(ශාන්ත ප්රදීප් කුමාර කුලරත්න)
පෞද්ගලික රූපවාහිනී මාධ්ය ආයතනයක ගණකාධිකාරී වරයකු පැදවූ සුඛෝපභෝගී මෝටර් රථයක ගැටී යුද හමුදාවේ විශ්රාමික සාජන් මේජර්වරයෙකු අද (18) ජීවිතක්ෂයට පත්ව ඇතැයි කොට්ටාව පොලිසිය පවසයි
මෙසේ මියගොස් ඇත්තේ පන්නිපිටිය කොට්ටාව දුම්රිය පටුමගේ පදිංචි වලතර ආරච්චිගේ ප්රින්ස් උපාලි තිලකරත්න නමැති (66) හැවිරිදි විශ්රාමික සාජන් මේජර්වරයෙකු බව පොලිසිය කියයි.
වේරහැර යුද හමුදා රෝහලෙන් වෛද්ය ප්රතිකාර ගැනීම සදහා කොළඹ දෙසට ගමන් ගන්නා බස් රථයකට ගොඩවීමට පන්නිපිටිය ධර්මපාල විද්යාලය ඉදිරිපිට සුදු ඉරෙන් පාර මාරු වෙද්දී කොළඹ දෙස සිට කොට්ටාව දෙසට ධාවනය වූ සුඛෝපභෝගී මෝටර් රථයක ගැටී මෙම අනතුර සිදුව තිබුණි.
පසුව 1990 සුවසැරිය ගිලන් රථයකට ඇමතුමක් ලබා දුන්නද එම රථය ප්රමාද වීම නිසා අනතුර සිදුකළ මෝටර් රථයේ රියදුරු විසින්ම ප්රතිකාර සඳහා තුවාලකරු හෝමාගම මූලික රෝහලට ඇතුළත් කර ඇති අතර එහිදී රෝගියා පරීක්ෂා කළ වෛද්යවරුන් පවසා ඇත්තේ ඔහු මිය ගොස් ඇති බවයි.
ඒ අනුව මෘත දේහය පිළිබඳ හදිසි මරණ පරීක්ෂණය හෝමාගම හදිසි මරණ පරීක්ෂක සාම විනිසුරු චින්තක උදය කුමාර මහතා විසින් සිදුකළ අතර මෘත දේහය පිළිබඳ පශ්චාත් මරණ පරීක්ෂණය හෝමාගම මූලික රෝහලේ අධිකරණ වෛද්ය නිලධාරී වෛද්ය වරුණා ජයසුන්දර මහත්මිය විසින් සිදු කළාය.
එහිදී ඉදිරිපත් වූ සාක්ෂි සහ පශ්චාත් මරණ පරීක්ෂණ වෛද්ය වාර්තාවට අනුව රිය අනතුරකින් මොළයට වූ මොටබල බහුවිද තුවාල මරණයට හේතුව බවට හදිසි මරණ පරීක්ෂක සාමවිනිසුරු චින්තක උදය කුමාර මහතා නිගමනය කළේය.
තවද සැකකරු අත්අඩංගුවට ගෙන බල ප්රදේශයේ අධිකරණයට ඉදිරිපත් කරන ලෙසටද මරණ පරීක්ෂකවරයා පොලිසියට නියෝග කළේය.
ඒ අනුව අත්අඩංගුවට ගත් උඩහමුල්ල ප්රදේශයේ පදිංචි සැකකරු හෝමාගම අධිකරණයට ඉදිරිපත් කිරීමට නියමිතව තිබුණි.
සිද්ධිය සම්බන්ධයෙන් කොට්ටාව පොලිසියේ ස්ථානාධිපති පොලිස් පරීක්ෂක සුභාෂණ වන්නිආරච්චි මහතාගේ උපදෙස් මත රථ වාහන අංශයේ ස්ථානාධිපති චමින්ද ප්රිය ශාන්ත මහතාගේ මෙහෙයවීමෙන් පොලිස් සැරයන් (35160) ඉන්දික නිලධාරීහු පරීක්ෂණ පවත්වති.
මන්නාරම මහාධිකරණ විනිසුරුවරයාට එරෙහිව කොළඹ මඩ පෝස්ටරයක් මුද්රණය කර කොළඹ ප්රදේශයේ ඇලවූයේ යැයි කියන සිද්ධියට සම්බන්ධ සැකකරුවන් ලබන 21 දක්වා රක්ෂිත
වලපනේ බටගොල්ල ප්රාථමික විද්යාලයේ එක වසරේ සහ හතර සිසුන් 20 දෙනකු ආසාත්මිකතාවයක් හේතුවෙන් අද පස්වරුවේදී වලපනේ , මුලහල්කැලේ ප්රාදේශීය රොහලට ඇතුළත් ක
සම සුදු කරන ආලේපන බහුතරයක බැර ලෝහ උපරිම සීමාව ඉක්මවා අන්තර්ගතව පැවතීම නිසා එම ආලේපන භාවිතයෙන් ස්නායුවලට බලපාන රෝග ඇතිවිය හැකි බව සෞඛ්ය අමාත්යාංශයේ
වාහන ආදායම් බලපත්ර ලබා ගැනීමේදී බස්නාහිර පළාත ද අනෙකුත් පළාත් සමග සම්බන්ධ කරන්නැයි ප්රවාහන මහා මාර්ග වරාය හා සිවිල් ගුවන් සේවා අමාත්ය විජිත හේරත්
පෞද්ගලික රූපවාහිනී මාධ්ය ආයතනයක ගණකාධිකාරී වරයකු පැදවූ සුඛෝපභෝගී මෝටර් රථයක ගැටී යුද හමුදාවේ විශ්රාමික සාජන් මේජර්වරයෙකු අද (18) ජීවිතක්ෂයට පත්ව ඇත
ජාතික චිත්රපට සංස්ථාවේ නව සභාපති ලෙස ඩබ්ලිව් ප්රින්ස් සේනාධීර සහ ශ්රී ලංකා පදනම් ආයතනයේ නව සභාපති ලෙස එස් .එම්. සමන් සමරකෝන් යන මහත්වරු ජනමාධ්ය අ
සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ඝනකාධිකාරී පැදවූ මෝටර් රියේ ගැටී විශ්රාමික සාජන් මේජර් මරුට
chandima Friday, 18 October 2024 06:37 PM
මේ කියන වෙලාවේ ඝනකාධිකාරිවරයා සේවයේ ඉඳලාත් නැහැ. සාජන්ට් මේජර් සේවයේ ඉඳලත් නැහැ. වෙලා තියෙන්නේ නම සඟවා ඇති පුද්ගලයකු උපාලි තිලකරත්න නම් තැනැත්තෙකු හප්පලා මැරිලා. රියදුරා වෘත්තියෙන් ඝනකාධිකාරිවරයෙක්. මියගිය තැනැත්තා විශ්රාමික සාජන් මේජර් වරයෙක්. නමුත් ප්රවෘත්තිය මුලින්ම බලන්නාට පෙනෙන්නේ වෙනත් දෙයක්. මොනවා කරන්නද? ජාත්යන්තර මාධ්ය කලාවනේ?