ශ්‍රී ලංකාවේ උපන්, මේ වනවිට ඔස්ට්‍රේලියාවේ පදිංචිව සිටින සේනානි විජේසේන විසින් නවතම ගීතයක් එළිදක්වා තිබේ. රංගන ශිල්පිනියක් වන ජීවරාණි කුරුකුලසූරියගේ දියණිය වන ඇය සංගීතය තුලින් ඉදිරියට පැමිණ ඇත. R&B/Soul ගීත ගායනයෙන් සහ ගීත රචනයෙන් ඉදිරියෙන් සිටින ඇය වෙනස්ම සංකල්පයක ඇති ඇයගේ නවතම ගීතය පිළිබඳ අප සමග මෙසේ පැවසීය.

මම ලබාගත් අත්දැකීමත් සමග නිර්මාණය වූ ගීතයක් ලෙස මෙම ගීතය හැඳින්වීමට පුළුවන. 2009 වර්ෂයේදී ලංකාවේ බෙන්තොට සමන් විලා හිදි පැය 03 චිකිත්සක ප්‍රතිකාරයක් කරනු ලැබුවා. එම අවස්ථාවේදී දකිනු ලැබූ දේවල් වලින් සහ සිතට නැගුනු දේවල් වලින් තමයි මෙවැනි ගීතයක් නිර්මාණය කරන්න හිතුනේ" යනුවෙන් පැවසීය.

"I'm Ascending" යන ගීතය පසුගියද (මාර්තු 21 වැනිදා) එළිදැක්වූ ලැබීය. ඇයගේ ඒකපුද්ගල ගීතයක් වන 'Free' ගීතය හොලිවුඩයේ soul/R&B වර්ගය යටතේ Media Award සඳහාද නිර්දේශය විය. ඊට අමතරව 2014 වසරේ නර්තන සංස්කරණයක් ලෙස UK Music Week charts වල 20 වැනි ගීතය ලෙසට තේරී පත්වූහ. 1960 සහ 1970 දශකයේ ජනප්‍රිය නිළියක් වූ ජීවරාණි කුරුකුලසූරිය වන ඇයගේ මවගෙන් ලැබුණු ආභාශය තුලින් ඇය ගායන ක්ෂේත්‍රයට පැමිණ ඇති ඇය පවසයි. ඉදිරියේදී ඇයගෙන් නිර්මාණයන් සහ ගීතයක් එළිදැක්වීම නියමිතව තිබෙන බවටද පැවසීය.

ඩිලාන් ක්‍රිෂාන්ත