(කුෂාන් ජයවර්ධන)
 
අම්පාර පහළලන්ද සිවිල් ආරක්ෂක කඳවුරේ නිරෝධායනය වෙමින් සිටි භටයින් 35 දෙනෙකුට කොවිඩ් -19 ආසාදනය වී ඇතැයි දමන සෞඛ්‍ය වෛද්‍ය නිලධාරී කාර්යාලය පවසයි.
 
එම භට පිරිසද ඉකුත් දා පැවැති නිදහස් දින ජාතික උත්සවයට එක්වූ පිරිසක් බව සෞඛ්‍ය බලධාරීන් අනාවරණය කර ගෙන තිබේ.
 
නිදහස් උලෙළට එක්වීමෙන් පසුව පහළලන්ද සිවිල් ආරක්ෂක කඳවුරට යොමු කර ඇති එම භටයින් 76 දෙනෙකුට පීසීආර් හා ක්ෂණික ප්‍රතිදේහ පරීක්ෂණ කිරීමට දමන සෞඛ්‍ය වෛද්‍ය නිලධාරී කාර්යාලය කටයුතු කර තිබිණ.
 
ඒ  අතරින් ක්ෂණික ප්‍රතිදේහ පරීක්ෂාවට යොමු කළ භටයින් 35 දෙනෙකුට ම කොවිඩ් ආසාධිතයින් බවට හඳුනාගෙන ඇති බව දමන සෞඛ්‍ය වෛද්‍ය නිලධාරී කාර්යාලය පවසයි.
 
එම භටයින් සම්බන්ධයෙන් සිදුකළ පීසීආර් පරීක්ෂණ වාර්තා ලැබීමට නියමිතව ඇති බව දමන සෞඛ්‍ය වෛද්‍ය නිලධාරී කාර්යාලය පවසයි.