කුෂානි සඳරේඛා යනු චිත්‍රපට ගීත ඔස්සේ බොහෝ ජනාදරයට පත් ගායිකාවකි. නවක පරපුරේ ගායිකාවක වන ඇය, ඇයටම ආවේණික වූ ගීත ශෛල්‍යයක් ඔස්සේ නිර්මාණ බිහිකරයි. ඇයගේ අලුත්ම තොරතුරු අපත් සමග මෙසේ පවසා සිටියා.

"ඉදිරියේදී මගේ ගීත දෙකක් එළිදක්වන්න කටයුතු කරමින් පවතිනවා. ඊට අමතරව ප්‍රසංග සඳහා දායකවෙන ගමන් කලායතනයේ වැඩකටයුතු කරනවා. මෙහි ගායන, වාදන, නර්ත, කටයුතු පුහුණු කිරීමට අමරතව මෙහි රියැලිටි ප්‍රසංග සඳහා ද පුහුණුවීම් සිදුකරනවා. මීට අමතරව ගායක ගායිකාවන් ලෙස ඉදිරියට යාමේ අපේක්ෂාවෙන් ඉන්න අයවත් පුහුණුවීම් කරනවා.

"මගේ අලුත් ගීත නිර්මාණය දෙකක් ඉදිරියේදී එළිදැක්වීමට නියමිතයි. ඉන් එක් ගීතයක් මගේ Performing සමග සම්බන්ධ වෙච්ච එකක්. එහි වීවියෝවත් එක්ක තමයි ගීතය එළිදක්වන්නේ. අනෙක් ගීතයත් විශේෂයි. මොකද මගේ යාළුවෙකුට වෙච්ච දෙයක් ගැන තමයි ඒ ගීතයෙන් කියවෙන්නේ. ඒක ලිව්වෙත් මගේ තව යාළුවෙක්. ඒ ගීතය සංගීතවත් කලේ කැලණිය විශ්වවිද්‍යාලයේ කථිකාචාරවරයෙකු වන හරීන් කියන කෙනයි. තව මම ගායනයෙන් දායක වූ චිත්‍රපටයක් ළඟදීම තිරගතවීමට නියමිතව තිබෙනවා. ඒ තමයි ශ්‍රියන්ත කොළඹගේගේ "ආදරණීය කතාවක්" කියන චිත්‍රපටය. ඉතිං මෙහෙම තමයි මේ දිනවල වෙන කාර්යයන්."

ඩිලාන් ක්‍රිෂාන්ත / ඡායාරූප - අන්තර්ජාලය ඔස්සේ