2024 නොවැම්බර් මස 20 වන බදාදා
ඇමෙරිකාවේ ජනාධිපතිවරණයේ ඩිමොක්‍රටික් පක්ෂ උප ජනාධිපති අපේක්ෂක සෙනට් සභික කමලා හැරිස් මහත්මියගේ කාර්ය මණ්ඩල ප්‍රධානියා සහ ජ්‍යෙෂ්ඨ උපදේශකවරිය වශයෙන් ශ්‍රී ලාංකික සම්භවයෙන් යුතු රෝහිණී ලක්ෂ්මි රවින්ද්‍රන් කොසොග්ලු මහත්මිය කටයුතු කරන බව ඒෂියන් ට්‍රිබියුන් වෙබ් අඩවිය වාර්තා කරයි.
ලබන නොවැම්බර් 3 වැනිදා ඇමෙරිකාවේ ජනාධිපතිවරණය පැවැත්වීමට නියමිතය.
ඉකුත් 11 වැනිදා ඩිමොක්‍රටික් පක්ෂයේ ජනාධිපති අපේක්ෂක ජෝ බයිඩන් මහතා, තම උප ජනාධිපති අපේක්ෂිකාව ලෙස නම් කළ කමලා හැරිස් මහත්මියගේ කාර්ය මණ්ඩල ප්‍රධානියා ලෙස රෝහිණී පත්වී ඇත්තේ 2018 වසරේදීය. එම පත්කිරීමත් සමඟ, ඇමෙරිකානු සෙනට් සභිකයෙකු වෙනුවෙන් සේවය කරන, සිව්වැනි දකුණු ආසියානු කාන්තාව බවට පත්වූයේ රෝහීණී කොසොග්ලු මහත්මියයි.
රෝහිණී කොසොග්ලුගේ දෙමව්පියන් වන්නේ වෛද්‍ය විජයදේවේන්ද්‍රම් රවින්ද්‍රන් සහ ශෝභනා රවින්ද්‍රන්ය. ඔවුහු 1980 දශකයේ මුල් භාගයේදී යාපනයේ සිට ඇමෙරිකා එක්සත් ජනාපදයට සංක්‍රමණය වූ ශ්‍රී ලාංකිකයෝ වෙති.
රෝහිණීගේ පියා වූ වෛද්‍ය විජයදේවේන්ද්‍රම් රවින්ද්‍රන් මහතා ගල්කිස්ස ශාන්ත තෝමස් විද්‍යාලයේ අධ්‍යාපන ලැබූවෙකු වන අතර කොළඹ විශ්ව විද්‍යාලයේ වෛද්‍ය පීඨයෙන් වෛද්‍ය උපාධියද ලබා ගත් අයෙක් ද වේ. වෛද්‍ය රවින්ද්‍රන් මහතා වසර 46 ක් තිස්සේ ඇමෙරිකාවේ නිව්ජර්සිහි කායික රෝග පිළිබඳ විශේෂඥ වෛද්‍යවරයෙකු වශයෙන් සේවය කළ අයෙකි.
එම යුවළට දාව නිව්ජර්සිහීදි උපත ලැබූ රෝහිණී කොසොග්ලු සියලු අධ්‍යාපන සුදුසුකම් සපුරා ගනු ලැබුවේද ඇමෙරිකාවෙනි. ඇය මිචිගන් විශ්වවිද්‍යාලයෙන් සහ ජෝර්ජ් වොෂින්ටන් විශ්වවිද්‍යාලයෙන් මූලික උපාධිය ලබා ගනු ලැබුවාය. සිය විශ්ව විද්‍යාල අධ්‍යාපනය අතරතුර ඇය මිචිගන් සෙනෙට් සභික ඩෙබී ස්ටේබෙනෝ වෙනුවෙන් සේවය කළ කාලයේදී තැපැල් හා ලිපි කටයුතු බාර කළමනාකාරවරියක ලෙසින් දේශපාලන සම්බන්ධීකරණ ලේකම්වරියක ලෙස ක්ෂේත්‍රයට අවතීර්ණය වූවාය.
