2024 නොවැම්බර් මස 25 වන සඳුදා
2024 නොවැම්බර් මස 25 වන සඳුදා
(මහින්ද නිශ්ශංක)
කිරිපිටි මිල වැඩිකිරීමට මෙතෙක් අවසර නොදීම නිසා කිරිපිටි තොග අලුතින් ඇණවුම් කිරීම නතර කර ඇති බව කිරිපිටි සමාගම් ආරංචි මාර්ගවලින් පැවසේ. ඉකුත් සතියේ සිට කිරිපිටි තොග අලුතින් ඇණවුම් කිරීම නතර කර ඇති බවත්මේ නිසා මේ මාසයේ අවසානයේදී පමණ වෙළෙඳපොළේ කිරිපිටි හිඟයක් ඇතිවීමට බොහෝදුරට ඉඩ ඇති බවත් එම ආරංචිමාර්ග සඳහන් කරයි.
ලෝක වෙළෙඳපොළේ කිරිපිටි මිල ඉහළ යාම හා ඩොලරයේ අගය වැඩිවීම හේතුවෙන් තම සමාගම් පවත්වාගෙන යාමේදී සහ දැනට පවතින මිලට කිරිපිටි ලබාදීමේදී දුෂ්කරතා හා ගැටලු මතුවී ඇතැයි පවසන සමාගම් මේ නිසා කිරිපිටි කිලෝවක මිල රුපියල් සියයකින් වැඩිකිරීමට අවසර ලබාදෙන ලෙස ජීවන වියදම් කමිටුවෙන් හා පාරිභෝගික අධිකාරියෙන් ඉල්ලා ඇතැයිද සඳහන් කරයි.
දැනට වෙළෙඳපොළේ තිබෙන කිරිපිටි තොග සති දෙක තුනකට පමණ ප්‍රමාණවත් බව පෙන්වාදෙන කිරිපිටි සමාගම් කිරිපිටි තොග අලුතින් ඇණවුම් කිරීම නතර කිරීම සම්බන්ධව අග්‍රාමාත්‍ය රනිල් වික්‍රමසිංහ මහතා දැනුවත් කර ඇතැයිද පවසයි.
මේ වනවිට ලෝක වෙළෙඳ පොළේ කිරිපිටි මෙටි්‍රක් ටොන් එකක මිල ඇමරිකා ඩොලර් 3250-3350ක් වශයෙන් පවතින බවත් ලබන ජූනි මාසය වනවිට ඩොලර් 3400- 3500 දක්වා ඉහළ යන බව පෙන්වා දෙන සමාගම් අඩුම තරමින් කිරිපිටි කිලෝවක මිල රුපියල් 75 කින්වත් වැඩිකිරීමට ඉඩ දුනහොත් පාඩුව අවම කරගත හැකි බවද කියා සිටී.
හිටපු මන්ත්‍රීවරුන් පස් දෙනෙකු මාදිවෙල මන්ත්‍රී නිල නිවාස භාරදීම පසෙක තබා විදේශගතව සිටින බව වාර්තාවේ.
කොළඹ ඇතුළු තදාසන්න ප්‍රදේශවල පෞද්ගලික විශ්විද්‍යාලයන්හි ඉගෙනුම ලබන ශිෂ්‍ය ශිෂ්‍යාවන්ට මත් මුද්දර සහ මත්කරල් මෙන්ම කුෂ් මත්ද්‍රව්‍ය බෙදා හැරීමේ ජාල
අධික වේගයෙන් ධාවනය වු පෞද්ගලික බස් රථයක් ප්‍රතිවිරුද්ධ දිශාවෙන් ඉදිරියට ධාවනය වු ලංගම බස් රථයේ ගැටිමෙන් පෞද්ගලික බස් රථයේ පසුපස කොටස කැඩි ගොස් පෞද්ග
රාජකාරියට පැමිණේමින් සිටි වනජීවි නිළධාරීයකු අනතුරට ලක්කර පලාගිය බෝලොරෝ වර්ගයෙ කැබ් රථයක් එහි රියදුරු සමඟ අත් අඩංගුවට ගත් බව කරුවලගස්වැව පොලිසිය.
දුර්ලභ ගණයේ ටයිටෑන් වර්ගයේ වාලම්පුරියක් රුපියල් කෝටියකට මුදලකට විකිණීමට තැත් කළ පුද්ගලයෙකු අත්අඩංගුවට ගත් බව පානදුර වලාන මධ්‍යම දූෂණ මර්දන ප්‍රහාර
විස්තීරණ අරමුදල් පහසුකම (EFF) වැඩසටහනේ 3 වන සමාලෝචනය සාර්ථකව නිම කිරීම සනිටුහන් කරමින් IMF සහ ශ්‍රී ලංකා බලධාරීන් අතර කාර්ය මණ්ඩල මට්ටමේ එකඟතාවයකට පැමිණීම
2024 නොවැම්බර් මස 05
515
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
732
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
කිරිපිටි ගෙන්වීම නවත්වයි
lalithsjm Thursday, 03 May 2018 06:23 AM
මේ මාෆියාව නවත්වන්න රජයෙන් ගෙන්වා බෙදා හරින්න බැරිද ? මේ හැමදේටම මුල හොර කමයි කොමිස් ගැහිල්ලයි.
