(අංජුල මහික වීරරත්න)
ශ්රී ලංකාවේ ක්රිකට් ක්ෂේත්රයේ පැන නැගී ඇති ගැටළු නිරාකරණය කිරීම සඳහා පත් කළ අමාත්ය මණ්ඩල අනු කමිටුවේ වාර්තාව එම කමිටුවේ සභාපති විදේශ කටයුතු අමාත්ය ජනාධිපති නීතීඥ අලි සබ්රි මහතා විසින් ජනාධිපති රනිල් වික්රමසිංහ මහතා වෙත අද (01) ජනාධිපති කාර්යාලයේදී බාර දෙනු ලැබීය.
අමාත්ය මණ්ඩල අනු කමිටුව පත් කර මාස එකහමාරක් වැනි කෙටි කාලයක් අැතුලත වේගවත් ක්රියාවලියක් හරහා මෙම වාර්තාව සකසා තිබිණි.
පසුගිය නොවැම්බර් 06 වෙනි දින ගනු ලැබූ කැබිනට් තීරණයට අනුව විදේශ කටයුතු අමාත්ය ජනාධිපති නීතීඥ අලි සබ්රි මහතාගේ සභාපතිත්වයෙන් පත් කළ මෙම අමාත්ය මණ්ඩල අනු කමිටුවේ සෙසු සාමාජිකයන් ලෙස විදුලිබල හා බලශක්ති අමාත්ය කංචන විජේසේකර, මහජන ආරක්ෂක අමාත්ය ටිරාන් අලස්, කම්කරු හා විදේශ රැකියා අමාත්ය මනුෂ නානායක්කාර මහත්වරු කටයුතු කළහ.
එහි ලේකම්/කැඳවුම්කරු ලෙස ජනාධිපති ලේකම් සමන් ඒකනායක මහතා විසින් පත් කරනු ලැබූ ජනාධිපති අතිරේක ලේකම් ලෝෂිණී පීරිස් මහත්මිය කටයුතු කළ අතර අදාල පාර්ශ්වකරුවන් හා සම්බන්ධ වී ශ්රී ලංකා ක්රිකට් ක්රීඩාවේ වත්මන් තත්ත්වය විමර්ශනය කිරීමට එම කමිටුව කඩිනම් පියවර ගනු ලැබීය.
ඒ අනුව ශ්රී ලංකා ක්රිකට්හි සංයුතිය හා ව්යුහය සහ ප්රතිව්යුහගත කිරීමේ යෝජනා,ජාතික පිරිමි සහ කාන්තා කණ්ඩායම්, 19 න් පහල සහ 17න් පහළ වයස් කාණ්ඩ ඇතුළු විවිධ මට්ටම්වල ක්රිකට් ක්රීඩකයන්ගේ පරිපාලනය, පුහුණු කිරීම සහ සමස්ත යහපැවැත්ම සඳහා වන රාමුව, ටෙස්ට් ක්රීඩාවේ නියුතු රටවල මනා ලෙස ක්රියාත්මක වන සංසන්දනාත්මක පද්ධති සමඟ පද්ධති මිණුම් සළකුණු කිරීමේදී විනිවදභාවය, වෘත්තීයභාවය සහ වගවීම සහතික කිරීම පිණිස අනුගමනය කළ හැකි සුදුසු යහපාලනය සහ යහ භාවිතයන්,කුසලතාව, සමානාත්මතාව සහ සාධාරණතාව වැළඳ ගනිමින් ශ්රී ලංකා ක්රිකට්හි පෝෂණ ව්යුහය එනම් පාසල්, දිස්ත්රික්, පළාත් සහ සමාජ මට්ටමේ ක්රිකට් ක්රීඩාව ප්රතිසංස්කරණය කිරීම යන ක්ෂේත්ර හතර කෙරෙහි අවධානය යොමු කිරීමට තීරණය කෙරිණි.
