නිරූපිකාවක ලෙස ක්ෂේත්‍රය පිවිස චිත්‍රපටයක් සඳහාද දායක වී තමන්ගේ ගමන පිළිබඳව දැඩි අවබෝධයකින් සිටින ඇය දිලිනි අත්තනායක වේ. ඇගේ ඉදිරි කටයුතු සහ කලා කටයුතු පිළිබඳව කතාබහ කිරීමට ‘සාරවිට’ සමග මෙලෙස එක්විය.

ඔබව හඳුන්වා දුන්නොත්?

මම දිලිනි අත්තනායක. මම ඉන්නේ මහරගම

නිරූපණයට එකතු වුණේ කොයි කාලේද?

මම නිරූපණයට ඇවිල්ලා වැඩිකාලයක් නැහැ.

මේ දවස් වැඩකටයුතු ගැන කිව්වොත්?

මේ දවස්වල ටිකක් කාර්ය බහුලයි. ෂූට්වලට ගොඩක් අය කතා කරනවා. ළඟදී ෂූට් වගයක් කළා. දැන් ඒ ටික හිට් වේගෙන යනවා වගේ. ඊට අමතරව මියුසික් වීඩියෝ ටිකකට කතාකරලා තියෙනවා. ඒ ටිකත් බාර අරගෙන තියෙනවා. මම දායක වුණු වීඩියෝවක් මේ දිනවල එළිදක්වලා තියෙනවා.

කරපු වැඩ ගැන කිව්වොත්?

මම එරංග සේනාරත්නගේ ‘නෝනා හරි වසයි’ හාස්‍ය චිත්‍රපටය සඳහා අප්‍රේල් මාසේ දායක වුණා. මම ඉස්සෙල්ලාම කළේ පරාක්‍රම ඒකනායක සර්ගේ ‘සයිබර් ක්‍රයිම්’ එකේ චරිතයක් සඳහා දායක වෙන්න අවස්ථාවක් හම්බවුණා. ඒක මට අරන් දුන්නේ අරුණ ජයවර්ධන. ඊට පස්සෙ චතුර අයියගේ මියුසික් වීඩියෝ දෙකක් සඳහා දායක වෙන්න අවස්ථාවක් ලැබුණා.

දායක වුණු පැජන්ට් එක ගැන කිව්වොත්?

පැජන්ට් එකේ ටොප් 10 වලින් 7 තමයි මගේ ස්ථානය ලැබුණේ. පසුතැවෙන්නේ නැහැ. මොකද ඒ මගේ ජාත්‍යන්තර පළමු පැජන්ට් එක. ලබන අවුරුද්දේ පැජන්ට් එකට යන්න ලෑස්ති වෙනවා. ඒ සඳහා හොඳටම දායක වෙන්න බලාපොරොත්තු වෙනවා. දෙසැම්බර්වල ඉමායාගේ ෂෝ එකක් තියෙනවා. ඒක කරන්නේ ආධාර පිණිසයි. ඒ සඳහා දායක වෙලා ඉන්නවා.

පළමු ජාත්‍යන්තර තරගයේ අත්දැකීම ගැන කතා කළොත්?

ජාත්‍යන්තර තරගයක් සඳහා මුහුණ දෙන්නේ කොහොමද? ඒ අයත් එක්ක හැසිරෙන්නේ කොහොමද? මේ පිළිබඳව ගොඩක් අත්දැකීමක් ලැබුණා. මොකද අපි හැම රටක් එක්කම එකට ඉන්න ඕනා. මායි පියුමි අක්කි ලංකාවෙන් ගියා කියලා අපි දෙන්නටවත් එකට ඉන්න හම්බුණේ නැහැ. කෑම කද්දී, කාමරයේ ඉද්දී හැමදේම බෙදා හදාගෙන කටයුතු කරන්න තිබුණා. එවැනි දේවල වලට ලකුණුත් ලබා දුන්නා.

අප රටට සාපේක්ෂ්ව එහිදී නිරූපණයට තිබෙන තැන?

