(ජේ.ඉඳුරුවගේ)

ජාතික කෞතුකාගාර දෙපාර්තමේන්තුවේ භූ විද්‍යා අංශයට අයත්ව ලංකා බැංකුවේ මෙට්‍රොපොලිටන් ශාඛාවේ තැන්පත් කර ඇති මැණික් ගල් 271 ක වර්තමාන   වටිනාකම  තක්සේරු කිරීමට මේ දක්වා පියවර ගෙන නැතැයි  ජාතික විගණන කාර්යාලය 2023 වසරට අදාලව  කෞතුකාගාර දෙපාර්තමේන්තුව සම්බන්ධයෙන් වූ විගණන වාර්තාවක් මගින්   අනාවරණය කරයි.

කෞතුකාගාර දෙපාර්තමේන්තුව මගින් මැණික් ගල් 272 ක් ආරක්ෂාව සඳහා 1964.09.18 දා සිට  බැංකුවේ තැන්පත් කර ඇති අතර 1993 දී සිදුකළ භෞතික  පරීක්ෂාවකදී   එයින්  කෘත්‍රිම ගලක් බවට හෙළිවූ එක් ගලක්   බැංකුවෙත් ඉවත්කරගත්   පසු දැනට ඇති මැණික්  ගල් 271 හි වර්තමාන මූල්‍ය වටිනාකම තක්සේරු කළ යුතු බව   කෞතුකාගාර දෙපාර්තමේන්තුව වෙත විගණන නිර්දේශ ලබාදී ඇත. 

එම මැණික් ගල් තක්සේරු කිරීම බැංකුව තුළදී කළ නොහැකි බවත් ඒවා මැණික් හා ස්වර්ණාභරණ අධිකාරියේ රසායනාගාරය වෙත ගෙන යා යුතු බවත් එම  අධිකාරිය දැනුම් දුන් බව   කෞතුකාගාර දෙපාර්තමේන්තුවේ ගණන් දීමේ නිලධාරියා  විසින් විගණන කාර්යාලය වෙත පිළිතුරු ලබාදී ඇත.