ඇය තම උපාධිය සම්පූර්ණ කර ගැනීමෙන් පසුව ඇමෙරිකා සෙනෙට් සභික ස්ටේබෙනෝ මහතාගේ ජ්‍යෙෂ්ඨ ප්‍රතිපත්ති උපදේශිකාවක ලෙසද කටයුතු කළාය. පසුව ඇය කොලරාඩෝ සෙනෙට් සභික මයිකල් බෙනට් මහතාගේ ජ්‍යෙෂ්ඨ සත්කාර සේවා උපදේශක ලෙස ද සේවය කරමින්, ඔබාමා කෙයාර් නැමැති ඇමෙරිකා පුරවැසියන් සඳහා දැරිය හැකි මිලකට සෞඛ්‍ය සත්කාර ලබාදීමේ පනත සම්බන්ධයෙන්ද ඇය කටයුතු කළ තැනැත්තියක බවද ඒෂියන් ට්‍රිබියුන් වාර්තාවේ දැක්වේ.
කොලරාඩෝ සෙනෙට් සභික මයිකල් බෙනට්ගේ කාර්යාලයේ වසර 7 පුරා සේවය කළ ලාංකික සම්භවයකින් යුතු රෝහිණී කොසොග්ලු, සෙනෙට් සභිකයෙකු ලෙස 2018 වසරේදී අලුතින් තේරී පත් වූ කමලා හැරිස්ගේ කාර්ය මණ්ඩල ප්‍රධානියා සහ ජ්‍යෙෂ්ඨ උපදේශක තනතුර දක්වාම පැමිණියාය.
එවකට එක්සත් ජනපද සෙනෙට් සභිකයෙකුගේ කාර්ය මණ්ඩල ප්‍රධානී තනතුරක් හෙබ වූ එකම ඇමෙරිකා‐ආසියා කාන්තාව බවටද රෝහිණී පත් වූවාය. කෙසේ වෙතත් එවකට කමලා හැරිස් මහත්මියගේ කාර්ය මණ්ඩල ප්‍රධානියා ලෙස රෝහිණී පත් කරනා විට සෙසු ඩිමොක්‍රටික් පක්ෂ සඟයින් විසින් ඇයගේ පත්වීම ගැන නොසතුටු වී ඇත්තේ ඇමරිකා ජාතික කාන්තාවන් රැසක් එම අවස්ථාවේදී පක්ෂයේ සිටීම හේතුවෙනි.
කමලා හැරිස් ඩිමොක්‍රටික් පක්ෂයේ උප ජනාධිපති අපේක්ෂිකාව ලෙස පත් කිරීමත් සමඟ ට්විටර් පණිවිඩයක් නිකුත් කළ රෝහිණි කොසොග්ලු මහත්මිය, “ මෙය ඓතිහාසික අවස්ථාවක්. එය බොහෝ දෙනෙකු සමඟ බෙදා ගැනීමට හැකිවීම ගැන ආඩම්බර වෙනවා. තව දින 84 යි ” යනුවෙන් සඳහන් කර තිබිණි.
රෝහණී මෙවර ඇමෙරිකානු ජනාධිපතිවරණයේ ඩිමොක්‍රටික් පක්ෂයේ උප ජනාධිපති අපේක්ෂිකාව වූ කමලා හැරිස්ගේ ජයග්‍රහණ භූමිකාව වෙනුවෙන් සැලකිය යුතු වැඩ කොටසක් ඉටු කරන්නියක වන අතර ඇය කමලා හැරිස්ගේ ජයග්‍රහණය වෙනුවෙන් වියදම් කිරීමට නියමිත ඇමෙරිකා ඩොලර් මිලියන 40 ක මුදලක් කළමනාකරණය කිරීම, විවාද රැස්වීම පැවැත්වීම, ප්‍රතිපත්ති සැකසීම, සන්නිවේදනය ඇතුළු මෙහෙයුම් සිදුකිරීම මෙන්ම ඒ වෙනුවෙන් කැපවෙන 300කට අධික කාර්ය මණ්ඩල සාමාජිකයින් කළමනාකරණය කිරීම රෝහිණීගේ කාර්ය භාර්යය වේ.
