නිවේදන කටයුතුවලින් කලාවට පැමිණ පුංචි තිරය ජයගත් කාවිංග පෙරේරා, මේ දවස්වල මොකද කරන්නෙ?
හදසර අපි ඒ ගැන ඇහුවා.
කොහොමද කාවිංග ජිවිතේ?
මේ දවස්වල ජීවිතේ වරදක් නැහැ. තියෙන වැඩකටයුතු කරගෙන යනවා. අහිංසක විදියට පාඩුවේ නංගියි ලොකු අම්මයි එක්ක ජීවත් වෙනවා.
මේ දවස්වල දායක වන නිර්මාණ?
උතුම් පැතුම්, සේයා සහ වස්සාන ප්රේමය කියන නාට්ය තුනේ රෑගත කිරීම් කරනවා. ඉරේෂ් ලොකුබණ්ඩාර කරන අලුත් නාට්යයටත් මට කතා කරලා තියෙනවා. ඊට අමතරව සුපුරැදු නිවේදන වැඩකටයුතු කරගෙන යනවා.
සිනමාවට ආරාධනා නැද්ද කාවිංගට?
සිනමාවට ආරාධනාවක් ලැබුණේ නැහැ තාම. සමහරවිට ආරාධනාවක් ලැබෙයි. නොලැබෙන්නත් පුළුවන්. කලබල නොවී ඉබි ගමනින් යනවා. මම හිතනවා තාම මගේ නම්බර් එක සිනමා අධ්යක්ෂවරැන් අතට ගිහිල්ලා නෑ කියලා.
පුංචි තිරේ කරපු චරිත එක්ක, මට මෙහෙම චරිතයක් ලැබුණා නම් කියලා හිතෙන චරිත තියෙනවාද?
නැහැ. එහෙම එකක් නෑ. මම මේ ක්ෂේත්රයට එද්දි මගේ මුල් ගුරැවරැන් දෙදෙනා H.A. පෙරේරා මහතා සහ මහේන්ද්ර පෙරේරා මහතා මට කිව්වේ එක චරිතයකට කොටුවෙන්න එපා. පුළුවන් තරම් චරිතාංග වෙන්න උත්සාහ කරන්න කියලා. ඉතිං මට ඒ විදියට විවිධ චරිත ආදර, මැර, තාත්තා කෙනෙක්ගෙ චරිත එහෙම ලැබුණා. මට හොඳ චරිත ලැබුණා. එකිනෙකට වෙනස් චරිත කිහිපයක් මම කළා.
වැඩියෙන්ම ප්රතිචාර ලැබුණු චරිතය?
චරිත කිහිපයක් තියෙනවා. ආදර දෑසක් හි තාත්තා ගෙ චරිතය. අඟුරැ සිත්තම්හි රයන්, උතුම් පැතුම්හි කැලුම්ගෙ චරිතය. ඒ වගේම මිනිසුන්ට තාමත් මතකයි රැවන් මාළිගාහි පහන්ගෙ චරිතය.
නිවේදනයටද වැඩිපුර කැමති රඟපෑමටද?
දෙකටම එක හා කැමතියි. නමුත් මුලින්ම මම නිවේදනයෙන් ආපු නිසා නිවේදකයාට ආසයි. විෂයයන් දෙකටම ආදරෙයි.
ආදරෙයි කිව්ව නිසා අපි කියමු ආදරය ගැන?
ආදරය සුන්දරයි. අපි හැමෝටම ආදරය ඕන. මමත් විශ්වාස කරනවා මට කවදාහරි හොඳ ආදරයක් ලැබෙයි. මම පවුලේ වැඩිමලා. මට අම්මත් නෑ අප්පච්චිත් නෑ. මගේ නංගිට මම අම්ම අප්පච්චි දෙන්නම වෙන්න ඕන. නංගිගෙ වැඩකටයුතු ඉවර වුණාට පස්සෙ බලමු. දැන් අපිව බලාගන්නෙ මගේ අම්මාගෙ දෙවන අක්කා. ඉතින් මට බඳින්න කෙනෙක් හොයන එක ලොකු අම්මිට බාරයි. ලොකු අම්මි හොයලා දෙන කෙනෙක් බඳිනවා.
කාවිංග ආයේ ආදර සම්බන්ධතා පටන් ගන්නේ නැද්ද?
