(මනෝප්‍රිය ගුණසේකරු)

ආගමික දේශණා පවත්මින් වෙනත් ආගම් වලට අපහාස කරන ලදැයි කියන සිද්ධියක් සම්බන්ධයෙන් සැකපිට අත්අඩංගුවට ගෙන අධිකරණයට ඉදිරිපත් කළ දේවගැති ජෙරොම් ප්‍රනාන්දු නමැත්තා ලබන 13 වැනිදා තෙක් රිමාන්ඩ් බාරයේ රඳවා තැබීමට කොටුව මහෙස්ත්‍රාත් තිළිණ ගමගේ මහතා අද (01) නියම කළේය.

නීතීයට ඉහළින් කිසිවෙකුත් නොමැති බවත් සැකකරු කර ඇත්තේ සිවිල් හා ජාතීන් අතර සම්මුති පනත යටතේ වරදක් බවත් තීරණය කළ මහෙස්ත්‍රාත්වරයා මේ අවස්ථාවේදී සැකකරුට ඇප නියම කරනු ලැබුවහොත් ඉන් නීතීයෙු ඇති සංකල්පයන්ට පහරක් විය හැකි බව පෙන්වා දෙමින් සැකකරුගේ ඇප ඉල්ලීම ප්‍රතික්‍ෂෙප කරමින් ඔහු රිමාන්ඩ් බාරයේ රඳවා තැබීමට මහෙස්ත්‍රාත්වරයා නියම කළේය.

බෞද්ධ තොරතුරු කෙන්ද්‍රයේ විධායක අධ්‍යක්‍ෂ අඟුලුවැල්ලේ සිරි ජිනානන්ද හිමියන් 2023 මැයි 15 වැනිදා රහස් පොලිසියට කළ පැමිණීල්ලකට අනුව කළ විමර්ශන වලින් අනතුරුව දේවගැති ජෙරොම් ප්‍රනාන්දු නමැත්තා සැකපිට අත්අඩංගුවට ගෙන අධිකරණයට ඉදිරිපත් කරන ලදී.

අපරාධ පරීක්‍ෂණ දෙපාර්තමෙන්තුවේ අධ්‍යක්‍ෂ ජේ්‍යෂ්ඨ පොලිස් අධිකාරී කාවින්ද ප්‍රියසේකර සහ සහකාර පොලිස් අධිකාරී දන්තනාරායන මහත්වරුන් සමඟ පෙනී සිටි රහස් පොලිසියේ නීතී අංශයේ ස්ථානාධීපති පොලිස් පරීක්‍ෂක එස්” විජේසුරිය මහතා විසින් සිද්ධියට අදාළව කළ විමර්ශන වල ප්‍රගතිය දැක්වෙන වාර්තාවක් අධකරණයට ඉදිරිපත් කරන ලදී.

පැමිණීල්ල වෙනුවෙන් රහස් පොලිසියේ නීතී අංශයේ ස්ථානාධීපති පොලිස් පරීක්‍ෂක එස්” විජේසුරිය මහතා කරුණු දක්වමින් දේවගැතිවරයකු ලෙස කටයුතු කළ සැකකරු 2023 අප්‍රේල් 30 වැනිදා කළ දේශණයකින් අනතුරුව දිවයිනේ ගැට`ථකාරී තත්වයක් උද්ගත වු බවත් කියමින් සැකකරු කළ දේශණය අඩංගු සී”ඩී” තැටියක් අධිකරණයට ඉදිරිපත් කළේය.

ප්‍රකාශය සම්බන්ධයෙන් සැකකරු අත්අඩංගුවට ගැනීමට සුදානම් වෙද්දී ඔහු විදේශගත වීම හේතූවෙන් ඒ අවස්ථාවේ ඔහු අත්අඩංගුවට ගැනීමට නොහැකි වු බවත් විදේශ ගත වී සිටි ඔහු යළි ලංකාවට පැමිණී පසු සිද්ධියට අදාළව ප්‍රකාශ සටහන් කරගෙන අත්අඩංගුවට ගත් බවත් කී පොලිස් පරීක්‍ෂක එස්.විජේසුරිය මහතා සැකකරු කළ ප්‍රකාශය සම්බන්ධයෙන් බෞද්ධ, හින්දු, කතෝලික සහ මුස්ලිම් භක්තිකයින් පිරිසකගෙන් සටහන් කර ගත් ප්‍රකාශ වලදී සැකකරුගේ දේශණයේ අඩංගු කරුණු හේතූවෙන් තමන් තුළ දැඩි වෛයීරී හැඟීම් ඇති බව සඳහන් කළේ යැයි දැනුම් දුන්නේය.

