(අංජුල මහික වීරරත්න)

රත්නපුර දිස්ත්‍රික්කයේ කොලොන්න ප්‍රාදේශීය ලේකම් කොට්ඨාසයේ ග්‍රාම නිලධාරී වසම් 29   සහ  ඇඹිලිපිටිය ප්‍රාදේශීය ලේකම් කොට්ඨාසයට අයත් ග්‍රාම නිලධාරි වසම් 18 ක්   නව මහවැලි කොට්ඨාසයක් ලෙස   ප්‍රකාශයට පත් කළ බව   වාරිමාර්ග වනජීවී සහ වන සංරක්ෂණ අමාත්‍ය පවිත්‍රා වන්නිආරච්චි මහත්මිය කීවාය.

එම ප්‍රදේශයේ ජනතාව ගේ කෘෂිකාර්මික කටයුතු සංවර්ධනය කර   ආර්ථික හා  සමාජීය  වශයෙන්  ජීවනෝපාය  උසස් මට්ටමකට ගෙන ඒම සඳහා  මෙම පියවර ගත් බව අමාත්‍යවරිය පැවැසුවාය.

 කොලොන්න ප්‍රදේශය  ශ්‍රී ලංකා මහවැලි අධිකාරිය යටතේ  සංවර්ධනය කරන ලෙස  

 ප්‍රදේශවාසීන්, සිවිල් සංවිධාන, සහ  ප්‍රජා නායකයින්  මඟින්  ඉදිරිපත් වූ ඉල්ලීම් සලකා මෙම පියවර ගෙන ඇත.

මහවැලි මහ සැලැස්ම ට අනුව  උඩවලව  ජලාශ යෝජනා ක්‍රමයේ  ප්‍රතිලාභ ජනතාවට  ලබා දීම  පුළුල්  කරමින් වලව මහවැලි   ව්‍යාපාරයේ  ඉහල  ධාරා ප්‍රදේශය වසර 40 කට පසුව මෙලෙස  සංවර්ධනය කිරීමට පියවර ගත් බව වාරිමාර්ග අමාත්‍යාංශයේ දී ප්‍රකාශයක් කරමින් අමාත්‍යවරිය කීවාය.