(ලක්මි කුඩලිගම සහ සුමිත් පොතුපිටිය)

බුලත්සිංහල පොලිසියේ නිළධාරීන් දෙදෙනකුට පහරදී රාජකාරියට බාධාකිරිම සම්බන්දයෙන් කාන්තාවන් දෙදෙනකු ඇතුළු පුද්ගලයන් හත්දෙනකු ඊ පහළ වෙල්ගම දී අත්අඩංගුවට ගත්බව බුලත්සිංහල පොලිසිය පවසයි,

මෙසේ අත්අඩංගුවට ගෙන ඇත්තේ බුලත්සිංහල පහළ වෙල්ගම ප්‍රදේශයේ පදිංචි වයස අවුරුදු 27, 24, 26,34,60 පසුවන පුද්ගලයන් හතර දෙනකු සහ 46 සහ 20 වයසේ පසුවන කාන්තාවන් දෙදෙනකු බවද පොලිසිය කීය.

නීති විරෝධී මත්පැන් වැටලීමකට ගිය අවස්ථාවේ මෙම පහරදීම සිදුකර ඇති බවත් පහරකෑමට ලක්වූ නිලධාරින් දෙදෙනා ප්‍රතිකාර සඳහා බුලත්සිංහල රෝහලට ඇතුලත් කර ඇතැයිද පොලිසිය පවසයි .

සිද්ධියට සම්බන්ධ ප්‍රධාන සැකකරු ප්‍රදේශයෙන් පලාගොස් ඇති බවත් ඔහු අත්අඩංගුවට ගැනීමට කටයුතු කරන බවත් පොලිසිය සදහන් කරයි.

අත්අඩංගුවට ගත් සැකකරුවන් සහ සැකකාරියන් දෙදෙනා අද (06) දින මතුගම මහේස්ත්‍රාත් අධිකරණයට ඉදිරිපත් කිරීමට නියමිතව ඇති අතර බුලත්සිංහල පොලිස්ථානාධිපති ප්‍රධාන පොලිස් පරික්ෂක චන්දන විදානගේ මහතාගේ උපදෙස් මත බුලත්සිංහල පොලිසිය මේ පිළිබඳව පරික්ෂණ පවත්වයි.