(සුජිත් හේවාජුලිගේ)

රජය සහ රාජ්‍ය ආයතන සතු සංචාරක නිවාස, තානායම් සහ  නිවාඩු නිකේතන යනාදිය  මැතිවරණ ප්‍රචාරක කටයුතුවල යෙදී සිටින  කිසිදු දේශපාලඥයකුට නිලධාරියකුට හෝ  වෙනත්  පුද්ගලයකුට ඡන්ද කාලයේදී  දීමෙන් වළකින ලෙස මැතිවරණ කොමිෂන් සභාව සියලුම ආයතන ප්‍රධානීන්ට විශේෂ නිවේදනයක් යවමින් දැනුම් දී ඇත.

එමෙන්ම එවැනි ස්ථානවල නවාතැන් ගන්නා පුද්ගලයන්ට දේශපාලන පක්ෂ හෝ අපේක්ෂකයන්  ප්‍රවර්ධනය කිරීමේ කටයුතුවල  නිරතවීමට ඉඩ  නොදිය යුතු බවද එම නිවේදනයේ සඳහන් වෙයි.

රජය  සතු ගොඩනැඟිලි සහ ඒවා පිහිටි භූමිවල දේශපාලන පක්ෂයන්හි  සහ  අපේක්ෂකයන්ගේ මැතිවරණ ප්‍රචාරක දැන්වීම් පෝස්ටර් සහ  කටවුට් යනාදිය  ප්‍රදර්ශනය කිරීමට හෝ ගබඩා කිරීමට ඉඩ නොදිය යුතු බවද  එහි දැක්වේ

දේශපාලන අයිතිවාසිකම් අහිමි නිලධාරීන් නිවාඩු ලබාගෙන හෝ කිසිදු දේශපාලනමය කාර්යයන්හි නිරත නොවිය යුතු බවද එම නිවේදනයේ   වැඩිදුරටත් සඳහන් වෙයි.