යම් හෙයකින් එළැඹෙන නොවැම්බරයේදී ජෝ බයිඩන් මහතා , ඇමෙරිකාවේ ජනාධිපතිවරයා ලෙස තේරී පත් වුවහොත් එරට ප්‍රථම ආසියානු ‐ඇමෙරිකානු සම්භවයක් ඇති කාන්තාවක ලෙස කමලා හැරිස් මහත්මිය උප ජනාධිපති ධූරයට පත්වන අතර, ශ්‍රී ලාංකික සම්භවයෙන් යුතු කාන්තාවකට ඇමෙරිකාවේ උප ජනාධිපතිවරයාගේ කාර්ය මණ්ඩල ප්‍රධානියා ලෙස කටයුතු කිරීමටද අවස්ථාව ලැබෙනු ඇත.
(125)
රජයේ බංගලා වලින් වහාම ඉවත් වන ලෙස අධිකරණ රාජ්‍ය පරිපාලන ස්වදේශ කටයුතු පළාත් සභා පළාත් පාලන සහ කම්කරු අමාත්‍යාංශය සම්පන්දන් මහතාගේ දියණියට සහ හිටපු අම
වගා හානි කරන සතුන්ගේ ගහනය පාලනය කිරීමට සහ බෝග හානි වැලැක්වීම සඳහා ක්‍රියාත්මක වීමට කෘෂිකර්ම අමාත්‍යාංශය විශේෂ ඒකකයක් පිහිටුවා තිබේ.
ප්‍රවාහන, මහා මාර්ග, වරාය හා සිවිල් ගුවන් සේවා අමාත්‍යාංශයට නියෝජ්‍ය අමාත්‍යවරුන් දෙදෙනෙකු පත් කෙරෙනු ඇතැයි එම අමාත්‍යාංශයෙහි වැඩ බාර ගනිමින් අමාත්‍
දස වැනි නව පාර්ලිමේන්තුවේ සමාරම්භක රැස්වීම හෙට (21) පෙරවරු 10.00ට ආරම්භ වේ.
මහ පාරට වැටීම ගැන සතුටු වන බව හිටපු අමාත්‍ය හරීන් ප්‍රනාන්දු මහතා අද(20)වන දා පැවසීය.
ඇමතිකම් අදාල නෑ, වැඩේ ගොඩ දානවා යැයි ජාතික ජන බලවේගයෙන් කුරුණෑගල දිස්ත්රික්කයේ වැඩිම මනාප ලැබූ පාර්ලිමේන්තු මන්ත්‍රී නාමල් කරුණාරත්න මහතා පැවසීය.
2024 නොවැම්බර් මස 05
433
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
678
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
කමලා හැරිස්ගේ කාර්ය මණ්ඩල ප්‍රධානියා රෝහිණී
AA Friday, 21 August 2020 11:01 AM
ලංකාවේ දෙමළ සම්භවයක් ඇති ඇමෙරිකාවේ ලබා කමලා හැරිස්ගේ කාර්ය මණ්ඩල ප්‍රධානී වූ රෝහිණීට ජයවේවා..!!!
nimalFriday, 21 August 2020 01:48 PM
මෙන්න ජාතිවාදය අවුස්සනවා..
sampath Friday, 21 August 2020 11:30 AM
මෙහෙ හිටියා නම් බෝර්ඩ් ලෑල්ලක් උස්සන් මහපාරේ... අනේ වාසනාවන්..!!!
