ගුවන්තොටේ සිට සුඛෝපභෝගී සීඝ්‍රගාමී බස් සේවාවක්

(ටී.කේ.ජී.කපිල )

ශ්‍රී ලංකා ගුවන් සේවා ඉතිහාසයේ මෙතෙක් පැවති විශාලතම ගැටළුවකට විසදුමක් ලෙස කටුනායක ගුවන් තොටුපොළ සිට කොළඹ , කොටුව ප්‍රධාන දුම්රිය ස්ථානය සහ මා කුඹුර බහු විධ ප්‍රවාහන මධ්‍යස්ථානය කරා නව සුඛෝපභෝගී බස් රථ සේවාවක් (Air Port Terminal Shuttle Service ) අද(15) ප්‍රවාහන සහ මහාමාර්ග අමාත්‍යාංශයේ ලේකම් රංජිත් රූබසිංහ මහතා විසින් කටුනායක ගුවන් තොටුපොළෙන් ආරම්භ කළේය .

මෙතෙක් ශ්‍රී ලංකාවේ සංචාරය සදහා පැමිණෙන විදේශීය සංචාරකයන් මෙරට තුළ සංචාරය සදහා ප්‍රවාහන සේවා ආයතනයක පහසුකම් ලබා නොගන්නේ නම් ඔවුන් සිය බඩුබාහිරාදිය සමග ගුවන් තොටුපොළේ සිට කිලෝ මීටර් 02 ක් පමණ දුරින් පිහිටි ඇවරිවත්ත බස් නැවතුම් පොළ කරා ගමන් කළ යුතුව තිබුණි .

මෙම නව බස් සේවාව සීමාසහිත ගුවන් තොටුපොළ සහ ගුවන් සේවා සමාගම , ප්‍රවාහන සහ මහා මාර්ග අමාත්‍යාංශය , පෞද්ගලික බස් රථ සමාගමක් ඒකාබද්ධ වී සංවිධානය කර ඇති අතර , ගුවන් තොටුපොළෙන් පිටත් වන මෙම බස් රථ කොළඹ - කටුනායක අධිවේගී මාර්ගය ඔස්සේ , අතරමැද නැවැත්වීමකින් තොරව සිය ගමනාන්තය කරා පිවිසෙන ආකාරයට මෙම බස් රථ ගමනාගමනය සූදානම් කර තිබේ .

මෙම නව බස් රථ සේවාව සදහා සුඛෝපභෝගී විශාල ප්‍රමාණයේ බස් රථ 10 ක් යොදවා ඇති අතර , එක් ගමන් වාරයක් සදහා රුපියල් 3,000 ක මුදලක් එක් මගියෙකුගෙන් අය කිරීම ද සිදු වේ.

අදහස් (8)

ගුවන්තොටේ සිට සුඛෝපභෝගී සීඝ්‍රගාමී බස් සේවාවක්

Raman Thursday, 15 August 2024 02:59 PM

අන්න හොඳ දෙයක්. ඒ වගේම රාත්‍රී කාලයේ ලංකාවට එන සංචාරකයන් සහ අපේම අයට තවත් ආරක්ෂාව ඇතුව කොටුවෙන් සහ මාකුඹුරෙන් එහාට යන්නත් වැඩ පිළිවෙලක් දියත් කරන්න. සංචාරක රියැදුරන් පව් . නමුත් ඒ හැම එක්කෙනාම විශ්වාස කරන්න අමාරුයි වගේම ගානත් සැරයි.

: 0 96

Jayantha Thursday, 15 August 2024 03:27 PM

2010 ඡන්ද තියන්න මාසයකට කලින් පුල්මුඩේ මිහින්තලය හරහා කොළබ CTB බස් එකක් පටන් ගත්තා. ඡන්දය ඉවර වෙලා මාසයයි තිබ්බේ. බස් එක නතර කලා.

