මුලතිව් තුනුක්කායි ප්රාදේශීය සභාවේ දෙමළ ජාතික සන්ධාන මන්ත්රීවරයකු බව කියන පුද්ගලයකු දුප්පත් කතුන් 56 දෙනකු සමඟ ගත් අසභ්ය වීඩියෝ රුපියල් 200 ගණනේ විකුණා ඇතැයි පොලිසියට පැමිණිලි කර ඇත.
ඔහු එම කතුන් සමඟ සහවාසයේ යෙදී එම පින්තූර ගෙන ඇතැයි ද, රජයේ සුළු සුළු ආධාර දී ඔවුන් ඊට පොළොඹවාගෙන ඇතැයි ද එවැනි වීඩියෝවක් වන්නියේ සැමියකු හා පුතකු දැකීමෙන් පසු තුන් දරු මවක සිය දිවි නසාගෙන ඇතැයි ද ප්රදේශවාසීහු කියති.
එම කාන්තාවගේ මරණයට ගිය වන්නි කාන්තා අයිතිවාසිකම් ක්රියාකාරිකයෝ මල්ලාවි පොලිසියට මේ ගැන පැමිණිලි කළහ.
මුලදී පොලිසිය පැමිණිල්ල ලියා නොගත් නමුත් පසුව ලියාගෙන ඇතැයි ද, එම සිද්ධිය සැලවූ පසුව 21 හැවිරිදි තවත් තරුණියක ද සිය දිවි නසාගන්නට ගොස් ඇතැයි ද, එහෙත් ඇය බේරා ගත් බව ද ගැමියෝ පොලිසියට කීහ.
කාන්තා ක්රියාකාරිකයෝ පිරිසක් පසුගිය දා යාපනයේ දොරේඅප්පා ක්රීඩාංගනයේ සිට දෙමළ ජාතික සන්ධානයේ යාපන කාර්යාලයයට විරෝධතා පාගමනක යෙදී දෙමළ සන්ධානයේ නායක ආර් සම්බන්දන්ගේ හා මාවෙයි සේනාධිරාජාගේ පඹයක් පිලිස්සු බව ද කියති.
දූෂණ සිද්ධිය මාවෙයි සේනාධිරාජාට සැලකිරීමෙන් පසු පිටරට සිටින දෙමළ ජාතිකයන්ගේ ආධාරයෙන් අරමුදලක් අරඹා දූෂණයට ලක්වූ කාන්තාවනට මාස්පතා මාසික දීමනාවක් ගෙවීමට පියවර ගන්නා බව කියා ඇත.
එහෙත් උතුරු කාන්තා ක්රියාකාරිකයන් කියා ඇත්තේ එම දූෂකයාට එරෙහිව පියවර ගන්නා ලෙසයි. තමා ඔහු කවුදැයි නොදන්නා බව මන්ත්රීවරයා කියා ඇතැයි ද, ඔහු හිටපු දෙමළ ඊළාම් විමුක්ති සංවිධානයේ (ටෙලෝ) සාමාජිකයකු බව කියා ඇතැයි ද වාර්තා වේ.
ඉන්පසු කාන්තා ක්රියාකාරිකයන් සෙල්වම් අඩෙයිකලනාදන් හා ශ්රීධරන් යන මන්ත්රීන් හමුවීමට ගොස් ඇත.
මේ සිද්ධිය සම්බන්ධයෙන් ඔවුහු උතුරු පළාත් මහ ඇමැති හිටපු ශ්රේෂ්ඨාධිකරණ විනිසුරු සී වී විග්නේෂ්වරන් මහතාට ලේඛන ගත තැපෑලෙන් ලිපියක් යොමු කර ඇතැයි ද, එහෙත් මෙතෙක් උත්තරයක් ලැබී නැතැයි ද කියති.
උතුරේ කාන්තා ක්රියාකාරීකාවක වන මුතියා මුදන් සුගන්ධි උතුරේ දෙමළ වෙබ් අඩවියකට මේ බව පවසා ඇත.
ඉන් පසු තම නිවස ඉදිරිපිටට ආ තරුණයන් පිරිසක් ඇයට බැණ වැදී දෙමළ ජාතික සංවිධානය විවේචනය නොකරන ලෙස කී බව ද ඇය කියන්නීය.
තමාට තර්ජනය කරන බව පොලිසියට දැනුම් දෙන බව කී විට කොල්ලන් පිරිස පලා ගිය බවත් සුගන්ධි කියයි.
උතුරේ ඇතැම් කාන්තා ක්රියාකාරිකයන් ද මේ සිද්ධිය සම්බන්ධයෙන් දෙමළ ජාතික සංවිධානයට කිසිවක් නොකියන බව ද සුගන්ධි කියන්නීය.
මේ ගැන පොලිස් මාධ්ය ප්රකාශක සහකාර පොලිස් අධිකාරී රුවන් ගුණසේකර මහතාගෙන් විමසූ විට ඒ ගැන සොයා බලා පිළිතුරක් දෙන බව කීවේය.
පාර්ලිමේන්තුව අද( 24) මධ්යම රාත්රී විසුරුවා හැරීමට නියමිතව ඇතැයි පාර්ලිමේන්තු ආරංචි මාර්ගවලින් පැවසේ.
යාපනය පොන්නාලෙයි මුහුදු ප්රදේශයේ ධීවර කටයුතුවල නිරතවු ධීවරයකු තෙප්පම පෙරැළී දියේ ගිලී මියගොස් ඇති බව වඩ්ඩුකෝඩ්ඩෙයි පොලිසිය පවසයි.
ජනාධිපති අනුර කුමාර දිසානායක මහතා කොළඹ දවටගහ මුස්ලිම් පල්ලියට ගොස් මවුලවිතුමන්ලා හමුවී ආශිර්වාද ලබා ගත්තේය.
බුත්තල පොලිස් වසමට අයත් අඹකොළවැව ප්රදේශයේ වගා ළිඳකට වැටීමෙන් දෙදරු පියෙකු මියගොස් ඇතැයි බුත්තල පොලීසිය පවසයි.
2024 ජනාධිපතිවරණයෙන් ජනාධිපති ලෙස තේරී පත්වූ අනුර කුමාර දිසානායක මහතා වසර පහක කාලයක් සඳහා ජනාධිපති ධුරය බාර ගත් බව ප්රකාශයට පත් කරමින් අති විශේෂ ගැසට්
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ටීඑන්ඒ ප්රා මන්ත්රී ගෑණු 56ක් කෙළෙසලා
අමිතා Monday, 10 August 2015 10:24 AM
මෙහෙමත් මිනිස්සු පාර්ලිමේන්තු යවන්න පුළුවන්ද? (නි)