vinividaSaturday, 22 August 2020 12:02 AM
ලංකාවේ විස්ව විද්‍යාලයක ඉගෙන ගත් ලංකාවේ දෙමල වෛද්‍යවරුන්ගෙන් සිංහල මිනිස්සු වගේම සිංහල වෛද්‍යවරුන්ගෙන් දෙමල මිනිස්සුත් බෙහෙත් ගන්නවා. ඇමෙරිකාවේ ඉන්නේ දෙමල / සිංහල වෛද්‍යවරුන්ගෙන් බෙහෙත් ගන්න සිංහල කට්ටියත් එනවා. ලෝකයේ හැමතනම් ඉන්න සිංහල දෙමල සහ වෙනත් ජාතිනුත් ශ්‍රී ලාංකිකයන් වේ. ඇමෙරිකාවේ තව බොහෝ ශ්‍රී ලාංකිකයන් උසස් රජයේ තනතුරු දරනු ලැබේ. ප්‍රශ්නය තිබෙන්නේ දෙමල කෙනෙකු උසස් තනතුරකට පත්වූ නිසා ද ? දේශය දේශපාලනය, ගෝලීය දේශපාලනය හෝ ගෝලීය සිදුවීම් පිළිබද කිසිවක් නොදන්නා සහ අවබෝදයක් නොමැති සියලූ දෙයක් කෙරෙහිම අන්තවාදී ආකල්පයෙන් බලන්නාවූ නායකයන් සහ ජනතව සිටින රටවල් කිසි දිනෙක් දියුණු වන්නේ නැත.
de silva berlin Friday, 21 August 2020 11:36 AM
කමලලා, රෝහිනීලා බලයට පත්වුණොත් කොටි හිතවාදීන්ට ඇමෙරිකාවේ පිළිගැනීමක් ලැබෙන්න පුළුවන්. ඒක අපේ රටේ අනාගතයට සුබ නැහැ. දන්න යකා නොදන්න යකාට වැඩිය හොඳයි.
RAJAFriday, 21 August 2020 04:51 PM
බයවෙන්න එපා ඇමරිකාවේ ඉඳලා ආපු රාජපක්ෂ කෙනෙක් ජනාධිපති වෙලා ඉන්නකන්.
Prabha Friday, 21 August 2020 08:09 PM
විග්නේෂ්වරන්ගේ කතාවට උත්තරයක් දීගන්න කෙනෙක් නොහිටපු දේශප්‍රේමියන්ගෙන් පිරුණු ආණ්ඩුව...
kumaFriday, 21 August 2020 11:41 PM
බදු මුදලින් නඩත්තුවන විශ්ව විද්‍යාලයක ඉගෙන ගෙන ඇමෙරිකාවේ ඉන්නේ දෙමල මිනිස්සු පමණක් නොවෙ. සිංහල කට්ටියත් ඕනෑතරම් ඉන්නවා. ප්‍රසන තිබෙන්නේ දෙමල නිසාද ? නැත නම් වෙන ප්‍රශ්නයක්ද ? හැම කොටියෙක්ම දෙමල උනාට හැම දෙමලෙක්ම කොටි නොවේ. ලංකාව නැති කරන්නේ බොරු දේශප්‍රේමියෝ. මුළු රටම නැති කරනවා.
විමලා විජය ධර්මසිරිවර්ධන Friday, 21 August 2020 01:00 PM
හාපෝ, කොටි ඇවිත්...
Kamal KoyralaFriday, 21 August 2020 02:21 PM
ඔබ හරි, අපේ දේශප්‍රේමීන් එහෙම කියයි.
