2024 ඔක්තෝබර් මස 07 වන සඳුදා
පාසල් හැර ගිය පසු, ක‍්‍රිකට් ක‍්‍රීඩාව හැරුණු විට වෙනත් ක‍්‍රීඩාවක දී, තරගකාරී මට්ටමට කී‍්‍රඩාව තවදුරටත් පවත්වාගෙන යාමේ අවස්ථාවක් වේ නම් එහි කොතැනක හෝ ජාතික ක‍්‍රීඩා උළෙලට සුදුසුකම් ලැබීමේ අවස්ථාවක් තිබේ.
ප‍්‍රාදේශීය ලේකම් කොට්ඨාශයේ අන්තර් ක‍්‍රීඩා සමාජ මට්ටමින් පැවැත්වෙන ක‍්‍රීඩා තරගවලින් සුදුසුකම් ලබන ක‍්‍රීඩක ක‍්‍රීඩිකාවෝ දිස්ත‍්‍රික් ක‍්‍රීඩා තරගය සඳහා ඉදිරිපත් වෙති. එම තරග ජයග‍්‍රාහකයෝ පළාත් ක‍්‍රීඩා තරග සඳහා තේරී පත්වෙති. මේ තරග සංවිධානය කෙරෙන්නේ පළාත් සභාවල ක‍්‍රීඩා අමාත්‍යාංශය මගිනි.
මෙම පළාත් තරග තුළින් සුදුසුකම් ලබන සියලූම දක්ෂයින් ඒකරාශි වන ස්ථානය වන්නේ ජාතික ක‍්‍රීඩා උළෙලයි. අප රටේ දේශීය වශයෙන් පැවැත්වෙන ඉහළම ක‍්‍රීඩා උත්සවය ද එය බව පැහැදිලිය.
මේ වසරේදීත් ජාතික ක‍්‍රීඩා උළෙල ගරු ගාම්භීරව පැවැත් වූ බව ඒ සඳහා සහභාගි වූ ක‍්‍රීඩා නිලධාරීන්ගේ සහ පුහුණුකරුවන්ගේ මතයයි. එහෙත් ඇත්ත ඇති සැටියෙන් ගෙන බැලූවහොත් වත්මන් ජාතික කී‍්‍රඩා උළෙළ ක‍්‍රමයෙන් එහි ගුණාත්මක බව පිරිහෙමින්, කරන්නන් වාලේ කරනු ලබන ක‍්‍රීඩා උළෙලක් බවට පත්ව ඇත.
2012 වසරේදී පැවැති 38 වැනි ජාතික ක‍්‍රීඩා උළෙල, අසාධ්‍ය රෝගියකුගේ තත්ත්වයට පහළ බැස තිබිණ. ක‍්‍රීඩකයන් මෙන්ම නිලධාරීන්ද මෙම කී‍්‍රඩා උළෙල පිළිබඳ අතෘප්තිකර අදහස් ප‍්‍රකාශ කිරීමත් සහ ක‍්‍රීඩා උළෙල නැරඹීමට නරඹන්නන් නොමැති වීමත් එයට නිදසුන් වෙයි. එපමණක් නොව ඇතැම් කී‍්‍රඩා නිලධාරීහුද තමන්ට සිදුවන අසාධාරණකම් වෙනුවෙන් එහිදී විරෝධය පෑහ.
පුහුණුකරුවන් මෙන්ම නිශ්චිත කාර්යක් නොමැති කී‍්‍රඩා නිලධාරීන් හැර කිහිප දෙනෙකුටත් මෙම ක‍්‍රීඩා උළෙල නැරඹීමට නොපැමිණීම මගින් ප‍්‍රකාශ වන්නේ ජාතික ක‍්‍රීඩා උළෙලේ සැබෑ ඛේදවාචකයයි.
ශී‍්‍ර ලංකාවේ ක‍්‍රීඩාව සංවර්ධනය කිරීමට දෙපාර්තමේන්තුවක් ඇත. එහෙත් එහි සැබෑ කාර්යභාරය පිළිබඳ ප‍්‍රශ්නාර්ථයක් ජාතික ක‍්‍රීඩා උළෙල තුළින් පැනනගී.
පළාත් සභා තුළ සිටින සියලූම ක‍්‍රීඩා නිලධාරීන් මධ්‍යම රජයේ සේවයේ නියුතුව සිට පළාත් රාජ්‍ය සේවයට අන්තර් ග‍්‍රහණය වූ පිරිසකි. ක‍්‍රීඩා නිලධාරීන්ගේ සේවය ලබන්නේද පළාත් සභාවලට වඩා මධ්‍යම රජයටයි. එයට හේතු වන්නේ ඔවුන්ගේ අවසාන ඉලක්කය වන ජාතික ක‍්‍රීඩා උළෙල තුළින් දක්ෂයින් බිහි කිරීමට අවශ්‍ය පසුබිම ඔවුන් විසින් සකස් කෙරෙන බැවිනි.
එහෙත් කී‍්‍රඩා නිලධාරීන්ගේ ප‍්‍රශ්න වලට විසඳුම් නැත. එබැවින් නිලධාරීන් ටයි xකෝට් පැළඳ, නිලධාරිනියන් තමන් සතු අනගිතම සාරියෙන් සැරසී එන, ජාතික කී‍්‍රඩා උළෙලේදී පවා තමන්ගේ ප‍්‍රශ්න සම්බන්ධයෙන් අරගල කිරීමට නිලධාරීහු පෙළ ගැසුණහ.