අපේ රටට වඩා එයලා Body Maintain වගේ දේවල පිළිබඳව විශේෂ සැලකිල්ලක් දක්වනවා. පිටරට අය පුදුම ලස්සනක් තියෙන්නේ. මම දකින විදිහට ලංකාවේ නිරූපිකාවන්ගේ ලොකු සැලකිල්ලක් නැහැ කියලා තමයි හිතෙන්නේ.

නිරූපණයට ලොකු පිළිගැනීමක් නැහැ නේද?

ඒ පැජන්ට් එකේදී මගේ බිකිනි ෆොටෝස් වගයක් එළියට ආවා. ගොඩක් අය ඒ දේ විවේචනය කළා. නමුත් ඒ ජාත්‍යන්තර තරගයක් එවැනි දේවල් තියෙනවා. අපිට බිකිනි එකකින් තරගයක් තියෙනවා නම් ඒ සඳහා වෙනම ඇඳුමකින් දායක වෙන්න බැහැනෙ. අපි ඇඳුමක් ඇන්දොත් කතාවක් කියනවා. නිරූපිකාවක් වුණාම අපිට ලැබෙන ඇඳුම් අඳින්න ඕනානේ. නිරූපිකාවක් සඳහා නිරූපණය කියන්නෙත් ක්ෂේත්‍රයක් මේ දේ පිළිබඳව හැමදෙනාම හොඳට තේරුම් ගන්න ඕනා කියලයි මගේ අදහස.

ඉස්සර ඉන්දියාවේ චිත්‍රපට සම්ප්‍රදායිකව නිර්මාණය වුණු ඒවා. නමුත් දැන් ඉන්දියානු චිත්‍රපට ගත්තත් ඒ අය ජාත්‍යන්තර මට්ටම ඇවිල්ලා ඉවරයි. ලංකාවේ ඒ වගේ චිත්‍රපටයක් කළොත් ලංකාවේ නිළිය පාරේ ගිහිල්ලත් හමාරයි.

ඉදිරි බලාපොරොත්තු?

මගේ ලොකුම බලාපොරොත්තුව තමයි ලංකාවේ ටොප් මොඩල් කෙනෙක් වෙන එක. මම හිතනවා මගේ සිහිනය ගොඩක් ඈත නැහැ කියලා.

වෘත්තීමය නිරූපිකාවක් වෙන්නද බලාපොරොත්තුව?

ඔව් අනිවාර්යයෙන්ම.

එවැනි වාතාවරණයක් උදාවෙලාද තියෙන්නේ?

ඔව් මම හිතනවා. මං ඒ සඳහා අවශ්‍ය දේවල් ටිකෙන් ටික හදා ගනිමින් තමයි ඉන්නේ.

රංගනයට අදහසක් නැද්ද?

අදහසක් තියෙනවා. මම රංගන සඳහා මහේන්ද්‍ර අයියාගේ ක්ලාස් එකට පවා ගියා සහ කාල වේලාව ලැබුණාම යනවා. මම ඉගෙන ගෙන දෙයක් කරන්න කැමතියි. මම වෙනස් දෙයක් කරන්න කැමතියි. ඉදිරියේදී බලමු.

මතක් කරන්න පිරිසක්?

මට උදවු කරපු හැමෝටම ගොඩක් ස්තූතියි කියනවා. මම පළවෙනි මියුසික් වීඩියෝව කළේ චතුර අයියගේ. ඒක මේ දවස්වල ප්‍රචාරය වෙනවා. මට හිතෙනවා දැන් ටික පිරිසක් හරි මාව දන්නවා කියලා. ඉතිං මට මේ තැනට එන්න උදවු කරපු හැමෝටම ස්තූති කරනවා. මාව පැජන්ට් එකට එක්කන් ගියේ විශ්ව පෙරේරා. එයටත් ස්තූති කරනවා. අම්මලා මට ගොඩක් උදව් කළා මේ තැනට එන්න. එයාලටත් ගොඩක් ස්තූති කරනවා. හැමෝටම ස්තූති කරන්න කැමතියි.

ඩිලාන් ක්‍රිෂාන්ත / ඡායාරූප - පසන් සෙනවිරත්න, දිලිනිගේ ෆේස්බුක් ගිණුම