(සුජිත් හේවාජුලිගේ සහ  අංජුල මහික වීරරත්න )

ක්‍රීඩාවේ දියුණුව සඳහා පාර්ලිමේන්තු සංසදයක් පිහිටුවීමට පාර්ලිමේන්තු කටයුතු පිළිබඳ කාරක සභාවේ එකඟත්වය ලැබී ඇති බව කතානායක මහින්ද යාපා අබේවර්ධන මහතා පාර්ලිමේන්තුවේදී අද (22) පැවසීය.

මෙම සංසදය පිහිටුවීමට ඉල්ලීම කරනු ලැබුවේ විපක්ෂ නායක සජිත් ප්‍රේමදාස මහතා විසිනැයිද  ඔහු සඳහන් කළේය.

මෙයට අමතරව කඳුකරය සුරැකීම සහ  මානව හිමිකම් සුරැකීමට අදාල සංසද දෙකක් පිහිටුවීමටද පාර්ලිමේන්තු කටයුතු පිළිබඳ කාරක සභාවේ අවසරය ලැබී ඇති බව කතානායකවරයා කීවේය.

මන්ත්‍රී වසන්ත යාපා බණ්ඩාර මහතා ඇතුළු මන්ත්‍රීවරුන් පිරිසක් එම කමිටුව පිහිටුවීමට යෝජනා කර ඇති බව මහින්ද යාපා අබේවර්ධන මහතා පැවසීය.

ඔහු මෙසේ පැවසුවේ සභාවේ කටයුතු ආරම්භයේදී නිවේදන ඉදිරිපත් කරමිනි.