඇත්තේ ආදර සබඳතා බිඳ වැටීමෙන් පසු වෛරී චේතනාවෙන් අසභ්‍ය දර්ශන අන්තර්ජාලයට මුදා හැරි අවස්ථා පිළිබඳව බවත් දමුණුපොළ මහතා පැවැසුවේය. ආදර සබඳතාවය පවතින කාලයේදී කෙසේ හෝ ලබාගත් එවැනි ඡායාරූප සහ වීඩියෝ ආදර සබඳතාව බිඳ වැටුණු විට පෙම්වතියට තර්ජනය කිරීමට හෝ පෙම්වතිය බලෙන් ළඟ තබාගැනීමට භාවිත කළ අවස්ථා පිළිබඳ පැමිණිලි රාශියක් ඒ අතර තිබෙන බව දමුණුපොළ මහතා ප්‍රකාශ කළේය.
ආදර සම්බන්ධතාවය පවතින කාලයේදී සිය පෙම්වතිය කැමැත්තෙන් එවැනි දර්ශනයක් හෝ ඡායාරූපයක් ලබා දුන්නත් එය අන්තර්ජාලයට මුදා හැරීමට පෙම්වතාට කිසිඳු අයිතියක් නොමැති බවද ඒ මහතා ප්‍රකාශ කළේය. එසේම කාන්තාවකගේ සාමාන්‍ය ඡායාරූපයක් ගෙන කෘතිම බුද්ධි තාක්ෂණයෙන් ඇඳුම් ඉවත් කළ අවස්ථා පිළිබඳ පැමිණිලිද මෙම වසරේදී සැලකිය යුතු ප්‍රමාණයක් ලැබී තිබෙන බව දමුණුපොළ මහතා පැවැසුවේය.
කිසියම් අයකුගේ අසභ්‍ය දර්ශනයක් හෝ ඡායාරූපයක් අසභ්‍ය වෙබ් අඩවියක හෝ සමාජ මාධ්‍යයේ සංසරණය වේනම් එහි ඡායාරූපයක් හෝ යූ.ආර්.එල් (ලින්ක්) සමග එය වහාම ඉවත් කර ගැනීම සඳහා ශ්‍රී ලංකා පරිගණක හදිසි ප්‍රතිචාර සංසදය හෝ පරිගණක අපරාධ අංශය අමතන ලෙසද දමුණුපොළ මහතා ශ්‍රී ලාංකිකයන්ගෙන් ඉල්ලීමක් කළේය.
මෙවැනි අවස්ථාවකට මුහුණ දුන්නොත් සිය ළඟම විශ්වාසනීය හිතවතකු දැනුවත් කර එවැනි ක්‍රියාවක් සිදු කළා යැයි සැකකරන තැනැත්තා පිළිබඳ එකතු කළ හැකි සියලු තොරතුරු, දුරකතනට ලැබුණු කෙටි පණිවුඩ සහ දුරකතන ඇමතුම් පිළිබඳ විස්තර සියල්ල එකතු කරගෙන ළඟම ඇති පොලිස් ස්ථානයේ පැමිණිල්ලක් ගොනු කරන ලෙස ඔහු ශ්‍රී ලාංකිකයන්ගෙන් ඉල්ලා සිටියේය. පොදු ප්‍රවාහන සේවයේදී, පොදු ස්ථානවලදී කාන්තාවන් මෙවැනි අපරාධයන්ට නොදැනුවත්ව ගොදුරු විය හැකි බැවින් ඒ පිළිබඳව සැලකිලිමත් විය යුතු බවද දමුණුපොළ මහතා පැවැසුවේය. මෙවැනි සිදුවීමක් වූ විට එම අසභ්‍ය ඡායාරූපයේ හෝ වීඩියෝ පටයේ සිටින කාන්තාව වැරදි යැයි මතයක් තිබුණත් සැබෑ වැරදිකරුවා එම ඡායාරූපය හෝ වීඩියෝ පටය අන්තර්ජාලයට උඩුගත කරන තැනැත්තා බව ඔහු ප්‍රකාශ කළේය.
ශ්‍රී ලංකා පරිගණක හදිසි ප්‍රතිචාර සංසදය ඇමතිය හැකි දුරකතන අංක - +94 11 269 1692, 94 11 269 5749, +94 11 267 9888, 101
අම්පාරට ඇද හැලුනු ධාරිනාපාත වර්ෂාව සමග ඇති වූ ගංවතුර තත්ත්වය නිසා නින්දවුර් කාෆිෆුල් උලුම් අරාබි විදුහලේ නේවාසිකව ඉගෙනුම ලබන සමන්තුර ප්‍රදේශයේ පදිං
අසභ්‍ය ඡායාරූප සහ වීඩියෝ භාවිත කරමින් සිදුකරන බිය වැද්දීම්, තර්ජනය කිරීම් සහ කප්පම් ගැනීම් පිළිබඳ පැමිණිලි මෙම වසරේ සැලකිය යුතු අන්දමින් ඉහළ ගොස් ඇතැ
යාපනය දිස්ත්‍රීක්කයට ඇදහැලුනු ධරාණිපත වර්ෂාව හේතුවෙන් අය සවස් වන විට යාපනය ශික්ෂණ රෝහලට ද දැඩි ගංවතුර තත්වයක් බලපා ඇති බවට යාපනය ශික්ෂණ රෝහලේ අධ්‍යක
යුක්රේනයේ කාර්කිව, ඔඩෙසා ඇතුළු පළාත් 8 ක බලශක්ති යටිතල පහසුකම් ඉලක්ක කරමින් රුසියානු හමුදාව දැවැන්ත ප්‍රහාර මාලාවක් අද(28) එල්ල කර ඇත.
ක්‍රීඩා අමාත්‍යංශය සහ ඊට අනුබද්ධ ආයතනය තුළ වන වංචා සහ දූෂණ කෙළින්ම අමාත්‍යවරයා වන තමන්ට පැමිණිළි කළ හැකි බවත් මෙතෙක් කර ඇති හොරකම්, වංචා සහ දූෂණ අමතක කළ
ජාවාරම් කිරීම සඳහා ශ්‍රී ලංකාවට හෙරොයින් කිලෝ ග්‍රෑම් 425කට අධික ප්‍රමාණයක් රැගෙන එමින් සිටියදී මට්ටක්කුලිය මුහුදු තීරයේදී පොලිස් මත්ද්‍රව්‍ය නාශක ක
2024 නොවැම්බර් මස 05
572
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
776
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
කප්පම් ගැනීම් වැඩි වෙලා