සිය හොඳම ටෙස්ට් පන්දු යැවීම වාර්තා කරමින් ලකුණු 63 කට කඩුලූ 4 ක් දවාගත් තිසර පෙරේරාගේ පන්දු යැවීම නිසා මහනුවර පල්ලෙකැළේ කී්රඩාංගණයේදී ඊයේ (8 වැනිදා) ආරම්භ වූ තුන්වැනි සහ අවසාන ටෙස්ට් කි්රකට් තරගයේදී පාකිස්තානු පිල ලකුණු 226 කට දවාගැනීමට ශී්ර ලංකා කණ්ඩායම සමත් විය. එහෙත් සිවුවැනි ඕවරයේදී දිනේෂ් චන්දිමාල් සහ කුමාර් සංගක්කාර දෙදෙනාම පිටියෙන් ඉවත් කළ ජුනයිඞ් ඛාන් පාකිස්තානු පිල නැවතත් තරගයට කැඳවාගෙන ආවේය. ඊයේ සවස තරගය නතර කරන විට ශී්ර ලංකා පිල කඩුලූ 3 ක් දැවී ලකුණු 44 ක් ලබා තරමක අසීරු තත්ත්වයකට මුහුණ දී සිටියේය. තරගයෙන් පසුව කී්රඩකයන් කළ අදහස් දැක්වීම් අනුව අද දිනයේ පළමු හෝරාව දෙපිලටම ඉතාමත් තීරණාත්මකය. තිසර පෙරේරා පැවසුවේ තරගයේ වාසිය ශී්ර ලංකා පිල වෙත හරවා ගැනීමට නම හොඳ කඩුලූ අතර සම්බන්ධතාවක් හෝ දෙකක් සමගින් කෙසේ හෝ පාකිස්තානු පිලේ ලකුණු 226 ඉක්මවා යා යුතු බවයි. ”මේ තරගයේදී වේග පන්දු යවන්නන්ට ඉතාමත් වාසිදායක තත්ත්වයක් තිබෙනවා. අප ඒ ගැන අවධානය යොමු කළ යුතුයි” යයිද තිසර පැවසීය. මීට පෙර ටෙස්ට් තරග 5 කට කී්රඩා කර ඇතත් මවුබිමේදී පළමු වැනි ටෙස්ට් තරගයට සහභාගි වන තිසර පෙරේරා සිය පළමු ඕවරයේදී ලකුණු 10 ක් තිළිණ කළේය. එහෙත් දෙවැනි ඕවරයේ සිට පන්දුව හොඳින් පාලනය කළ පෙරේරා, එතැන් සිට ඕවර 8 කදී ලකුණු 21 ක් පමණක් දෙමින් කඩුලූ 3 ක් දවාගත්තේය. දිවා ආහාරයෙන් පසුව නැවත වතාවක් හොඳ පන්දු යැවීමක නිරත වූ 22 හැවිරිදි මඳ වේග පන්දු යවන්නා විසින් මිස්බා උල් හක් ලකුණු 40 කට දවාගනු ලැබුවේ පාකිස්තානු නායකයා දිගු ඉනිමක් සඳහා සූදානම් වන අවස්ථාවකදීය. මිස්බා සහ අසාඞ් ෂෆීක් ඒ වන විටත් 5 වැනි කඩුල්ල වෙනුවන් ලකුණු 85 ක සම්බන්ධතාවක් ගොඩනංවා තිබිණ. කෙසේ වෙතත් සෙසු පන්දු යවන්නන්ගේ දක්ෂතා නිසා කඩුලූ 5 ක් දවාගැනීමේ මාහැගි අවස්ථාවක් තිසර පෙරේරා වෙතින් මග හැරී ගියේය. ටෙස්ට් තරගාවලියේදී පිට පිටම තුන්වැනි වරටත් කාසියේ වාසිය දිනාගත් ශී්ර ලංකා නායකයා පළමුවෙන් පන්දුවට පහර දීමේ අවස්ථාව පාකිස්තානු පිලට පැවරීමෙන් වේලාසනින්ම පාකිස්තානු ඉනිමේ කොඳු නාරටිය බිඳ දැමීය. ඒ සඳහා නුවන් කුලසේකර සහ තිසර පෙරේරා දෙදෙනා කඩුල්ලේ දෙපසින් එක දිගට ඕවර 20 ක් යවමින් ශී්ර ලංකා නායකයාට විශාල සහයෝගයක් දුන්හ. පෙරේරා දවාගත් පිතිකරුවන් තිදෙනා අතර එස්. එස්. සී. ටෙස්ට් තරගයේදී