තරග 27 ක් අවසානයේ අයි. පී. එල්. තරගාවලියේ තරග 7 කට සහභාගීවී ඉන් තරග 5 ක් ජයගෙන සිටින විරාට් කෝලිගේ නායකත්වයෙන් යුත් බැංගලෝර් රොයල් චැලෙන්ජර්ස් පිල ප‍්‍රසාද ලකුණු සටහනේ පෙරමුණ ගැනීමට සමත්වී තිබේ. ප‍්‍රසාද ලකුණු සටහනේ 3 වැනි ස්ථානයේ සිටි ඔවුහු ඊයේ (20 වැනිදා) පැවති තරගයකින් රාජස්ථාන් රොයල්ස් පිල පරාජය කිරීමත් සමගම ප‍්‍රසාද ලකුණු සටහනේ පෙරමුණ ගත්හ.

කුමාර් සංගක්කාර කී‍්‍රඩා කරන යුත් සන්රයිසර්ස් හයිද්‍රාබාද් පිල මේ වන විට ප‍්‍රසාද ලකුණු සටහනේ දෙවැනි ස්ථානයේ පසුවන අතර ඔවුන්ද තරග 7 කට සහභාගීවී ඉන් තරග 5 ක් ජයග‍්‍රහණය කර තිබේ. කෙසේ වෙතත් අසාර්ථකත්වය මත සංගක්කාර මේ දිනවල කණ්ඩායමෙන් ඉවත් වී සිටී.

තරග 6 කට සහභාගීවී ඉන් තරග 4 බැගින් ජයග‍්‍රහණය කර සිටින මහේන්ද්‍ර සිං දෝනිගේ නායකත්වයෙන් යුත් චෙන්නායි සුපර් කිංග්ස් පිල සහ රාහුල් ද්‍රාවිඞ්ගේ නායකත්වයෙන් යුත් රාජස්ථාන් රෝයල්ස් පිල පිළිවෙළින් තෙවැනි සහ සිව්වැනි ස්ථාන වල පසුවෙති.

බැංගලෝර් රොයල් චැලෙන්ජර්ස් පිලේ නායක විරාට් කෝලි වැඩිම ලකුණු ලාභීන් අතර පෙරමුණ ගෙන සිටින අතර ඔහු තරග 7 කදී ලකුණු 321 ක් රැස්කරගෙන තිබේ. වැඩිම කඩුලූ ලාභියා වන්නේ එම පිලේම විනේ කුමාර්ය. ඔහු තරග 7 කදී කඩුලූ 12 ක් දවාගෙන තිබේ.

(*)