සීමාසහිත ඇවන්ගාඩ් ආරක්ෂක සේවා පුද්ගලික සමාගමේ ගිනි අවි සඳහා 2016 වසරට බලපත්ර ලබානොදීමට එරෙහිව එම සමාගම සහ එහි සභාපති වන මේජර් නිශ්ශංක සේනාධිපති අද අභියාචනාධිකරණයට රිට් පෙත්සමක් ගොනු කළේය.
සිය සේවා කටයුතු වලට අවශ්ය වන ගිනි අවි 91 ක් සඳහා වන බලපත්ර නිකුත් කරන ලෙස කොළඹ දිස්ත්රික් ලේකම්වරයාට නියෝග කරන ලෙසද,එම බලපතු ලබාගැනීම සඳහා වන අයදුම්පත නිර්දේශ නොකිරීමට මිරිහාන කොට්ඨාසය භාර ජේ්යෂ්ඨ පොලිස් අධිකාරි ගත් තීරණය අහෝසි කරන ලෙසද පෙත්සම්කරු ඉල්ලා තිබේ.
මෙම පෙත්සමේ වග උත්තකරුවන් වශයෙන් මිරිහාන ජේ්යෂ්ඨ පොලිස් අධිකාරී මහේන් ගුණසේකර,පොලිස් ස්ථානාධිපති සමන් ජයලත්,පරිපාලන අංශයේ ස්ථානාධිපති ඊ.එන්.පී.ජයවර්ධන,නියෝජ්ය පොලිස්පති කපිල ජයසේකර,පොලිස්පති එන්.කේ.ඉලංගකෝන්,ආරක්ෂක ලේකම් කරුණාසේන හෙට්ටිආරච්චි,කොළඹ දිස්ත්රික් ලේකම් සුනිල් කන්නන්ගර සහ නීතිපති නම්කර ඇත.
ආරක්ෂක අමාත්යංශයේ අනුමැතිය ඇතිව ශ්රීලංකා නාවික හමුදාවෙන් නීත්යනුකූලව මිලදී ගත් ගිනි අවි සිය සේවා කටයුතු සඳහා භාවිතා කරන බව පෙත්සම්කරු කියයි.
2002 වර්ෂයේ සිට සිය සේවා කටයුතු සඳහා බලපත්ර ලබාගැනීමට මෙතෙක් කිසිදු ගැටලුවක් ඇති නොවූ නමුත් මෙවර ඒ සඳහා ඉදිරිපත් කළ බලපත්රය සාධාරණ හේතු දැක්වීමකින් තොරව ප්රතික්ෂේප කර තිබෙන බව සේනාධිපතිගේ පෙත්සමේ සඳහන්ය.බලපත්ර නොමැතිව ගිනි අවි ළඟ තබාගැනීම බරපතල සිර දඬුවම් ලැබිය හැකි වරදක් බවද පෙත්සමේ වැඩිදුරටත් දැක්වේ.
මැෂින් තුවක්කු,රිපිටර් තුවක්කු ළඟ තබා ගැනීම ජීවිතාන්තය දක්වා සිර දඬුවමක් ලැබිය හැකි වරදක් වන හෙයින් දැනට තමන් සන්තකයේ තිබෙන ගිනි අවි වලට බලපත්ර නිකුත් නොකිරීමෙන් බරපතල ගැටලුවක් ඇතිව තිබෙන බවද පෙත්සම්කරු පවසයි.
එම ගිනි අවි සම්බන්ධයෙන් ගතයුතු පියවර පැහැදිලි කර ගැනීම සඳහා මෙම පෙත්සම විභාග කරන ලෙසත්,පෙත්සම විභාග කර අවසන් වන තෙක් එම ගිනි අවි සම්බන්ධ පියවර ගැනීමෙන් පොලිසිය වළක්වන අතුරු තහනම් නියෝගයක්ද නිකුත් කරන ලෙසත්, පෙත්සම්කාර නිශ්ශංක සේනාධිපති මහතා ඉල්ලා ඇත.
2024 ජනාධිපතිවරණයෙන් ජනාධිපති ලෙස තේරී පත්වූ අනුර කුමාර දිසානායක මහතා වසර පහක කාලයක් සඳහා ජනාධිපති ධුරය බාර ගත් බව ප්රකාශයට පත් කරමින් අති විශේෂ ගැසට්
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
හිස්බුල්ලා සටන්කාමීන් ඉලක්ක කර ගනිමින් ඊශ්රායලය දිගින් දිගටම ප්රහාර එල්ල කරන බවත්, පසුගිය පැය 24 ක කාලය ඇතුළත ඊශ්රායල හමුදා එල්ල කළ ප්රහාරවලින් මි
ඌව වෙල්ලස්ස විශ්වවිද්යාලය අසල ග්ලේන්පින්වත්ත හිගුරුගමුව රක්ෂිතයේ රාත්රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ
පොදු ජන පෙරමුණේ සිතූ තරම් පිරිසක් තමාට ඡන්දය ලබාදී නැතැයි හිටපු ජනාධිපති රනිල් වික්රමසිංහ මහතා පාක්ෂිකයන් සහ හිතවතුන් සමග කොළඹ මල් පාරේ දේශපාලන කාර
රට හදන්නට ජනපතිට සම්පූර්ණ සහය දෙන බව මැල්කම් කාදිනල් රංජිත් කොළඹ අගරදගුරු තුමන් ජනාධිපති අනුර දිසානායක මහතා හමුවේ පැවසීය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගිනිඅවි බලපත් නොදුන්නැයි ඇවන්ගාඩ් සභාපති උසාවි යයි
හේවා Saturday, 19 December 2015 04:12 AM
පසුගිය දිනවල රාවයක් තිබුනේ ගිනි අවි අත්අඩංගුවට ගත්තා කියලා (නි)
ශාන සෞදි Saturday, 19 December 2015 05:46 AM
කිසිදු ආරක්ෂක සේවයක් සඳහා අවසර ලබාදී නැති මෙම ආයතනයට මොකටද ගිනිඅවි බලපත්? කිසිම බලපත්රයක් ලබා නොදිය යුතුයි (නි)
නිශාන්ත Saturday, 19 December 2015 06:10 AM
අපි බලමු මොකක්ද සිද්ධවෙන්නේ කියලා (නි)
දහම් Friday, 18 December 2015 12:39 PM
බලනකොට අපි මෙච්චර දවස් හිතාගෙන හිටිය හැටි වැරදිනේ (නි)
බණ්ඩාර Saturday, 19 December 2015 06:19 AM
බොහෝ ආරක්ෂා සේවා සමාගම් නීත්යානුකූල බලපත්ර සහිතව ගිනි අවි පාවිච්චි කරනවා. ඇවන්ගාඩ් ආයතනයද එක් ආයතනයක් පමණයි. අන් අයට සේම ඇවන්ගාඩ් ආයතනයටද එක සේ සැළකිය යුතුය. (නි)