මෙහෙමයි. මම බයයි. බයයි කියන්නේ කා ගැනවත් අවිශ්වාසයක් නෙවෙයි. මම කාලයට ඉඩ දෙනවා. මගේ ගමනේ තාම මේ ආරම්භය. ඉතිං මගේ ගමන මම යනවා. නිශ්චිතවම කියන්න බැහැ මම ආදරය නොකරාවි කියලා. මේ ගමන තුළ මට ආදරයක් දැනුණොත් ආදරය කරලා විවාහ වේවි. නැත්නම් විවාහ යෝජනාවකින් ඒ දේ සිදුවේවි.
කාවිංග FB නැත්තේ ඇයි?
ඇත්තටම ඒ ගැන මට කියන්න වුවමනායි. මට FB එකක් නැහැ. මට තියෙන්නේ Fan Page එකක් විතරයි. මගේ නමින් තියෙන සියලු FB Profile බොරැ ඒවා. ඒ හරහා Chat කරන්න එපා කියලා මගේ ආදරණීය රසික රසිකාවියන්ගෙන් මම ඉල්ලනවා. මොකද ඒ Chat කරන්නේ මම නෙවෙයි. මට FB Profile එකක් නැහැ.
කාවිංගගේ අනාගත බලාපොරොත්තු?
මුල් කාලේ අනාගත බලාපොරොත්තු ගොන්නක් තිබ්බා. මගේ අප්පච්චි නැති වුණාම මට දැනුණා මම තනි වුණා කියලා. ඊට පස්සෙ මට අම්මා ඉන්නවනේ කියලා හිත හදාගත්තා. මට අන්තිමට අම්මත් නැතිවුණා. එදා මට හිතුණා ඇයි මම මේ හම්බ කරන්නේ. ඇයි ජීවත් වෙන්නේ. රඟපාන්නේ කියලා. මට හිටිය වටිනාම සම්පත් මට අහිමි වුණා. දැන් මම ජීවත් වෙන්නේ මගේ එකම නංගි නිසා. නංගිට බලාපොරොත්තුවක් වෙන්න මම ජීවත් වෙනවා. මගේ බලාපොරොත්තු කුමක් වුණත් නංගිගේ බලාපොරොත්තු වෙනුවෙන් මම ජීවත් වෙනවා එච්චරයි.
අනූෂා රණසිංහ සේයාරෑ I සුමුදු
රත්නපුර ශික්ෂණ මහ රෝහලේ දී අද වකුගඩු බද්ධ කිරිමේ සැත්කමක් ප්රථම වරට ඉතාමත් සාර්ථක අන්දමින් ඉටු කිරිමට හැකි වු බව රෝහල් අධ්යක්ෂක වෛද්ය ධම්මික අලහප්
වසර 19 කට පෙර ආරක්ෂක හේතූන් මත වසා දැමුණු කොළඹ අරලියගහ මන්දිරය අසල මාර්ගයක් අද (04) දින සවස ජනතාව සදහා විවෘත කෙරිණි.
නිල සංචාරයක් සඳහා මෙරටට පැමිණි ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා හිටපු ජනාධිපති රනිල් වික්රමසිංහ මහතා හමුවී අද(4)විශේෂ සාකච්ජාවක න
ඉන්දීය විදේශ කටයුතු පිළිබඳ අමාත්ය ආචාර්ය එස්. ජයශංකර් මහතා සහ සමගි ජන බලවේගයේ නායක සජිත් ප්රේමදාස මහතා අතර සුවිශේෂී හමුවක් කොළඹ පිහිටි ඉන්දිය මහකො
එක්දින නිල සංචාරයක් සඳහා මෙරටට පැමිණි ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා අද (04) පස්වරුවේ ජනාධිපති කර්යාලයේ දී ජනාධිපති අනුර කුමාර දි
නුවරඑලිය කලාප අධ්යාපන කාර්යාලය යටතේ පාලනය වන කොටගල කෙම්බ්රිජ් දමිල විද්යාලයේ විවේක කාලයේදි ක්රිකට් සෙල්ලම් කරමින් සිටි සිසුවෙක් උඩ පන්දුවක් රැ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කාවිංගගෙ නොම්බරේ ඩිරෙක්ටර්ලා දන්නෙ නැතිලු