තහනමින් පසු පළමුවරට පැමිණි විදේශිකයන් පිරිස මත්තලට

(ටී.කේ.ජී.කපිල)

කොරෝනා වසංගත ත්තත්වය සමග විදේශීය සංචාරකයන් සදහා වසා තිබූ මෙරට ගුවන් තොටුපළ මාස 09 කට පසුව නැවත විවෘත කරමින් පළමු සංචාරකයන් පිරිස ලෙස යූක්‍රේනයේ සංචාරකයන් 185 දෙනෙකු රැගෙන විශේෂ ගුවන් යානයක් අද(28) මත්තල ගුවන් තොටුපළ වෙත පැමිණි බව සීමාසහිත ගුවන් තොටුපළ සහ ගුවන් සේවා සමාගමේ මෙහෙයුම් අධ්‍යක්ෂ ෂෙහාන් සුමනසේකර මහතා ප්‍රකාශ කළේය .

ස්කයි අප් ගුවන් සේවයේ ( Sky Up Air Line ) පී.කිව්.555 දරන ගුවන් යානය අද පස්වරු 2.07 ට මත්තල ගුවන් තොටුපළ වෙත පැමිණ තිබේ .

එම යානය තුළ නියමුවන් දෙදෙනා ඇතුළු ගුවන් යානා කාර්යය මණ්ඩලය 11 දෙනෙකු සිටින අතර , මෙම සංචාරකයන් පිරිස ගුවන් තොටුපළ බැස්සවීමෙන් පසුව යළිත් අද සවස ආපසු පිටත්ව යාමට නියමිතය .

මෙසේ ශ්‍රී ලංකාවට සංචාරකයන් ගෙන්වා ගැනීම නියමු ව්‍යාපෘතියක් සේ ක්‍රියාත්මක කරන්නකි . මෙහි සාර්ථකභාවය මත ඉදිරියේදී සියලු ගුවන් තොටුපළ විවෘත කර , පුළුල් වශයෙන් සංචාරකයන් මෙරටට ගෙන්වා ගැනීම සිදු කිරීමට නියමිතය .

මෙම නියමු ව්‍යාපෘතිය යටතේ මේ ආකාරයට ගුවන් යානා 13 ක් මගින් මත්තල ගුවන් තොටුපළ වෙත විදේශීය සංචාරකයන් රැගෙන ඒමට නියමිත බව ද ෂෙහාන් සුමනසේකර මහතා වැඩිදුරටත් සදහන් කළේය.

අදහස් (16)

තහනමින් පසු පළමුවරට පැමිණි විදේශිකයන් පිරිස මත්තලට

menna Monday, 28 December 2020 10:25 AM

මේ සංචරක්යිනුත් දවස් 14ක් නිරෝධායනය වෙනවද? එහෙම නැතිනම් නිරෝධායන මධ්‍යස්ථාන සංචාරක ස්ථානද?

: 3 46

de silva Monday, 28 December 2020 12:25 PM

ඔවුන් අනිවාර්යෙන් දින 3-4ක් වත් හෝටල් කාමරයක වෙන්කර නිරෝධායනය කර 5වැනි දින පීසීආර් එකක් කර 7 වැනි දින නිදහස් කරන්න. උදයංගගේ මිනිස්සු මෙ විදිහට පැමිණි දින සිට සංචාරය කරවන්නත්..., අපේ විදේශ ශ්‍රමිකයෝින 14ක් හෝටල් කාමරවල හෝ හමුදා නිරෝධායන ස්ථානවල සිරකොට තැබීම අසාධාරණය...

: 5 42

Lion Monday, 28 December 2020 12:39 PM

අනේ අපේ පාලකයන්ට මොළයක් නැද්ද?

: 9 39

Achini Monday, 28 December 2020 12:54 PM

ලංකාවෙ දුප්පත් කට්ටියට විතරයි නිරෝධායන නීති, මෙ ගොල්ලන්නට නැහැ.

