(විමුක්ති එස් රුද්රිගු)
ඇමෙරිකානු ජනාධිපතිවරයකු ධුරය දැරූ සමයේදී ගත් රාජාකාරී තීරණ අභියෝගයට ලක් කරමින් ඔහුට කිසිම විටකත් නඩු පැවැරිය නොහැකි බවත් එය හිටපු ජනාධිපති ඩොනල්ඩ් ට්රම්ප්ටද අදාළ වන බවත් ශ්රේෂ්ඨාධිකරණය තීන්දු කළේය.
එම වරප්රසාදය ජනාධිපති ධුර කාලය තුළදී රාජකාරි ජීවිතයෙන් ඔබ්බට දිව යන බවත් ඒ හේතුවෙන් ඩොනල්ඩ් ට්රම්ප්ට විරුද්ධව අපරාධ චෝදනා ගොනු කිරීමේදීද යම්තාක් දුරට බාධාවක් පවතින බවත් ශ්රේෂ්ඨාධිකරණය ලබා දුන් තීන්දුවේ සඳහන් වේ. විනිසුරුවන් 9 දෙනකුගෙන් යුත් ශ්රේෂ්ඨාධිකරණ විනිසුරු මඩුල්ලක් යටතේ 2020 ජනාධිපතිවරණයේ මැතිවරණ ප්රතිඵල වෙනස් කිරීමට කුමන්ත්රණය කිරීම සම්බන්ධයෙන් ට්රම්ප්ට එල්ලවූ චෝදනා අභියෝගයට ලක් කරමින් ගොනුකළ අභියාචනය විභාග වූ අතර විනිසුරුවන් 6 දෙනකුගේ එකඟත්වයෙන් තීන්දුව ප්රකාශයට පත් කෙරිණි.
ශ්රේෂ්ඨාධිකරණය තීන්දුව ප්රකාශයට පත් කිරීමෙන් අනතුරුව 2020 ජනාධිපතිවරණයේ මැතිවරණ ප්රතිඵල වෙනස් කිරීමට කුමන්ත්රණය කිරීම යටතේ ඩොනල්ඩ් ට්රම්ප්ට එරෙහිව ගොනුකර ඇති චෝදනා විභාග කරන විනිසුරුවරිය වන දිසා විනිසුරු ටාන්යා චුට්කන් වෙත එම නඩු තීන්දුව යොමුකර තිබේ. එම නඩුව මාර්තු මාසයේ විභාගයට ගැනීමට නියමිතව තිබුණත් ට්රම්ප්ට හිටපු ජනාධිපතිවරයකු ලෙස හිමි මුක්තිය සම්බන්ධයෙන් විභාග වූ අභියාචනය අවසන් වන තෙක් මාස 7 ක කාලයක් බලා සිටීමට වොෂින්ටන් අධිකරණයට සිදුවිය.
ශ්රේෂ්ඨාධිකරණ තීන්දුවත් සමඟ ඩොනල්ඩ් ට්රම්ප්ට විරුද්ධව ගොනුකළ හැකි චෝදනා මොනවාද කළ නොහැකි චෝදනා මොනවාද යන්න පිළිබඳව එම තීන්දුව අදාළ කර ගනිමින් නැවත වරක් තීරණය කිරීමට දිසා විනිසුරු ටාන්යා චුට්කන් සිදුවනු ඇති බවත් කල් ලබා දුනහොත් නඩු පැවැරිය හැකි චෝදනාවක් දෙකක් සොයා ගැනීමට ඇයට හැකියාව තිබුණත් ජනාධිපතිවරණයට පෙර එය සිදුකිරීම කිසිසේත්ම කළ නොහැකි බවත් නීති විශාරදයෝ පැවැසූහ.
එසේම ශ්රේෂ්ඨාධිකරණ තීන්දුව හේතුවෙන් නිව් යෝර්ක් අධිකරණයේදී චෝදනා 34 කට වරදකරු කරමින් ඩොනල්ඩ් ට්රම්ප්ට එරෙහිව ලබා දුන් නඩු තීන්දුව අභියෝගයට ලක් කරමින් මෝසමක් ගොනු කිරීම සඳහා අවසර ඉල්ලමින් ට්රම්ප්ගේ නීතිඥවරුන් විනිසුරු ජුවාන් මර්චන් වෙත ලිපියක්ද යොමුකර ඇත. ලිපිය පිළිගතහොත් එළඹෙන 11 වැනිදාට නියමිත එම චෝදනාවලට දඬුවම් නියම කිරීම තවත් ප්රමාද වනු ඇති බවත් එය ප්රතික්ෂේප වුවත් ඩොනල්ඩ් ට්රම්ප්ට චෝදනා 34 සඳහා සිර දඬුවමක් නියම නොවෙනු ඇති බවත් නීති විශාරදයෝ ප්රකාශ කළහ.
ශ්රේෂ්ඨාධිකරණ තීන්දුව සම්බන්ධයෙන් ඩොනල්ඩ් ට්රම්ප් ප්රසාදය පළ කර ඇති අතර ජනාධිපති බයිඩන් එම තීන්දුව දැඩි ලෙස විවේචනයට ලක් කර ඇත.
අතුරුගිරිය නගරයේ ටැටූ මධ්යස්ථානයක් තුළදී වෙඩි තබා මනුෂය ඝාතන දෙකක් හා සිවු දෙනකුට තුවාල කිරීමට අදාලව අත් අඩංගුවට ගත් සැකකාරියක් රඳවාගෙන ප්රශ්න කිර
අයිස් මත්ද්රව්ය සමග අත්අඩංගුවට ගත් 41 හැවිරිගේ පුද්ගකුට එච්.අයි.වී. වෛරසය ආසාදනය වී ඇති බවට සෞඛ්ය අංශමගින් කළ පරීක්ෂණයකදී අනාවරණය වූ බව පොලිසිය කියය
බංගලාදේශයේ ඉගෙනුම ලබන සිසුන් ඔවුන් ඉගෙන ගන්නා විශ්ව විද්යාලවල නේවාසිකාගාරයන්හි ආරක්ෂිතව සිටින බවත් විදේශ කටයුතු අමාත්යාංශයේ මාධ්ය ප්රකාශක නි
මහනුවර ඓතිහාසික ශ්රී කතරගම දේවාල පරිශ්රයේ පිහිටි එහි ප්රධාන කපු මහතා ජීවත්වන පාරම්පරික නිවසේ ඉහළ මහලේ ඇතිවූ ගින්නක් හේතුවෙන් එම මහල සම්පූර්ණයෙන්
පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීම ලබන වසර මුල දක්වා ප්රමාද කිරීමට රජය තීරණය කර ඇති බව ආරංචි මාර්ග ප්රකාශ කළේය.
බංකොළොත් ව්යාපාර සම්බන්ධව කටයුතු කිරීමට නව පනත් කෙටුම්පතක් හඳුන්වා දෙන බව ජනාධිපති රනිල් වික්රමසිංහ මහතා පැවසීය.
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ට්රම්ප්ට නඩු පවරන්න බැහැ
Ruwan De Silva Tuesday, 02 July 2024 05:37 PM
බැලින්නං ලංකාවේ වගේ ඇමරිකාවේ ජනපතිකම කියන්නේ ඒකාධිපති බලයක් ලැබෙන තනතුරක්