දැනට ඉදිකිරීම් කටයුතු සිදුකරන නජ්මා මෙට්රෝ දුම්රිය ස්ථානය රාත්රියට දිස්වන අයුරු
කම්කරු නීතිය උල්ලංඝනය කරන සමාගම් සම්බන්ධයෙන් බලධාරීන්ගේ පරීක්ෂාව දැඩි වීමත් සමග නව නීති රීති සහ කොන්දේසිවලට අනුගතවන සමාගම් සංඛ්යාව ඉහළ ගොස් තිබේ. විශේෂයෙන්ම ජූනි 15 වැනිදා සිට බලාත්මක කෙරෙනු ගිම්හාන පැය ගණන සම්බන්ධයෙන් සමාගම් දැඩි අවධානයක් යොමු කර ඇත.
යම් සමාගමකට ටෙන්ඩරයක් ලබාදීමේදී රජය විසින් අවධානය යොමු කරන ප්රධානම සාධකය වනුයේ එම සමාගමේ සේවකයන්ගේ ආරක්ෂාව සහ සුවපහසුවට අදාළ කාරණාය. සේවකයන්ගේ ආරක්ෂාව සම්බන්ධයෙන් දුර්වල වාර්තා ඇති සමාගම් සඳහා ටෙන්ඩර් ලබාදීමේ අවස්ථාව සැළකිය යුතු ලෙසින් පහළ බසියි.
“වාර්ෂික නිවාඩුවෙන් පස්සේ මම ආපහු වැඩට ආවාම අපේ සමාගම කම්කරු කඳවුර කලින් තිබුණු තැනින් වෙනත් තැනකට අරගෙන ගිහින්. එතැන හොඳ පහසුකම් තියෙන තැනක්... එක කාමරයක ඉන්නේ සේවකයෝ හතර දෙනයි. ඒක දැකලා මම පුදුම වුණා. මොකද පරණ කඳවුරේ එක් කාමරයක් අපි හය දෙනෙක් බෙදා ගත්තා” යනුවෙන් පවසන්නේ බහුජාතික ඉදිකිරීම් සමාගමක සේවකයෙකි.
රජය විසින් පසුගියදා නව ගිම්හාන කාලයන් ප්රකාශයට පත්කරණ අතර එම නියමයන්ට අනුව සමාගම් උදෑසන 11.30 සිට පස්වරු 3 දක්වා වූ කාලය තුළ සේවකයන්ව එළිමහනේ සේවයේ යෙදවීමෙන් වැළැකී සිටිය යුතුය. මෙම ගිම්හාන කාල නියමයන් ජූනි 15 වැනිදා සිට අගොස්තු මස අවසානය දක්වා ක්රියාත්මක වෙයි.
පරිපාලන සංවර්ධන, කම්කරු සහ සමාජ කටයුතු අමාත්යාංශයේ නියෝගයට අනුව සමාගම් සිය සේවා පැය ගණන පැය 6 දක්වා සහ අතිකාල පැය ගණන උපරිම පැය 2 ක් දක්වා අඩුකළ යුතුය.
එසේම රාමදාන් සමයේදී සේවකයන්ව සැහැල්ලු වැඩවල යොදවන අතර ඔවුන්ගේ සෞඛ්ය තත්ත්වය සහ යෝග්යතාවය සම්බන්ධයෙන් සමාගම් අවධානය යොමු කළ යුතුය.
සමහර විශාල සමාගම් රාමදාන් උපවාසයේ යෙදෙන සේවකයන්ට බර වැඩ නොකරන ලෙසට දැනුම් දී ඇති බවද එක් සේවකයෙක් පවසයි. අධික වෙහෙසට පත්වීම වළක්වා ගැනීම සඳහා උපවාසයේ යෙදෙන සේවකයන්ට සැහැල්ලු වැඩ ලබාදීමද සිදුවෙයි.
උපවාසයේ නොයෙදෙන සේවකයන්ගේ වැඩ ප්රමාණය අඩු කිරීම සඳහා ඔවුන්ව කණ්ඩායම්වලට බෙදා ඇත. එක් කණ්ඩායමක් වැඩ කරන විට අනෙක් කණ්ඩායමට විවේකයක් ලැබෙන පරිද්දෙන් ඔවුන්ව සේවා මුර ක්රමය යටතේ සේවයේ යොදවා තිබේ.
“රාමදාන් සමයේදී වුවත් මෙවර ගිම්හානයේදී හෘදයාබාධවලට ලක්වූ එක් සේවකයෙක් වත් ප්රතිකාර සඳහා පැමිණියේ නැහැ” යැයි පවසන්නේ සේවකයන් සිය ගණනක් සේවා මුර යටතේ සේවය කරන වැඩ බිමක හෙද නිලධාරියෙකි.