: 6 46

Prabha Monday, 28 December 2020 02:00 PM

කොවිඩ් අලුත් වර්ෂන් එකත් ගෙන්නලාම නැවතිලා වගේ... මෙ එන උන්දැලාගේ හිස අතගාලා බලන්න ඔනේඅං තියෙනවද කියලා... මෙ වැනි කාලෙක සංචාරයේ යන්න.

: 2 29

බද්රානි Monday, 28 December 2020 03:19 PM

අනේ විදෙශිකයිනේ, ශ්‍රී ලාංකිකයින් කියන්නේ, සල්ලි වලට තම මව පවා විකුණගෙන කන, මෝඩ, අමනොඥ, වහල් මානසිකත්වයකින් යුත් නින්දිත ජාතියක්. ඔබලා පුළුවන් තරම් මේ රටට පැමිණ විනෝද වී ආපසු යන්න.. හැකිනම්, කොරෝන රෝගයෙන් මේ අමනයින්ගේ රට සශ්‍රීක කරන්න. මේ විපරීත අමන ජාතිය මෙ රටේ වෙසෙන තාක්කල් මේ පින් බිමට සෙතක් නැහැ. මොළය කෙසේ වෙතත්, මිනිස් ඔලු ගෙඩියක් පිහිටලා තියෙන ජාතියක් මේ වගේ තමන්ගේ ජාතියව රටින් පන්නලා විදේශිකයින්ව රටට ගෙන්වා ගන්නවා ඔබ කවුරු හෝ අසා තිබෙනවාද? නොදකින් ලෝකෙටම එකයි!!

: 5 41

සිරිබිරි Monday, 28 December 2020 04:12 PM

වෙන රටවල පාලකයෝ තමන්ගෙ ජනතාවට මුල් තැන දෙනවා. ලංකාවේ ඒකෙ අනිත් පැත්ත. මොන කරුමයකට ලංකාවේ ඉපදුණද මන්දා.

: 3 39

de silva Monday, 28 December 2020 04:40 PM

ලෝකයේ දුප්පත්, පොහොසත් හැම රටක්ම සංචාරකයෝ කෙසේවෙතත් තම පුරවැසියන් රටට ගෙන්වා ගන්න කටයුතු කරනවා. අපි දුප්පත් පුරවැසියන්ට ගුවන් තොටුපළ තොටුපළ වහලානිරෝධායන හෝටල්වලට ලක්ෂ 3-4 වියදම් කරන්න පුළුවන් පොහොසත් පුරවැසියන් පමණක් රටට එන්න දෙන ගමන් සංචාරකයෝ ගෙන්වා ගන්නවා.

: 2 39

Don perera Monday, 28 December 2020 09:34 PM

යුක්රේන් යනු, නැගෙනහිර යුරෝපයේ තියෙන දුප්පත්ම රටකි..

: 0 0

kamal siriwardena Tuesday, 29 December 2020 03:33 AM

රුසියාවෙන් වෙන් වුණූ මෙ යුක්රෙනය පට්ට හිගන රටක්... හොරුන්ටයි, ජාවාරම් කාරයින්ටයි ලොකු ඇති...

: 0 9

fairoos Tuesday, 29 December 2020 07:18 AM

එකම රටක්... එකම නීතියක්...

: 0 4

shanika disanayake Tuesday, 29 December 2020 08:16 AM

උදයංගගේ සනුහරෙ වෙන්න ඔනේ.... වෙන පණ ඇති කෙනෙක් මෙ කොරෝනා කාලේ කිසිම සංචාරකයක නොයෙදෙයි...

: 0 8

de silva Tuesday, 29 December 2020 09:01 AM

කමල් සිරිවර්ධන මහත්මයාගේ අදහස මමත් අනුමත කරමි. යුක්රෙනය යනු අඩු ආදායම්ලාභී රටකි. අපිට වැඩියෙන්ම ආදායමක් ලබන්න සංචාරකයන් පැමිණෙන්නේ ජර්මනිය, ඔස්ට්‍රියාව, ස්විට්සර්ලන්තය සහ සහ ප්‍රංශයෙනි. කිසිවෙක් මෙ රටවල් වලින් සංචාරකයින් ගෙන එන්න උනන්දු නොවෙ...

