ජනපති රාජ්‍ය නායකයන් හමුවෙයි

ස්කොට්ලන්තයේ ග්ලාස්ගොහි පැවැත්වෙන COP :26 එක්සත් ජාතීන්ගේ දේශගුණික විපර්යාස පිළිබඳ රාජ්‍ය නායක සමුළුවට සහභාගිවී සිටින ජනාධිපති ගෝඨාභය රාජපක්ෂ මහතා වෙළෙඳ, සංචාරක, අධ්‍යාපන ඇතුළු ක්ෂේත්‍ර රැසක ප්‍රවර්ධනය සඳහා රාජ්‍ය නායකයන් සහ නියෝජිතයන් සමග සාකච්ඡා කළේය.

ශ්‍රී ලංකාව සහ බහරේන් රාජ්‍ය අතර දිගුකාලීන මිතුදම තවදුරටත් ශක්තිමත් කර ගැනීම පිළිබඳ ජනපතිවරයා සහ බහරේන් රාජකීය කුමරු වන අග්‍රාමාත්‍ය සලමන් බීන් හමාඩ් අල්කලීෆා ගෘහ සේවය වෙනුවට වෘත්තීය නිපුණතාවන්ගෙන් යුත් ශ්‍රී ලාංකිකයන්ට බහරේන් රාජ්‍ය තුල රැකියා අවස්ථා උදාකර ගැනීම ඇතුළු ක්ෂේත්‍ර කිහිපයක් පිළිබඳ මෙහිදී සාකච්ඡාවට ලක් කෙරිණි.

නේපාල අග්‍රාමාත්‍ය ෂා බහදුර් දෙව්බා මහතා හමුවූ ජනාධිපතිවරයා ශ්‍රී ලංකන් ගුවන් සේවය නේපාලය සහ ශ්‍රී ලංකාව අතර සතියකට ගුවන් ගමන් ගුවන් වාර සංඛ්‍යාව වැඩි කිරීම සහ දෙරට අතර සංචාරක සහ අධ්‍යාපන ක්ෂේත්‍රවල ප්‍රවර්ධනය පිළිබඳව සාකච්ඡා කළේය.

පොදු රාජ්‍ය මණ්ඩලීය මහ ලේකම් පැට්ට්‍රිෂියා ස්කොට්ලන්ඩ් මහත්මිය සහ ජනාධිපති ගෝඨභය රාජපක්ෂ මහතා අතර හමුව ග්ලාස්ගොහි මර්චන්ට් මන්දිරයේ දී සිදු විය.

පොදු රාජ්‍ය මණ්ඩලීය රටවල වෙළෙඳපොළ අවස්ථා පුළුල් කර ගැනීමට සහාය වන බව පැට්ට්‍රිෂියා මහත්මිය ජනාධිපතිවරයාට පවසා ඇත.

වේල්සයෙහි ඔටුන්න හිමි චාල්ස් කුමරු, යුක්රේන ජනාධිපති බ්ලැඩ්මීර් සෙලෙන්ස්කි, ලෝක වෙළෙඳ සංවිධානයේ අධ්‍යක්ෂ ජනරාල් නගෝසි ඔකොන්ජෝ මෙන්ම මැදපෙරදිග සහ බටහිර රටවල රාජ්‍ය නායකයන් සහ රාජ්‍ය නියෝජිතයන් හමු වූ ජනාධිපතිවරයා ශ්‍රී ලංකාවේ සංචාරක, ආර්ථික ඇතුළු ක්ෂේත්‍ර රැසක නව අවස්ථා උදා කර ගැනීම පිළිබඳ සාකච්ඡා පැවැත්වීය.

විදේශ අමාත්‍ය මහාචාර්ය ජී.එල්. පීරිස්, බ්‍රිතාන්‍ය මහ කොමසාරිස් සරෝජා සිරිසේන යන මහත්ම මහත්මීහු ද මෙම සාකච්ඡාවන්ට එක්ව සිටියහ.

අදහස් (6)

ජනපති රාජ්‍ය නායකයන් හමුවෙයි

බද්රානි Wednesday, 03 November 2021 10:35 PM

චාල්ස් කුමාරලාගේ පරම්පරාව මේ රටට දායාද කළ දේත් හොරාකාපු අයව දැක්කාම එතුමාට මොනවා හිතෙනවා ඇත්ද? අසරණ ලාංකික හිඟන ජනතාව මැදපෙරදිග රටවල දුක් විඳිමින් හම්බකරන ඒ මුදල් මේ රටේ පාලකයින් සූරාකන බව ඒ පාලකයින් දන්නවා නම් ඔවුන් මේ රටේ පාලකයින්ගේ මුහුණ වත් නොබලනු ඇත. අපේ රට අනාගතයේදී බාරගැනීමට සිටින චීන නායකයින්ට අපි නිතරම ගරුකරන අතරම ඔවුන්ගේ අසුචි පොහොර අපි ඉතාම සාදරයෙන් පිළිගන්නා බව දන්වමි. ලංකාවේ තක්කඩියන්ට හැර පින්තූර වල සිටින සියලුම අයට ගරු කරමි. ලෝකයේ තිබෙන නින්දිතම ගුවන් සේවය සමග කීර්තිමත් නේපාල ගුවන් සේවය ගිවිසුම් අත්සන් කොට අපකීර්තියට පත් නොවේ යයි බලාපොරොත්තු වෙමි...

: 28 3

Thamara Thursday, 04 November 2021 07:32 AM

ලොකෙට පරකාසේ, ගෙදර මරගාතේ!

: 20 10

swene Thursday, 04 November 2021 09:01 AM

හොඳ උත්සාහයක්. ගිවිසුම් ගැසීමට පෙර, සෑම පැත්තකම වාසි, අවාසි නිත්‍යානුකුල භාවය සහ එකඟතාවයත් එහෙයියන් සහ පාක්ෂිකයින් නොවන අයගෙ අදහස් ගැනත් සලකා බලා කටයුතු කලොත් ප්‍රශ්න වැළැක්විය හැකියි.

: 5 24

sam Thursday, 04 November 2021 12:31 PM

අනේ මන් දන්නේ නැහැ මොනවා කිවුවද කියලා .බයත් හිතෙනවා ඕයි

: 24 5

fairoos Thursday, 04 November 2021 02:35 PM

ලඟදි තවත් රටින් කැල්ලක් කාටහරි දෙන්නයි යන්නේ.

: 14 2

BamunuarachchiThursday, 04 November 2021 07:42 PM

ඇයි හලෝ... ඔහෙලාව තියාගෙන අපි විඳෝනවට වැඩිය හොඳයි නේද කුණු කොල්ලෙට හරි ඉතියෝපියාවට දුන්නොත්...? අපිට නම් සතේක පාඩුවක් නැහැ...

: 1 0

ඔබේ අදහස් එවන්න

එසැණ පුවත්

අලුත් කැබිනට්ටුව 23: අද දිවුරයි

2024 නොවැම්බර් මස 18 148 0

ජාතික ජන බලවෙග රජයේ නව කැබිනට් මණ්ඩලය ජනාධිපති අනුර කුමාර දිසානායක මහතා ඉදිරියේ අද (18) පෙරවරු 10ට ජනාධිපති ලේකම් කාර්යාලයේදී දිවුරුම් දීමට නියමිතව ඇත.