( බිමල් ශ්‍යාමන් ජයසිංහ)

කොරෝනා  රෝගය උත්සන්න වීමෙන් දින දෙකක් තුළ පුද්ගලයන් දෙදෙනෙක් මිය ගිය බව කොළොන්නාව හදිසි මරණ පරීක්ෂක කාංචනා විජේනායක මහත්මිය පැවසුවාය.

මෙලෙස මියගොස් තිබුණේ මාතර  හමන්දුව පදිංචිව සිටි 56 හැවිරිදි කාන්තාවක හා යටියන්තොට පනා වත්ත පදිංචි වී සිටී 73 හැවිරිදි පිරිමි පුද්ගලයෙකි.

මියගිය කාන්තාව ඉකුත් 27 වැනි අයි ඩි එච් රෝහලට ඇතුළත් කර ඇති අතර පසුදින (28) මියගොස් තිබූ අතර  පිරිමි පුද්ගලයා 28 වෙනි දින රෝහල් ගතව ඊයේ (29) මිය ගොස් තිබූ බව හදිසි  මරණ පරීක්ෂකවරිය පැවසුවාය.

කොව්ඩ් වසංගතය සමාජය පුරා යළි ව්‍යාප්ත වීමේ  අවදානමක් පැන නැගී ඇති බවත්   විශේෂයෙන් මුඛ ආවරණ පැළඳ සෞඛ්‍ය උපදෙස් පිළිපැදීම වඩා යෝග්‍ය බව හදිසි මරණ පරීක්ෂකවරිය වැඩිදුරටත් පැවසුවාය.

අයි ඩි එච් රෝහලේ මේ වන විට කොවිඩ්  රෝගය වැළඳුණු රෝගීන්  විශාල ප්‍රමාණයක් ප්‍රතිකාර ලබන  බවත් කාර්ය මණ්ඩලයටද කොවිඩ්  රෝගය වැළදී ඇතැයි රෝහල් ආරංචි මාර්ග පවසයි