(ජේ.කේ.එල්. චාමින්ද)

ගාල්ල කරාපිටිය ජාතික රෝහලේ කාර්යමණ්ඩලයේ සමාජිකයින් 74 දෙනෙකුට පමණ පසුගිය මාසය තුලදි ඩෙංගු රෝගය වැළදි ඇති බැව්  කරාපිටිය ජාතික රෝහලේ අධ්‍යක්ෂක විශේෂඥ වෛද්‍ය එස්.ඩී.යූ.එම් රංග මහතා පවසයි.

වෛද්‍යවරුන්, හෙදියන්, කණිෂ්ඨ කාර්ය මණ්ඩලසේවකයින්ට ඩෙංගු රෝගය වැළදි ඇති බවද ඔවුන් රෝහල තුලින්ම ප්‍රථිකාර ලබාගත් බවද රෝහල් අධ්‍යක්ෂකවරයා පෙන්වා දෙයි.

රෝහල් සේවකයින්ට රෝහල තුලින්ම ඩෙංගු රෝගය වැළදි ඇති බව සදහන් කළ රෝහල් අධ්‍යක්ෂකවරයා ගාල්ල මහනගර සභාව,ගාල්ල සෞඛ්‍ය වෛද්‍ය නිලධාරි කාර්යාලය, හා රෝහල් කාර්යමණ්ඩලය එක්ව ඩෙංගු මර්ධන වැඩසටහන් රෝහල තුල ක්‍රියාත්මක කළබවද හෙතෙම පවසයි.

පසුගිය කාලය තුල රෝහල් කාර්යමණ්ඩල සාමාජිකයින් සදහා ඩෙංගු උණ රෝගය වැළදි නොතිබු බවත් වර්ෂාවත් සමග ඩෙංගු පැතිරියාම වැඩිවු බවත්  එය පාලනය කරගැනිමට නොහැකි වු බවද රෝහල් අධ්‍යක්ෂකවරයා වැඩිදුරටත් සදහන් කළේය.

ගාල්ල දිස්ත්‍රික්කය තුල පසුගිය සති තුන තුලදි ඩෙංගු බවට සැකකරණ  රෝගින් 162 දෙනෙකු වාර්තා වි  ඇති බැව් ගාල්ල දිස්ත්‍රික් ප්‍රා දේශිය වසංගත රෝග  විද්‍යාඥ  වෛද්‍ය වෙනුර  කේ සිංගාරච්චි  මහතා පවසයි.

ඉකුත් වර්ෂයේ මෙම කාලසිමාව හා සැසදිමේදි ඩෙංගු රෝගින්ගේ වැඩිවිමක් වාර්තා වි ඇති බවද  ප්‍රා දේශිය වසංගත රෝග  වෛද්‍යවරයා පෙන්වාදෙයි.