ශී‍්‍ර ලංකා කි‍්‍රකට් ආයතන නිලවරණයේදී උප ලේකම් තනතුර සඳහා තිලංග සුමතිපාල පාර්ශවයෙන් තමන් නාම යෝජනා බාරදුන් බව අර්වින් ජයවර්ධන මහතා පවසයි. ජයවර්ධන මහතා පවසන්නේ ඊයේ (13 වැනිදා) ටොරින්ටන් පෙදෙසේ පිහිටි කී‍්‍රඩා අධ්‍යක්‍ෂ ජනරාල් කාර්යාලයේදී තමන් සිය නාමයෝජනා පත‍්‍රය බාරදුන් බවයි.කී‍්‍රඩා අධ්‍යක්‍ෂ ජනරාල් රංජනී ජයකොඩි මහත්මියගෙන් කළ විමසීමකදී ඇයද ඒ බව සනාථ කළාය. අර්වින් ජයවර්ධන මහතා මීට පෙරදී පාලක කී‍්‍රඩා සමාජ නියෝජතයකු වශයෙන් ශී‍්‍ර ලංකා කි‍්‍රකට් පාලක විධායක කමිටුව නියෝජනය කළේය. ලබන මස 3 වැනිදා පැවැත්වීමට නියමිත ශී‍්‍ර ලංකා කි‍්‍රකට් ආයතන නිලවරණයේදී තිලංග සුමතිපාල පාර්ශවයෙන් විවිධ තනතුරු සඳහා නාම යෝජනා බාරදීමට තෝරාගන්නා ලද අපේක්‍ෂකයන්ගේ නම් ඊයේ (13 වැනිදා) පත‍්‍රයේ පළවූ අතර පෙරේදා සවස් වන විටත් උප ලේකම් තනතුර සඳහා කිසිවකු තෝරා ගෙන නොතිබූ බවද ඊයේ පත‍්‍රයේ සටහන් විය. මෙවර නිලවරණයේදී කණ්ඩායමක් ලෙසින් තරග කළද නාම යෝජනා බාරදීම වරින් වර, නනි තනිවම කරන බව තිලංග සුමතිපාල පාර්ශවයේ නියෝජිතයෝ ප‍්‍රකාශ කරති. මේ අතර උපාලි ධර්මදාස මහතා සිය නාමයෝජනා පත‍්‍රය අත්සන් කිරීමෙන් පසුව දින කිහිපයක් සඳහා විදේශ ගතවී ඇති බැවින් ධර්මදාස පාර්ශවයේ අපේක්‍ෂකයන් තීරණ ගත නොහැකිව සිටින බවද වාර්තාවේ. මෙම තත්ත්වය නිසා සිය සංචාරය අතරමග නවතා දමා ධර්මදාස මහතා අද (14 වැනිදා) දිවයිනට පැමිණීමට නියමිත බවද දැනගන්නට ඇත. මේ අතර තවත් පිරිසක් පවසන්නේ තමන්ගේ පාර්ශවයේ අය දෙපැත්තේම අතු අල්ලාගෙන සිටින බැවින් ඒ ඒ පුද්ගලයන් කිනම් පාර්ශවයක් නියෝජනය කරන්නේද යන්න අවසන් මොහොත දක්වා කිව නොහැකි බවයි. මේ අතර නිලවරණය සඳහා ඉදිරිපත්වන තවත් පිරිසක් පවසන්නේ ඉහළ අත-ු අල්ලාගෙන සිටින කිහිපදෙනකු තම කණ්ඩායමට ඇතුළත් කරන ලෙස රජයේ ඉහළ තැන්වලින් කිසියම් බලපෑමක් ඇතිවුවහොත් ඒ සඳහා හිස නැමීමටද තමන්ට සිදුවන බවයි.