එහිදී වත්මන් අර්බුදයට පාදක වූ සැබෑ හේතූන් විශ්ලේෂණය කිරීම සඳහා වත්මන් ක්රීඩා අමාත්ය හරීන් ප්රනාන්දු මහතා ,හිටපු ක්රීඩා අමාත්යවරුන් සහ ක්රීඩා රාජ්ය අමාත්යවරුන්, ක්රීඩා අමාත්යාංශයේ ලේකම්, ශ්රී ලංකා ක්රිකට් ආයතනය, ශ්රී ලංකා ජාතික ක්රිකට් කණ්ඩායම් (කාන්තා/ පිරිමි) පුහුණුකරුවන්, විනිසුරුවරුන්, ක්රිකට් තේරීම් කමිටුව, 19න් පහළ ක්රිකට් කණ්ඩායමේ පුහුණුකරුවන්, තාක්ෂණ උපදේශක කමිටුව, වනිදු හසරංග ඇතුළු වත්මන් ක්රිකට් කණ්ඩායමේ සාමාජිකයින් , ශ්රී ලංකා විනිසුරු සංගමය, ශ්රී ලංකා නීතිඥ සංගමය, විගණන හා ගණකාධිකරණ ආයතන, විශ්රාමික ශ්රේෂ්ඨාධිකරණ විනිසුරු කේ.ටී. චිත්රසිරි මහතාගේ ප්රධානත්වයෙන් යුත් චිත්රසිරි කමිටුව, විගණාකාධිපති, ආදි පාර්ශව රැසක අදහස් විමර්ශනය කරමින් මෙම වාර්තාවේ නිර්දේශ සකස් කර ඇත.
මේ සම්බන්ධයෙන් සිදු කෙරුණ පර්යේෂණ කටයුතු සඳහා නීතීඥ ෂමිර් සවහිර් සහ නීතිඥ සම්හන් මුන්සිර් යන මහත්වරුන්ගේ සහාය හිමි වූ අතර ජනාධිපති ලේකම් කාර්යාලයේ පාර්ලිමේන්තු කටයුතු අංශය විසින් වාර්තාව සකස් කරනු ලැබීය.
මෙම වාර්තාව බාර ගනිමින් ජනාධිපති රනිල් වික්රමසිංහ මහතා සඳහන් කළේ වාර්තාව මගින් ලබා දී ඇති නිර්දේශ ක්රියාත්මක කිරීමට තමන් බලාපොරොත්තු වන බවත් මෙම වාර්තාව මෙන්ම නව ක්රීඩා පනත් කෙටුම්පත නුදුරේදීම පාර්ලිමේන්තුවට ඉදිරිපත් කිරීමට කටයුතු කරන බවත්ය.
තවද ඉතා කෙටි කලක් තුළ මෙම වාර්තාව ඉදිරිපත් කිරීම පිළිබඳ ජනපතිවරයා අමාත්ය මණ්ඩල අනුකමිටුව වෙත සිය ප්රශංසාව පළ කර සිටියේය.
ජනාධිපති සහකාර ලේකම් සමිත් තලකිරියාව මහතාද මේ අවස්ථාවට එක් විය.
ජනාධිපතිවරණයේදී පොදු අපේක්ෂක රනිල් වික්රමසිංහ මහතාට සහාය දැක්වූ හිටපු රාජ්ය අමාත්ය සිවනේෂතුරෙහි චන්ද්රකාන්තන් මහතාගේ නායකත්වයෙන් යුතු දෙමළ ම
ඇල්පිටිය ප්රාදේශීය සභා මැතිවරණයේ තැපැල් ජන්ද සලකුණු කිරීමට අදාල තැපැල් ජන්ද පත්රිකා අඩංගු රක්ෂිත පැකට්ටු අද (7) තැපැල් දෙපාර්තමේන්තුවට බාර දෙන බව මැ
ජපන් රටේ උසස් අධ්යාපනය සහ රැකියා ලබා දෙන බව පවසා රුපියල් කෝටියකට ආසන්න මුදලක් වංචා කර සැඟව සිටි ජපන් භාෂා ගුරුවරයෙකු අත්අඩංගුවට ගත් බව හොරණ මූලස්ථාන
කොළඹ කෙසෙල්වත්ත ටෙක්නිකල් හන්දිය ප්රදේශයේදී නාඳුනන කාන්තාවක් අද (7) අලුයම් කාලයේ දී තියුණු ආයුධ ප්රහාරයකට ලක්ව මිය ගොස් ඇතැයි කෙසෙල්වත්ත පොලිසිය කි
අන්තර් නිවර්තන අභිසාරී කලාපය (උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරී වන කලාපය) දිවයිනේ කාලගුණයට බලපෑම් කරමින් පවතී.
’’එස් පාස් ’’ විශේෂ අවසර පත්රය සහ ඉහළ පෙලේ දුරකථන ඇමතුම් මගින් ඉකුත් රජයන් සමයේ අධිවේගී මාර්ගය භාවිතා කරමින් සිදුවූ අභාවිතාවය නව ජනපති බලයට පත්වීමත්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ක්රිකට්, ඇමැති අනු කමිටු වාර්තාව ජනපතිට