මෙය සමකළ හැක්කේ ම`ගුල් ගෙදරක කළහ කිරීමකට විනා අනෙකකට නොවේ.
නිසි වැටුපක් නොලැබීම හේතුකොටගෙන ඔවුන්ගෙන් පූර්ණ සේවය ලබා ගැනීම දුෂ්කරය. ක‍්‍රීඩකයන් පුහුණු කිරීම වෙනුවට වැඩිවන ජීවන බර හමුවේ ඔවුන් වෙනත් ආදායම් ලැබෙන ව්‍යාපාරවල නිරත වන බවත් සමහර අවස්ථාවල අසන්නට ලැබේ.
ක‍්‍රීඩක ක‍්‍රීඩිකාවන්ට ජයග‍්‍රහණය මත මුදල් පිරිනැමීම හොඳය. එහෙත් වසරක් හෝ වසර කිහිපයක් කැප කරමින් ලබන ජයග‍්‍රහණය වෙනුවෙන් මේ ලබන මුදල ප‍්‍රමාණවත් ද?
ක‍්‍රීඩාව වෙනුවෙන් මිනිසුන්ගේ බදුවලින් වෙන් කරන බිලියන ගණනින් එක් රුපියලක් ගමේ ක‍්‍රීඩකයාට ලැබෙනවා ද යන්න සොයා බැලීමට කවුරුවත් නැත. ගමට ක‍්‍රීඩාව පැමිණියේ ද යන ප‍්‍රශ්නයට දිය හැකි පිළිතුර වන්නේ ”නැත” යන්නයි.
වැඩ කළ හැකි නිරෝගී මිනිසුන් බිහි කිරීමටත් රටක් ජාත්‍යන්තරයට ඉහළින් ඔසවා තැබෙන යමක් වේ නම් එය ක‍්‍රීඩාවයි.
බොහෝ දියුණු රටවල් සංවර්ධන උපාය මාර්ගයක් ලෙස ක‍්‍රීඩාව උපයෝගී කර ගත් බව ඔවුන්ගේ ක‍්‍රීඩා අතීතයෙන් හෙළිවේ. ජාතියක් අවදි කළ හැකි, ජාතික ක‍්‍රීඩා උළෙල ශී‍්‍ර ලංකාවේ සංවර්ධනය සඳහා අපට යොදාගත හැකි කදිම වේදිකාවකි.
ක‍්‍රීඩා සංස්කෘතියක් කරා අප යන ගමන ආරම්භ කළ යුතු වන්නේ ජාතික මහා ක‍්‍රීඩා උළෙල තුළිනි. එහෙත් එය ලත් තැනම ලොප් වේ නම්.....?
කෙසේ වෙතත් වසර දෙකකට වරක් වත් ජාතික කී‍්‍රඩා උළෙල කොළඹින් බැහැරව පැවැත්වෙන්නේ නම් එය බොහෝ දෙනකුට දැනෙනු ඇත.
දූෂණ විරෝධී නව පනත් කෙටුම්පත බලාත්මක වී වසරකට වැඩි කාලයක් ගතවී ඇතත් ඒ පනතේ විධිවිධාන ප්‍රකාරව අල්ලස් හෝ දූෂණ චෝදනා විමර්ශන කොමිෂන් සභාව ස්වාධීන ආයත
පොලිස් ස්ථානවල ගොඩ ගැසී ඇති විවිධ පැමිණිලි ඉදිරි සති දෙක තුළ අවසන් කළ යුතු බවට වැඩ බලන පොලිස්පති ප්‍රියන්ත වීරසූරිය මහතා නියෝග කර ඇති බව පොලිස් මාධ්‍ය
ඉලංගෙයි තමිල් අරුසු කච්චි පක්ෂය එම පක්ෂයේ ලකුණ යටතේ ඉදිරි මහ මැතිවරණයට තරග වදින බව හිටපු පාර්ලිමේන්තු මන්ත්‍රී එම්. ඒ සුමන්තිරන් මහතා පැවසීය.
ගම්පොළ බෝවල ප්‍රදේශයේ පිහිටි ගම්මාන පහක් තුල පරම්පරා කිහිපයක් පුරා ජල අවශ්‍යතා සපුරා ගැනීමට නොහැකි වීමෙන් දරුවන් හදා වඩා ගැනීම සීමා කිරීම හා ගම්මාන හ
නියෝජ්‍ය පොලිස්පති ධම්මික ප්‍රියන්ත මහතා රාජ්‍ය බුද්ධි සේවයේ අධ්‍යක්ෂ ලෙස පත් කරනු ලැබ සිටින අතර ඔහු හෙට (07) වැනි දා එම තනතුරේ වැඩ භාර ගැනීමට නියමිතය.
අරගලයෙන් පසු ජීවිත ආරක්ෂාව සඳහා රිපීටර් වර්ගයේ ෂොට් ගන් තුවක්කු මිලදී ගත් හිටපු පාර්ලිමේන්තු මන්ත්‍රීවරුන්ටද එම අවි නැවත භාරදෙන ලෙස ආරක්ෂක අමාත්‍යා
2024 සැප්තැම්බර් මස 21
328
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
1093
4
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
382
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
දිනෙන් දින පල්ලම් බහින ජාතික ක‍්‍රීඩා උළෙලේ යථාව