: 0 9

Prabha Tuesday, 29 December 2020 10:56 AM

උනන්දු වුණත් වැඩක් නැහැ. ඒ රටවල්වල මෙ වසංගත කාලෙ සංචාරයේ යන හරක් නැහැ.

: 0 7

raheem Tuesday, 29 December 2020 02:59 PM

කොත්තමල්ලි වලට, තණකොළ එවපු රටෙ කට්ටිය...

: 0 2

Lanka Tuesday, 29 December 2020 09:51 PM

රුසියාවේ කෝවිඩ් අසාදිතයන්ගේ ගණන මිලියන 3.05ක්, සමස්ත මරණ සංඛ්‍යාව 54,559 ක්, රෝගය මේ ආකාරයට බරපතල විදිහට පැතිරිච්ච රටකින් තමන්ගේ දේශපාලන හයිය සහ මෝඩකම පෙන්වන්න සංචාරකයින් ගෙන්වා නිරෝගී ශ්‍රී ලාංකිකයින් සහ හෝටල් සහ සංචාරක සේවා සපයන පුද්ගලයින් සමග මිශ්‍ර කිරීමේ ප්‍රතිඵල තව මාස දෙක තුනකින් ලැබේවි... !!!

: 0 0

ඔබේ අදහස් එවන්න

එසැණ පුවත්

ජාතික ජන බලය ආසන 159ක් හිමි වේ

2024 නොවැම්බර් මස 15 1732 0

ජාතික ජනබලවේගය ඊයේ (14) පැවති පාර්ලිමේන්තු මැතිවරණයේදී ආසන 159 ක් දිනාගනිමින් අති විශිෂ්ට ජයග්‍රහණයක් ලැබීය.

මාතලේ බලකණු රැසක් ගෙදර

2024 නොවැම්බර් මස 15 1781 0

මෙවර පාර්ලිමෙන්තු මැතිවරණයේදි මාතලේ දිස්ත්‍රික්කයෙන් පසුගිය පාර්ලිමෙන්තුව නියෝජනය කළ මන්ත්‍රිවරුන් කිහිපදෙනකුම පරාජයට පත්විය.

කළුතර සිලින්ඩරයේ මනාප යළි ගනී

2024 නොවැම්බර් මස 15 4387 0

කළුතර මැතිවරණ ප්‍රධාන මෙහෙයුම් මැදිරියට අද (15) දහවල් විශේෂ පොලිස් ආරක්ෂාවක් යොදා ගෑස් සිලින්ඩර ලකුණෙන් තරගකල අපේක්ෂකයින් ගේ මනාප යලි ගණන් කිරීම ආරම්භ

පුනරුද යුගය අරඹන්න සහය දුන්නාට ස්තුතියි

2024 නොවැම්බර් මස 15 3022 0

පුනරුද යුගය ඇරැඹීමට සහාය දුන් සැමට ස්තුතිය පළ කරන බව ජනාධිපති අනුර දිසානායක මහතා එක්ස් පණිවිඩයක් නිකුත් කරමින් පවසයි.

මත් කරල් ගෝනි 27ක් කල්පිටියේ මුහුදු තීරයක

2024 නොවැම්බර් මස 15 400 0

ඉන්දියාවේ සිට නීති විරෝධී ලෙස මුහුදු මගින් මෙරටට ගෙන්වන ලද මත් කරල් ගෝනි 27 ක්,කල්පිටිය පොලිස් බළ ප්‍රදෙශයට අයත්,මුසල් පිටිය කළපු තීරයේ සඟවා තිබිය දී සො

මල්ලීගේ පොලු පහරින් අයියා මරුට

2024 නොවැම්බර් මස 15 960 0

ජංගම දුරකතනයක් අස්ථානගතවීමේ සිද්ධියකට ඇතිවූ බහින්බස්වීමක් දුරදිගයාමෙන් පොල්ලකින් පහරදී සිය වැඩිමල් සහෝදරයා ඝාතනය කළැයි කියන සිද්ධියක් සම්බන්ධයෙ