2024 නොවැම්බර් මස 13 වන බදාදා
2024 නොවැම්බර් මස 13 වන බදාදා
අන්තර් ජාතික ක‍්‍රිකට් සභාවට ශ්‍රී ලංකාවෙන් ක‍්‍රිකට් විනිසුරුවන් පත් කිරීමේ දී තමන්ට අසාධාරණයක් සිදු වූ බවට ක‍්‍රිකට් විනිසුරුවන් තිදෙනකු ශ්‍රී ලංකා මානව හිමිකම් කොමිසන් සභාවට කළ පැමිණිල්ල විභාග කිරීම ආරම්භ කර තිබේ. කෙසේ වුවත් මේ සම්බන්ධයෙන් කරුණු දැක්වීමට වග උත්තරකරුවන් කල් ඉල්ලා සිටි බව එම කොමිෂන් සභාවේ ආරංචිමාර්ග සඳහන් කරයි. මෙම පැමිණිල්ල සම්බන්ධයෙන් කරුණු විමසීම සඳහා පසුගිය ජනවාරි 16 වැනිදා මුලින්ම කැඳවීම් ලබා තිබුණේ එවකට ක‍්‍රිකට් අතුරු කමිටුවේ සභාපති ධුරය දැරූ ශ්‍රී ලංකා ක‍්‍රිකට් ආයතනයේ වත්මන් සභාපති උපාලි ධර්මදාස මහතාය. අන්තර් ජාතික ක‍්‍රිකට් විනිසුරුවන් වන ගාමිණී දිසානායක, රෝහිත කොට්ටච්චි හා මොරිස් ඩිලා ද සිල්වා යන මහත්වරු මානව හිමිකම් කොමිසමට කළ පැමිණිල්ලකින් කියවුණේ අන්තර් ජාතික ක‍්‍රිකට් සභාවට 2011 වසරේ දී ශ්‍රී ලංකාවෙන් ක‍්‍රිකට් විනිසුරුවන් නම් කිරීමේ දී තමන්ට අසාධාරණයක් සිදු වූ බවත් එමගින් සිය මානව හිමිකම් කඩවී තිබෙන බැවින් එක් අයකුට රුපියල් මිලියන පහ බැගින් වන්දි මුදලක් ද ලබාදීමට නියෝග කරන ලෙසත්ය. ශ්‍රේණිගත කිරීම්වලින් ඉහළින් සිටින විනිසුරුවන් නොසලකා හරිමින් රුචිර පල්ලියගුරු මහතා ඊට නම් කිරීම, ඒ සම්බන්ධයෙන් පැවැති සම්මුඛ පරීක්ෂණය විෂය පිළිබඳව දැනුමක් නොමැති අයකු ලවා මෙහෙයවීම, විනිසුරු ශ්‍රේණිගත කිරීමේ ප‍්‍රතිඵල ලේඛනය ප‍්‍රසිද්ධකර පසුව වෙනස් කිරීම, එවකට ක්රියාත්මක වූ ක‍්‍රිකට් විනිසුරු කමිටුව හා ක‍්‍රිකට් අතුරු කමිටුව ඒ සම්බන්ධයෙන් කළ පැමිණිලි නොසලකා හරිමින් ක‍්‍රියා කිරීම ඇතුළුව තවත් අතුරු කරුණු ගණනාවක් පිළිබඳව මෙම විනිසුරුවන් විසින් මානව හිමිකම් කොමිසමට සිය පැමිණිල්ලෙන් දක්වා තිබුණි. එවකට ක‍්‍රිකට් විනිසුරු කමිටුවේ සභාපති ලෙස කටයුතු කළ කෙන් ද අල්විස් ලේකම්වරයා ලෙස කටයුතු කළ සුදර්මා ද සිල්වා එහි සාමාජිකයන්ව සිටි පර්සි පෙරේරා, ශ්‍රීනාත් සිල්වා, සම්මුඛ පරීක්ෂණය මෙහෙය වූ නිලධාරි උපාලි ගමගේ, ක‍්‍රිකට් ආයතනයේ අධ්යක්ෂ (මෙහෙයුම්) ඈෂ්ලි ද සිල්වා එවකට විනිසුරු කමිටුවේ වැඩබලන කළමනාකරු ලෙස කටයුතු කළ නිශාන්ත වඩුගේ, ක‍්‍රිකට් ආයතනයේ වැඩබලන විධායක අජිත් ජයසේකර හා එවකට ක‍්‍රිකට් අතුරු කමිටුවේ සභාපතිවරයා ලෙස කටයුතු කළ උපාලි ධර්මදාස යන මහත්වරුන් වගඋත්තරකරුවන් කරමින් ඔවුන් එම පැමිණිල්ල මානව හිමිකම් කොමිසමට ගොනුකර තිබුණි. එම පැමිණිල්ල පිළිබඳව සලකා බැලූ මානව හිමිකම් කොමිසම මීට පෙර අවස්ථා කීපයක දී වගඋත්තරකරුවන්ට ලිඛිතව කරුණු දක්වන ලෙස දැනුම්දීම් කර තිබූ බව ද වාර්තාවේ.
පාස්කු ඉරුදින ත්‍රස්ත ප්‍රහර සිද්ධිය සම්බන්ධයෙන් උද්ගත වූ කරුණුවලට අදාළව රාජ්‍ය බුද්ධි සේවයේ හිටපු අධ්යක්ෂ නිලන්ත ජයවර්ධන මහතාට එරෙහිව විනය පරීක්
මොනරාගල සියඹලා ආණ්ඩුව මහ විද්‍යාලයේ හිටපු විදුහල්පතිනී ඉන්දුමති පරණ මාන මහත්මිය වහාම ක්රියාත්මක වන පරිදි සිය බලාණ්ඩුව පළාත් අධ්‍යාපන කාර්යාලයට මා
ශ්‍රී ලංකා විදේශ සේවා නියුක්ති කාර්යාංශයේ පසුගිය සමයේ සිදුවූ වංචා දූෂණ පැමිණිලි 15කට අදාලව විමර්ශනය කිරීම සඳහා අභ්‍යන්තර විගණන අංශයට තොරතුරු ලබාදුන්
2024 වසරේ ගතවූ කාලයේ ශ්‍රි ලාංකිකයින් 5120 දෙනකු දකුණු කොරියාවේ රැකියා සඳහා පිටව ගොස් ඇතැයි විදේශ සේවා නියුක්ති කාර්යාංශය පවසයි.
ජනාධිපති මාධ්‍ය ඒකකයේ හිටපු අධ්‍යක්ෂක ජනරාල්වරයා මරණීය තර්ජනය කළ බව පවසමින් එම ඒකකයේ ඡායාරූප ශිල්පියෙක් කහතුඩුව පොලිසිය වෙත පැමිණිල්ලක් කර ඇතැයි උස
රජයේ අධිනීතිඥ වරියක ගමන්ගත් නීතිපති දෙපාර්තමේන්තුවට අයත් මෝටර් රථයකට මිටියකින් පහරදී අලාභහානි කල ඇය ළගින් ඇසුරුකමක් පැවැත්වූ බව කියන පුද්ගලයෙකු සො
2024 නොවැම්බර් මස 05
178
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
519
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
කි‍්‍රකට් විනිසුරුවන්ගේ පැමිණිල්ල මානව හිමිකම් කොමිසමේ විමර්ශනයට