“රාජකාරී වේලාවේදී ඔවුන් කරන වැඩ ගැන අපි හොඳින් සොයා බලනවා. වැඩ මූලිකයා නිතරම වැඩ කරන තැනට ගිහින් රාමදාන් උපවාසයේ යෙදෙන සේවකයන්ට විවේක ගන්නා ලෙසට දැනුම් දෙනවා. ඔවුන්ගෙන් කවුරුහරි කෙනෙක් අධික බරක් උස්සනවා වගේ බර වැඩක් කරනවා දැක්කොත්, ඔහුව එම කාර්යයෙන් ඉවත් කරලා ඒ වෙනුවට උපවාසයේ නොයෙදෙන සේවකයෙක් යොදවන්න වැඩ මූලික පියවර ගන්නවා” යැයි හෙද නිලධාරියා වැඩිදුරටත් පවසයි.
ප්රමාණවත් තරම් ජලය පානය කරන ලෙසට වූ උපදෙස් බොහෝ සේවකයන් පිළිනොපැදීම නිසා ඔවුන්ව විජලයෙන් ආරක්ෂා කරගැනීමට ඔවුන්ට වරින් වර සීතල ජලය සැපයීම සඳහා වෙනමම සේවකයෙක් පත්කිරීමට සමහර සමාගම් පියවර ගෙන තිබේ.
“සීතල ජලය, අයිස්, ග්ලූකෝස් සහ වෙනත් ප්රථමාධාර ප්රමාණවත් තරම් වැඩබිමේ ගබඩා කරලා තියෙනවා” යැයි ඔහු කියයි.
“අපි නිරන්තරයෙන්ම සේවකයන්ගේ තත්ත්වය ගැන අවධානයෙන් ඉන්නවා. සේවකයෙක් දුර්වලවෙලා කියලා දැනුනොත් වහාම ඔහුව වැඩ බිමේ ඇති සීතල කාමරය වෙත රැගෙන යනවා”
අපේ සමාගම වැඩබිමට සහ කම්කරු කඳවුර වෙතටම ආහාර සපයනවා. උපවාසයේ යෙදෙන සේවකයන්ට නියමිත වේලාවට ඉෆ්තාර් කෑම වේල ලබාදෙනවා”
“ඉෆ්තාර් කෑම වේලට රට ඉඳි, පළතුරු යුෂ, සමෝසා සහ චානා මසාල අඩංගු වෙනවා. හැමෝටම රාත්රී 8 ට උණු උණුවේ කෑම සපයනවා” යැයි සේවකයෙක් පවසයි.
උතුරු, නැගෙනහිර සහ ඌව පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවේ.
ලෙබනනයේ බේරූට් අගනුවර, ‘රෆික් හරීරි’ ජාත්යන්තර ගුවන්තොටුපොළ අසල හිස්බුල්ලා ඉලක්කවලට ඊශ්රායල ගුවන් හමුදාව එල්ල කළ ප්රහාරවලින් 37 දෙනකු මියගිය බවත්
පරිපාලන වියදම් අවම කිරීමේ අරමුණින්, පකිස්තාන රජය, ජාත්යන්තර මූල්ය අරමුදලේ ඩොලර් බිලියන 7ක ණය ගනුදෙනුව යටතේ එකඟ වූ ප්රතිසංස්කරණවලට අනුව, රජයේ තනතුරු
නිවෙසක් නොමැතිකම හේතුවෙන් වන අලින්ගෙන් තම ජීවිත බේරා ගැනීමට කාලයක සිට ගසක් උඩ ඉදි කළ පැලක වාසය කරමින් ඉතා දුෂ්කර ජීවිතයක් ගත කරන දරු පවුලක් පිළිබඳව අන
ශ්රී ලංකා රජයේ සංවර්ධන ව්යාපෘති සඳහා මූල්ය සහාය ලබාදීමට කොරියානු එක්සීම් බැංකුව එකඟතාවය පළ කර තිබේ.
බොහෝ හිටපු ඇමතිවරුන්ගේ කොළඹ බංගලාවල ආයතන රැසකට අයත් බඩුමුට්ටුවලින් පිරී තිබී සොයාගෙන ඇතැයි රාජ්ය පරිපාලන ස්වදේශ කටයුතු අධිකරණ පළාත් සභා පළාත් පාලන
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කම්කරු නීතියට ගරු කරන සමාගම් සංඛ්යාව ඉහළට