(යොහාන් භාසුර)

තැපැල් ඡන්දය සළකුණු කළ නොහැකි වූ රාජ්‍ය සේවකයන් සිටී නම් ලබන 7 සහ 8 දෙදින රාජකාරි කරන කාර්යාලයට අදාල දිස්ත්‍රිකකයේ තේරීම් භාර නිලධාරි කාර්යාලයේ තැපැල් ඡන්දය ප්‍රකාශ කළ හැකි බව මැතිවරණ කොමිසමේ සභාපති ආර්. එම්. ඒ. එල්. රත්නායක මහතා අද (5) පැවසීය.

විහාරස්ථාන 2,263 ක ඡන්ද විමසීම පැවැත්වීමට නියමිතව තිබුන ද විහාරස්ථාන 2,203 ක පමණක් මධ්‍යස්ථාන ස්ථාපිත කළ හැකි බව කී රත්නායක මහතා කඨින පිංකම් නිසා විහාරස්ථාන 45 ක සහ වෙනත් හේතු නිසා විහාරස්ථන 15 ක ඡන්ද මධ්‍යස්ථාන ඉවත්කිරීමට සිදුවූ බවත් සභාපතිවරයා කීය.

එම විහාරස්ථාන වෙනුවට වෙනත් ස්ථානවල ඡන්ද මධ්‍යස්ථාන ස්ථාපිත කළ බවත් මැතිවරණ කොමිසමේ සභාපති ආර්. එම්. ඒ. එල්. රත්නායක මහතා වැඩි දුරටත් සඳහන් කළේය.