දරුවන් තිදෙනා මුදල් හා රන් භාණ්ඩ අහුලා හිමිකාරියට දීලා

(ජේ ඒ එල් ජයසිංහ සහ චන්දන උඩුවාවල)

මහ මඟ වැටී තිබූ මුදල් පසුම්බියක සහිත රන් භාණ්ඩ කීපයක් අහුලා හිමිකාරියට ලබාදීමට මහනුවර මැණික්හින්න මහා විද්‍යාලයේ දරුවන් දෙදෙනකු කටයුතු කර ඇත.

රුපියල් 90000/= ක් වටිනා රන් භාණ්ඩ සහ මුදල් සහිත පසුම්බිය අහුලා තමන් ඉගෙනුම ලබන විදුහලේ ගුරුතුමිය වෙත බාරදී ,විදුහලේ විදුහල්පති මගින් එම මුදල් පසුම්බිය සහ රන් භාණ්ඩ ඒවා අයිතිකාර කාන්තාවට බාරදීමට කටයුතු කළේය.

මෙම දරුවන් තිදෙනා මහනුවර මැණික්හින්න මහාවිද්‍යාලයේ 9 වසරේ ඉගෙනුම ලබයි.

මධුසංඛ රුක්ෂාන් (13), යසිත් චමල් රත්නායක(13), සහ ඉසුරු චමත්සේනාධීර (13) යන මෙම සිසුන් තිදෙනා පෝය දින විදුහලේ නර්ථන පංතියට පැමිණෙමින් සිටියදී පාරේ බිම වැටී තිබූ පසුම්බිය දැක එය අහුලා එය විදුහලේ නර්ථන ආචාරීණී ඉන්දිකා ඉඹුලාවල මහත්මියට බාරදීමට කටයුතු යොදා ඇත.

පසුව විදුහල්පති සේනක ඉන්ද්‍රජිත් මහතා මාර්ගයෙන් මෙම මුදල් සහ රන් භාණ්ඩ හිමි කාන්තාව පිළිබඳ විස්තර තහවුරු කරගෙන ඇය විදුහලට ගෙන්වා, මුදල් හා රන් භාණ්ඩ සහිත පසුම්බිය ඇයට බාර දීමට පියවර ගනු ලැබීය.

තමන්ගේ නැතිවූ මුදල් සහ රන් මුදුව ආපසු තමන්ට ලබාදීමට පියවර ගත් මැණික්හින්න මහා විද්‍යාලයේ දරුවන් තිදෙනාටත් විදුහල්පති තුමා සහ නර්ථන ආචාරීණියටත් ඇය ප්‍රසංසා කළාය.

අදහස් (7)

දරුවන් තිදෙනා මුදල් හා රන් භාණ්ඩ අහුලා හිමිකාරියට දීලා

Thilak Wednesday, 24 July 2024 05:10 AM

ආචාර්ය මණ්ඩලයටත්, එම දරුවන්ගේ දෙමව්පියන්ටත් ඉතාම ආඩම්බර වියහැකි කාරණයක් මේක... මෙවැනි දරුවන් අද අපේ රටට වැඩි වැඩියෙන් වුවමනා කාලයක් මේ... පුතාල තුන්දෙනාට මගෙන් මල්මිටක්...!

: 2 10

Lankabarana Wednesday, 24 July 2024 06:32 AM

අන්න නියම විදුහල්පති කෙනෙක් ගුරුතුමියක් හා දරුවො තිදෙනෙක් .ඔවුන්ට ජයවේවා තෙරුවන් සරණයි හයපතක්ම වේවා

: 0 22

මහසෙන් Wednesday, 24 July 2024 07:11 AM

යුගය අනුව බලන කල ඉතාම උතුම් ආදර්ශමත් ක්‍රියාවක් කල මේ දරුවන් ඇගයීමට අවැසිය . මක් නිසාද සියලු දරු පරපුරට ආදර්ශයක් ලෙස.