: 4 51

Nandalal DE SILVA - FranceFriday, 16 August 2024 12:40 AM

ඒ ඉතින් පළාතේ චන්ද දායකයන්ගෙන් යහපත් ප්‍රතිචාරයක් අපේක්ෂකයන්ට නොලැබුණු නිසා නේ .ඕවට අපේ පළාතේ නම් කියන්නේ "චන්ද ගුණ්ඩු " කියලා

: 0 1

Ruwan Thursday, 15 August 2024 04:32 PM

ඉතින් රුපියල් 3000 දීලා බස් එකේ යන්න ඕනෑකමක් නෑනේ කාටවත් ඒ ගාණටම හරි ඊට වැඩිය පොඩි මුදලක් වැඩියෙන් ගෙවලා ඌබර් ටැක්සි එකක ආරක්ෂිතව සුවපහසුව යන්න පුළුවන් කමක් තියෙද්දී..!

: 0 0

Saman Thursday, 15 August 2024 09:03 PM

ඕක රුපියල් 1000-1500 වගේ ගාණකට දුන්නා නම් හරි. 3000ක් වැඩියි.

: 0 0

Rata Perata Thursday, 15 August 2024 09:40 PM

පුද්ගලික සමාගමේ නම රහසක්ද?

: 1 0

sam Friday, 16 August 2024 06:44 AM

සතියක් දෙකක් යනකොට හොරෙන්ම ඕකත් අතයට ගනුදෙනුවකට කොමිස් ගන්න ඉන්දියාවට දෙයි . ඒක අහන්න දෙයක් නැහැ .දැක්කනේ වීසා . දැනටම කවුරු හරි ඇමතියෙක් මේකට කෙල හලාගෙන ඇති

: 2 0

Kumudinie galabada Friday, 16 August 2024 10:36 AM

මේක සංචාරකයන්ට විතරද . පිටරටවල වැඩ කරලා ලංකාවට එන අයට යන්න බැරිද ?

: 1 0

ඔබේ අදහස් එවන්න

එසැණ පුවත්

පළාත් කිහිපයකට අදත් වැසි

2024 සැප්තැම්බර් මස 24 24 0

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වන බව කාලගුණ විද්‍යා දෙපාර්තමේන්තුව කියයි.

හිස්බුල්ලාට ඊශ්‍රායලයෙන් දිගටම ප්‍රහාර

2024 සැප්තැම්බර් මස 24 662 0

හිස්බුල්ලා සටන්කාමීන් ඉලක්ක කර ගනිමින් ඊශ්‍රායලය දිගින් දිගටම ප්‍රහාර එල්ල කරන බවත්, පසුගිය පැය 24 ක කාලය ඇතුළත ඊශ්‍රායල හමුදා එල්ල කළ ප්‍රහාරවලින් මි

වෙල්ලස්ස සරසවිය අසල කැලේ ගින්නක්

2024 සැප්තැම්බර් මස 24 133 0

ඌව වෙල්ලස්ස විශ්වවිද්‍යාලය අසල ග්ලේන්පින්වත්ත හිගුරුගමුව රක්ෂිතයේ රාත්‍රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ

පොදු ජන පෙරමුණ හිතූ තරම් ඡන්දෙ දීල නෑ

2024 සැප්තැම්බර් මස 24 3087 0

පොදු ජන පෙරමුණේ සිතූ තරම් පිරිසක් තමාට ඡන්දය ලබාදී නැතැයි හිටපු ජනාධිපති රනිල් වික්‍රමසිංහ මහතා පාක්ෂිකයන් සහ හිතවතුන් සමග කොළඹ මල් පාරේ දේශපාලන කාර

ජනපති කාදිනල් තුමන් බැහැදකී

2024 සැප්තැම්බර් මස 24 1067 0

රට හදන්නට ජනපතිට සම්පූර්ණ සහය දෙන බව මැල්කම් කාදිනල් රංජිත් කොළඹ අගරදගුරු තුමන් ජනාධිපති අනුර දිසානායක මහතා හමුවේ පැවසීය.

යුද්ධය අවසන් වෙන්න ඔන්න මෙන්න - සෙලෙන්ස්කී

2024 සැප්තැම්බර් මස 24 2074 0

රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.