LIYANAGE Saturday, 22 August 2020 12:20 AM
කමලා හැරිස් දිනලා උපජනාධිපතිවී ( එය සිදුවන බව පැහැදිලිය ) ලංකාවට පැමිණි දවසක හෝ ලංකාවේ දේශප්‍රේමී නායකයන් ඇමෙරිකාවට ගොස් කමලා හැරිස්ව මුණගැසීමට පෙර පළමුව මුණගැසෙන්නේ ලංකාවේ දෙමල සම්බවයක් තිබෙන්නාවූ රෝහිනී වේ. එම අවස්ථවන් හිදී ලංකාවේ දේශපාලන දේශප්‍රේමීන් ඇයට හායි මැඩම් කියා රෝහිනිට කතා කරනු ඇත. එවිට ජාතිවාදය ගැන කතා නැත. එම අවස්ථාවන් හිදී අන්තවාදී දේශප්‍රේමීන් ප්‍රජාතන්ත්‍රවාදින්ලෙස ලෝකය ඉදිරියේ පෙනී සිටින මොවුන් ලංකාවේදී දුප්පත් අසරණ මිනිසුන් තව දුරටත් රැවටීම නොකරන මෙන් ඉල්ලමි.
indika Friday, 21 August 2020 01:17 PM
ඔවුන්ගේ රජය පත්වුණොත් කමලා ශ්‍රී ලංකාව දෙස මොන කෝණයකින් බලයිද කියලා දැන්ම කියන්න අපහසුයි. එතුමිය ශ්‍රී ලංකා රජයට පක්ෂවද, එරෙහිවද කටයුතු කරන්නේ කියලා සියල්ලෝම විමසිල්ලෙන් සිටිය යුතුයි. කොටි ඩයස්පෝරාවේ බලපෑම් අපිට තාමත් තියෙන නිසා..
Ramani Friday, 21 August 2020 01:46 PM
හොඳයි, නමුත් දැන් කමලා හැරිස්ගේ සටනට මූල්‍ය ආධාර ගලාඑන්නේ කොටි අරමුදලෙන්ද කියලා හිතන්න වෙනවා. කොහොමටත් ඔබාමාගේ සමයේ සිටම කමලා හැරිස්ගේ පක්ෂය කොටින්ගෙන් වුවමනාවටයි වැඩේ කළේ...
ජගා Friday, 21 August 2020 02:39 PM
එහෙම දෙමළ සම්භවයක් ඇති කෙනෙක් ඔතෙන්ට පත් වුනොත් කොටින්ට කකුල් හතරට අමතරව අත් තටුත් එයි.
kamal Friday, 21 August 2020 02:53 PM
මේ තැනැත්තිය කෙසේවෙතත්, ඇයගේ පියා අද ඇමෙරිකාවේ වෙද්‍යවරයෙක් ලෙස සේවය කරමින් තම පවුල නඩත්තු කරන්නේ, ඔහු ලංකාවේදී මහජන බදු මුදලින් නඩත්තුවන විශ්ව විද්‍යාලයකින් "නොමිලේ" ලබා ගත් වෙද්‍ය උපාධියෙනි. එබැවින් මොවුන් අද සිටින තත්වයට ලංකාවට කෘතවේදී වනු ඇතැයි සිතමි..
Champa Friday, 21 August 2020 04:58 PM
නිව් ජර්සි වල ඉපදුනු රෝහිණිගේ දෙමව්පියන් ශ්‍රී ලාංකිකයන්. ඇයට මගේ සුබ පැතුම්! වෙබ්මෙඩ් එකේ තියෙනවා ඇගේ පියා 1974 අවුරුද්දේ කොළොඹ විශ්ව විද්‍යාලයේ වෛද්‍ය පීඨයෙන් උපාධිය ගත්ත කියලා. ඇයට අවුරුදු 3 සහ 5 වයසේ දරුවන් දෙන්නෙක් ඉන්නවා. රාමන් රවින්ද්‍රන් කියල සහෝදරයෙකුත් ඉන්නවා. 2018 දෙසැම්බර් 28 ඉන්ඩියා අබ්‍රෝඩ් එකේ කියල තියෙනව දෙසැම්බර් 10 ඇය කමලා හැරිස්ගේ කාර්ය මණ්ඩල ප්‍රධානියා විදිහට පත්වීම ගැන.