ශතක ලබාගත් මොහොමඞ් හෆීස් සහ අසාර් අලි දෙදෙනාද මෙන්ම පාකිස්තානු නායකයාද වූහ. කෙසේ වෙතත් ශී්ර ලංකා පිලේ වඩාත්ම පළපුරුදු පන්දු යවන්නා වන දිල්හාර ප්රනාන්දු ඊයේ ඕවර 12 ක් යවමින් ලකුණු 48 ක් තිළිණ කළ නමුත් එකම කඩුල්ලක් වත් දවාගැනීමට අපොහොසත් විය. මෙය දිල්හාර ප්රනාන්දුගේ 17 වැනි පුනරාගමනය වන අතර මේ වන විට ටෙස්ට් තරග 39 කට සහභාගි වී සිටින වේග පන්දු යවන්නා මෙතෙක් දවාගෙන ඇත්තේ කඩුලූ 97 ක් පමණි. වේග පන්දු යවන්නන්ට ඉතාමත් හිතකර තත්ත්වයන් යටතේ වුවද දිල්හාර ඊයේ පන්දු යැවීමට පැමිණියේ රංගන හේරත්ටත් පසුවය. පළමු ටෙස්ට් තරග දෙකේදීම ශතක ලබාගත් ශී්ර ලංකා ආරම්භක පිතිකරු තිලකරත්න ඩිල්ෂාන් සිය දියණියන් දෙදෙනාම රෝගාතුරව රෝහල් ගත කර සිටීම නිසා මෙම තරගයට කී්රඩා කිරීමෙන් ඉවත් වී තිබේ. ඒ වෙනුවට ආරම්භක පිතිකරු භූමිකාව බාරගත් දිනේෂ් චන්දිමාල්ට ලබාගත හැකිවූයේ ලකුණු 8 ක් පමණි. සුරාජ් රන්දිව් සහ නුවන් ප්රදීප් වෙනුවට තිසර පෙරේරා සහ දිල්හාර ප්රනාන්දු මෙම තරගයට කැඳවා තිබේ. තරගය අද (9 වැනිදා) පෙරවරු 10.00 ට ආරම්භ වීමට නියමිතය.
බස්නාහිර පළාත් දකුණු භාර නියෝජ්ය පොලිස්පතිවරයාගේ නිල මුද්රා සලකුණ ව්යාජ ලෙස යොදා වංචනික ලෙස මුදලට ව්යාජ ලිපි ලේඛන සකස් කර වංචනික ලෙස මුදලට අලෙවි
පවුල් ආරවුලක් දුරදග යාමෙන් සිය සැමියාගේ උදරයට බෝතල් කට්ටකින් පහරදී තුවාල සිදුකර ඝාතනය කිරීම සම්බන්ධයෙන් ඔහුගේ බිරිඳ අත්අඩංගුවට ගත් බව උප්පුවෙලී පොල
ස්කොට්ලන්තයේ හිටප්ර ප්රධාන අමාත්ය ඇලෙක්ස් සැල්මොන්ඩ් දේශනයක් පවත්වා මිනිත්තු කීපයකින් රෝගී වී දිවියෙන් සමුගත්තේය.
ටික කලකට දේශපානයෙන් ඈත් වී සිටින බව හිටපු සෞඛ්ය අමාත්ය කෙහෙළිය රඹුක්වැල්ල මහතා මහනුවරදී අද ප්රකාශ කළේය.
කටුගස්තොට දේවාලයක පවත්වාගෙන යන නිවසකට කඩා වැදුණු පුද්ගලයන් දෙදෙනකු දේව බලයෙන් ශාන්ති කර්ම සිදු කරන්නේ යැයි කියන කාන්තාවක ගේ කට සහ ගෙල ප්රදේශය පිහිය
ඊශ්රායල හමුදා මධ්යම සහ උතුරු ගාසා තීරයේ ප්රදේශ ඉලක්ක කර ගනිමින් එල්ල කළ ප්රහාරවලින් ගාසා වැසියෝ 29 දෙනෙක් ජීවිතක්ෂයට පත් වූහ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
දෙපිලේම වේග පන්දු යවන්නෝ තරගය පාලනය කිරීමට සැරසෙති
වාසල Monday, 09 July 2012 12:42 PM
සංගට පන්දු යැවුවේ සංගමද?
ෆාරු Monday, 09 July 2012 12:00 PM
කෝ අර දිල්හාර ???....