ඬේවිඞ් මිලර්ගේ (නොදැවී 101) වේගවත් ඉනිම නිසා ඉන්දීය ප‍්‍රධානතම ක‍්‍රිකට් තරගාවලියේ (අයි. පී. එල්.) 51 වැනි තරගය ලෙස මොහාලිහිදී අද (06 වැනිදා) පැවැති තරගයේදී කිංග්ස් XI, පංජාබ් පිල කඩුලූ 6 කින් රෝයල් චැලෙන්ජර්ස් බැංගලෝර් පිල පරාජය කළේය.

දකුණු අප‍්‍රිකානු යොවුන් පිතිකරු ඬේවිඞ් මිලර් පන්දු 38 කදී හතරේ පහර 8 ක් සහ හයේ පහර 7 ක් සමගින් නොදැවී ලකුණු 101 ක් රැස්කරමින් පංජාබ් පිල අනපේක්‍ෂිත ජයක් දක්වා රැගෙන ඒමට සමත් විය.

10 වැනි  ඕවරයේ පස්වැනි පන්දුවේදී ලකුණු 64 කට කඩුලූ 4 ක් බිඳ වැටී තිබියදී ඬේවිඞ් මිලර් (නොදැවී 101) සහ රාජගෝපාල් සතීස් (නොදැවී 27) එකතුව පන්දු 49 කදී ලකුණු 130 ක නොබිඳු සම්බන්ධතාවක් පැවැත්වූහ.  

බැංගලෝර් පිල වෙනුවෙන් ක‍්‍රිස් ගේල් පන්දු 33 කදී හතරේ පහර 6 ක් සහ හයේ පහර 3 ක් සමගින් ලකුණු 61 ක් රැස් කළේය.

බැංගලෝර් සංචිතයට ඇතුළත්ව සිටින තිලකරත්න ඩිල්ෂාන්ට සහ මුත්තයියා මුරලිදරන්ට මෙම තරගයේදී කණ්ඩායමේ ස්ථාන අහිමි වූහ.

රෝයල් චැලෙන්ජර්ස් බැංගලෝර් පිල  ඕවර 20 කදී කඩුලූ 3 ට 190 (ක‍්‍රිස් ගේල් 61, චෙටෙෂ්වර් පුජාරා 51, විරාට් කෝලි 14, ඒ. බී. ඩිවිලියස් නොදැවී 38, මොයිසස් හෙන්ද්‍රික්ස් නොදැවී 16, මන්ප‍්‍රීට් ගොනි 41/2)

කිංග්ස් XI, පංජාබ් පිල  ඕවර 18 කදී කඩුලූ 4 ට 194 (මන්දීප් සිං 16, ගුර්කකීරට් සිං 20, ඬේවිඞ් හසී 13, ඬේවිඞ් මිලර් නොදැවී 101, රාජගෝපාල් සතීස් නොදැවී 27, මුරලි කාර්තික් 24/2)