දෙදින නිල සංචාරයක් සඳහා ඇමරිකා රාජ්‍ය ලේකම් ජෝන් කෙරී හෙට පෙරවරුවේ දිවයිනට පැමිණෙන බව විදේශ අමාත්‍යංශය කියයි.

විදේශ ඇමැති මංගල සමරවීර මහතා ශ්‍රී ලංකා රජය වෙනුවෙන් කළ ආරාධනයක් පිළිගනිමින් වොෂින්ටනු නුවර සිට දිවයිනට පැමිණෙන ජෝන් කෙරී සෙනසුරාදා පෙරවරු 7 ට කටුනායක බණ්ඩාරනායක ජාත්‍යන්තර ගුවන් තොටුපළේදී අගමැති රනිල් වික්‍රමසිංහ මහතා ප්‍රමුඛ රජයේ දූත පිරිසක් විසින් පිළිගැනීමට නියමිතය.

2005 වසරෙන් පසු ඇමරිකා රාජ්‍ය ලේකම්වරයකු ශ්‍රී ලංකාවේ සංචාරය කරන ප්‍රථම අවස්ථාව මෙයයි. මීට පෙර 1972 වසරේදී එවකට ඇමරිකා රාජ්‍ය ලේකම්ව සිටි විලියම් පියර්ස් රොජර්ස් ද සුනාමි ව්‍යසනයට මුහුණ පෑ ජනතාවගේ සුවදුක් විමසීම සඳහා 2005 වසරේදී එවකට ඇමරිකා රාජ්‍ය ලේකම්ව සිටි කොලින් පවෙල් මෙරටට පැමිණියේය.