ලුම්බිණි Thursday, 03 May 2018 07:18 AM
ආණ්ඩුවත් බිස්නස් කරන එකේ මොකද සතොසට මේක කරන්න බැරි? ඕන කෙනෙකුට කිරිපිටි ගෙන්නන්න ඉඩ දෙන්න.
REHAN Thursday, 03 May 2018 07:24 AM
කිරිපිටි ගෙන්වීම වෙනුවට අපේ රටේ කිරි එළදෙනුන් ඇති කලොත් අපිට ඉන්දියාවේ වගේ හොඳ කිරි අස්වෙන්නක් ලබාගන්න පුළුවන් වේවි නේද?
sachith Thursday, 03 May 2018 07:31 AM
අනේ හොදයි. රජයෙන් සහණාධාරයක් දීල හරි ළදරු කිරිපිටි ගෙනත් අනිත් කිරිපිටි ගෙන එක මේවගේ ස්වභාවිකව නවත්තුවන්ම් හරි.
upasena Thursday, 03 May 2018 07:35 AM
ලංකාවේ දියර කිරි වගේම දේශීය පිටි කිරි නිෂ්පාදනය දිරි ගැන්වීමට මේ වාතාවරණය යොදා ගත්තොත් නරකද? එක කාලයක් තිබුණ නේද දියර කිරි තියා ගන්න බැරි නිසා කානු පල්ලේ හලන?
වීර Thursday, 03 May 2018 07:36 AM
අපිට මතකයි පහුගිය කාලයේ සෞඛ්‍ය අංශ පෙන්වා දුන්නේ කිර පිටි බොන එක අහිතකරයි.දියර කිරි බොන එක හිතකරයි කියලනේ.ඉතින් කිරිපිටි නතරකරලම දාන්න. දියර කිරි ගෙන්වන්න ප්‍රමිතියක් ඇතිව.අපේ රටෙන් අලුත් මාළු යවනවා පිටරටවලට.තේ යවනවා.අපේ රටේ මිනිස්සුන්ටත් හොද දේ දෙන්න අලුත් දියර කිරි ගෙන්වන්න අපේ රටට පුළුවන් වෙන්න ඕන.
kithsiri Thursday, 03 May 2018 07:59 AM
ඒක හොඳයි... සල්ලි නැති වුනාම නාස්ති කරලා අවුරුදු කන්නේ නැහැ වගේ, කිරි පිටි නැතිවහම, ලොකු මිනිස්සු කිරි බොන ඒක නවතී නේ.
NOEL Thursday, 03 May 2018 08:07 AM
කිරි පිටි සහ කෑම බීම ආනයනය කිරීම නවත්වන්න. අපේ දරුවන්ට එළකිරි දීම ප්‍රවර්ධනය කරන්න.දේශීය ආහාර වවන්න දිරි ගන්වන්න . රට රටවල් වලින් ණය අරගෙන මේ රට විනාසයට යනවා. කොමිස් මුදල් බලාගෙන දෙශපාලකයෝ කරන මේ ක්‍රියාව නිසා අපි සෝමලියවටත් වඩා දුප්පත් වෙනවා. ලංකාවේ වවන්න පුළුවන් සියලුම ආහාර ආනයනය නතර කල යුතුයි .
Rasi Thursday, 03 May 2018 09:23 AM
රජයෙන් කිරිපිටි ගේන්න ඕනද කියන එක නෙවෙයි මෙතන ප්‍රශ්නේ. දැනට පවතින ලෝක ආර්ථික රටාව අනුව සහ ඩොලරයේ අගය මත රජයෙන් ගෙන්වුවද මිල පාලනය කිරීම ඉතා අපහසුයි. නමුත් අප රජයන් පත් කර ඇත්තේ නිවැරදි ප්‍රත්පත්ති තීරණ ගෙන ලෝක වෙළදපල මත අප රටේ මිල තීරණය වීමට නොදී අඩුම වශයෙන් රටට අවශ්‍ය ආනයන අපනයන සහ දේශීය නිෂ්පාදන ක්‍රමවේදය සකස් කර ගැනීම වේ. අප රටේ දැනට එවන් ක්‍රමවේදයක් සැදීමට අඩුම ගානේ දැන් ඔය පත් කලයි කියන විද්‍යාත්මක ඇමති මණ්ඩලයවත් හැකි වේදැයි මට නම් සැකයි. අඩුම ගානේ එවිට තව අවුරුදු 5 කින් වත් ජනතාවට යහපතක් වනු ඇත.
rama Thursday, 03 May 2018 09:26 AM
වැඩි වුනොත් වැඩි කරමු දැන්ම දෙන්න එපා
Shahiwal Thursday, 03 May 2018 09:53 AM
කිරිපිටි කියන්නේ වස. එත අපේ මිනිස්සු ඒක තේරුම් ගන්නේ නැහැ. අන්තිමට මිනිස්සුන්ට ලෙඩ හොඳටම. දේශීය කිරි නිෂ්පාදනය සම්පුර්ණයෙන්ම කඩා වැටිලා. මමත් හරක් 75ක් විතර හදලා සත්තු විකුණලා වහලා දැම්මා සත්තුන්ට දෙන්න ආහාර නැති නිසා. ලංකාව ඉතියෝපියාව වෙන දවස දුරක නෙවෙයි, හරිම කණගාටුයි.