Ashan Friday, 21 August 2020 09:47 PM
හැම එකටම ජාතිවාදය පටලගන්න එපා. අපේ කෙනෙක් මෙවැනි තැනකට ගිය එකට සතුටු වෙන්න. ඕස්ට්‍රේලියාවේ වික්ටෝරියා ප්‍රාන්තයේ එක්තරා පක්ෂයකත් නායිකාව වෙලා ඉන්නේ ශ්‍රී ලාංකික ද්‍රවිඩ කාන්තාවක්. බයවෙන්ඩ එපා අපේ ජනාධීපතිතුමාත් ඇමරිකන්නේ...
ජැක්සන් Friday, 21 August 2020 11:59 PM
83 ජුලි කලබල සමයේ යුරෝපයට අමෙරිකාවට ගිය ලක්‍ෂ ගණනකි . කොළඹ සිටි ද්‍රවිඩයන් ඝාතනය කිරීමෙන් සිදුවූ වන්දියේ ප්‍රතිපලයි මේ. ඔවුන්ට දිව්‍ය ලෝකයේ දොරටුව සිංහලයා ඇර දුනි. මෙවැනි ජාති වාදී ප්‍රහාරයක් සිදු නොවුණි නම් අදටත් ඔවුන් මේ රටේ පුරවැසියන් . යුද්දය වසර 5 අවසන් කල හැකිව තිබුණි .
Pubudu Saturday, 22 August 2020 12:52 AM
ලංකාවේ ඉදිරිය ගැන බයයි.. කොටින්ට හොඳ කලක් යයි මෙයාලා දිනුවොත්...
Kiran Saturday, 22 August 2020 01:02 AM
අපේ සිංහලයන්ට මුල අමකත වුවද අනික් අයට මුල අමතක නැත. ඔවුන් තම වර්ගයාව ඔසවා තබනු ඇත. ඒ නිසා මොවුන් නිජබිම සංකල්පයට පක්ෂපාතී වනු ඇත.
jayampathi Saturday, 22 August 2020 04:54 AM
මම අනුමාන කරන්නේ මොවුන් 83 ජාතිවාදි කොලාහලවලින් පසු රටහැර ගිය පිරිසට අයත් බවයි. රොහිනි උපත ලබා අැත්තෙද අැමරිකාවේ..., මොවුන්ට ලංකාව සහ සිංහල ජාතිය ගැන වෛරයක් තිබීමට පුලුවන් අතර කොටියන්, වීරයන් ලෙස සිතනවා අැති. මෙම පත්වීම ලංකාවට අහිතකර සහ කොටි ඩයස්පෝරාවට හිතකර විමට ඉඩඅැති බව මගේ හැඟීමයි.
de silva berlin Saturday, 22 August 2020 06:19 AM
ශ්‍රී ලාංකික සහ ඉන්දියන්, ද්‍රවිඩ සම්භවයක් ඇති මොවුන් ඇමෙරිකාවේ තිබෙන ද්‍රවිඩ සම්භවයක් ඇති ඡන්ද ලබාගැනීම සඳහා අනිවාර්යයෙන්ම දෙමළ ඩයස් පෝරාවට හිතවත්ව කටයුතු කරනවා. යුරෝපයේ ජීවත් වන අපි බටහිර රටවල දේශපාලනය කරන ද්‍රවිඩයන්ගේ හැසිරීම ගැන අවබෝධයක් තිබෙනවා.
Rata Perata Saturday, 22 August 2020 07:06 AM
මේකේ සමහර අදහස් දැක්කාම කළකිරෙනවා. රෝහිනී අපේ රටට ආඩම්බරයක්.. මොකද අනික් අය වගේ ඇමෙරිකන් පුරවැසියන් වෙලා අපේ රට කොල්ලකන්නේ නැහැ. අන්න ඒ අයටයි ගහලා එළවන්න ඕනෑ.