: 0 21

ගුරු දෙගුරු Wednesday, 24 July 2024 07:44 AM

"ගුණ, නැණ බෙලෙන් යුතු පුතුමය ඉතා ගරු " ..... විභාග සීයක්‌ පාස් කෙරුවත් ගුණයක් , හැදියාවක් නැති දරුවෙකුගෙන් තමන්ටත්, සමාජයටත් වෙන්නේ අයහපතක්.... ඔබ සැමට අපගේ ගෞරව ප්‍රණාමය.

: 0 17

Pradeep Kumara Wednesday, 24 July 2024 08:00 AM

අනාගතය භාර ගැනීමට සිටින ශ්‍රේෂ්ඨ දරුවන් තිදෙනෙක්. ආඩම්බරයි පුතේ. ඔවැනි දරුවන් සමාජයට බිහිකල දෙමාපියන්ටත් මාගේ ප්‍රණාමය.

: 0 19

priyantha Wednesday, 24 July 2024 09:59 AM

නියමයි

: 0 28

SUNIL MILANO Wednesday, 24 July 2024 10:21 AM

ජාතියේ පිනට උපන් දරුවන්ට උපහාර කල යුතුමයි. පුතාලටත් දෙමාපියන්ටත් ගුරුභවතුන්ටත් බුදු සරණයි

: 0 28

ඔබේ අදහස් එවන්න

එසැණ පුවත්

කුඩා දැරියක පැහැර ගත් 17 හැවිරිදි අයෙක් සැකපිට

2024 සැප්තැම්බර් මස 24 287 0

පියාගේ තුරුලේ නිදාගෙන සිටි 5 හැවිරිදි දැරියක් පැහැරගෙන ගොස් අපයෝජනය කිරීමට සූදානම් වෙද්දී මවගේ විමසිලිමත්භාවයත් සමග දැරිය අත්හැර දමා පලා ගොස් සිටියද

නීතිඥ සංගමයෙන් ජනපතිට ලිපියක්

2024 සැප්තැම්බර් මස 24 1351 0

මාතෘ භූමිය පුරා දේශපාලනමය, සමාජීය සහ ආර්ථිකමය ලෙස පැතිර තිබු දුෂිත සංස්කෘතිය මෙන්ම අකාර්යක්‍ෂම රාජ්‍ය පරිපාලනය තුරන් වනු ඇතැයි අපේක්‍ෂා කරන බව 09 වන වි

සියලු දේශපාලන පක්ෂ අනුරට සහය දිය යුතුයි

2024 සැප්තැම්බර් මස 24 1616 0

ජන වරම ක්‍රියාත්මක කිරීම සඳහා සියලු දේශපාලන පක්ෂ අනුර දිසානායක මහතාට සහයෝගය ලබා දිය යුතු බව එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේව

උඩරට මාර්ගයේ දුම්රිය ධාවනය යථා තත්ත්වයට

2024 සැප්තැම්බර් මස 24 58 0

උඩරට දුම්රිය මාර්ගයේ දෙමෝදර දුම්රිය ස්ථානය ආසන්නයේ දී බදුල්ල සිට මහනුවර බලා ධාවනය වෙමින් තිබූ අංක 1596 දරන භාණ්ඩ ප්‍රවාහන මිශ්‍ර දුම්රිය පිලිපැනීමට ලක

ජනාධිපති මාධ්‍ය අධ්‍යක්ෂ ජනරාල් වෛද්‍ය නජිත් ඉන්දික

2024 සැප්තැම්බර් මස 24 2310 0

ජනාධිපති මාධ්‍ය අධ්‍යක්ෂ ජනරාල් ලෙස ජනාධිපති අනුර කුමාර දිසානායක මහතා විසින් වෛද්‍ය නජිත් ඉන්දික මහතා පත් කර තිබේ.

නව ඇමැති මණ්ඩලය

2024 සැප්තැම්බර් මස 24 2953 0

නව රජයේ කැබිනට් අමාත්‍ය මණ්ඩලය අද(24) පස්වරුවේ දිවුරුම් දුන්නේය.