සැකකරු දේශණා කළ ‘බොර්න් එගේන්’ ආගමික නිකායේ දේශණා හේතූවෙන් සිය`ථ ආගම් අතර ඇති සංහිදියාවට ගැට`ථකාරී තත්වයක් උද්ගත වී ඇතැයිද සැකකරු උපයා ගෙන ඇති විශාල මුදලින් ඔහු අයුතු ලාභ උපයා ඇද්ද? පිළිබඳව සහ මුදල් විශූද්ධීකරණය වී ඇද්ද? යන්න පිළිබඳව විමර්ශණය කරන බව කී පොලිස් පරීක්‍ෂක එස්.විජේසුරිය මහතා සැකකරු කළ වරද සම්බන්ධයෙන් තවදුරටත් විමර්ශනය කරන හෙයින් ඔහු කර ඇත්තේ සිවිල් හා ජාතීන් අතර සම්මුති පනත යටතේ වරදක් බව තීරණය කර ඔහු රිමාන්ඩ් බාරයට පත් කරන්නැයි ඉල්ලා සිටියේය.

සැකකරු වෙනුවෙන් පෙනී සිට ජනාධිපති නීතීඥ අනුර මැද්දේගොඩ මහතා කරුණු දක්වමින් තම සේවාදාකයා කළැයි කියමින් ඉදිරිපත් කළ සංයුක්ත තැටියේ අඩංගු කරුණු තම සේවාදායකයා පිළිගන්නේ යැයිද ඔහු නිතිපතා කරණ දේශණ අතරතුර මෙම දේශණය කළේ යැයිද කීය.

එම දේශණයේදී තම සේවාදාකයා සිවිල් හා ජාතීන් අතර සම්මුති පනත යටතට වැටෙන කිසිඳු සඳහනක් කර නැතැයිද තම සේවාදාකයා කර ඇත්තේ ‘ආදරය’ පදනම් කරගත් දේශණයක් යැයිද කී ජනාධිපති නීතීඥ අනුර මැද්දේගොඩ මහතා ආණ්ඩු ක්‍රම ව්‍යවස්ථාවට අනුව සීමාවන්ට යටත්ව අදහස් ප්‍රකාශ කිරීටත් සමානව සැළකුම් ලැබීමටත් සිය`ථ පුරවැසියන්ට අයිතිය ඇති බවත් පෙන්වා දුන්නේය.

තම සේවාදායකයා කළ දේශණාවෙන් කිසිවකුගේ හෝ සිත් රිදවීමක් වුවා නම් කලින් කළා මෙන්ම අද දිනයේදීත් ඔවුන්ගෙන් සමාව අයදින්නේ යැයිද සෑම පුද්ගලයකුම ‘නිර්දෝෂි’ බවට වු පුර්ව නිගමනයේ සිට අධිකරණයට ඇති අභිමතානුසාරී බලය මත තම සේවාදායකයාට ඇප නියම කරන්නැයි ජනාධිපති නීතීඥ අනුර මැද්දේගොඩ මහතා ඉල්ලා සිටියේය‍.

ඉදිරිපත් වු සිය`ථ කරුණු සළකා බැලු මහෙස්ත්‍රාත්වරයා සැකකරු කළ දේශණය සම්බන්ධයෙන් සමාජ මාධ්‍ය වල පු`ථල් වශයෙන් ප්‍රචාරය වු බවත් ඉන් පසු ආගම් අතර නොසන්සුනන්තාවයක් ඇති වු බවත් සැකකරු විදේශගත වුයේ ඒ මත තමා අත්අඩංගුවට ගනීවීදැයි කියන සැකය මතදැයි අධිකරණයට සැකයක් මතුවන්නේ යැයි  සඳහන් කළේය.

නීතීයට ඉහළින් කිසිවෙකුත් නොමැති බවත් සැකකරු කර ඇත්තේ සිවිල් හා ජාතීන් අතර සම්මුති පනත යටතේ වරදක් බවත් තීරණය කළ අතර මේ අවස්ථාවේදී සැකකරුට ඇප නියම කරනු ලැබුවහොත් ඉන් නීතීයේ ඇති සංකල්පයන්ට පහරක් විය හැකි බව පෙන්වා දුන් මහෙස්ත්‍රාත්වරයා සැකකරුගේ ඇප ඉල්ලීම ප්‍රතික්‍ෂෙප කරමින් ඔහු රිමාන්ඩ් බාරයට පත් කළේය.

සිද්ධියට අදාළ කරන විමර්ශන වල ප්‍රගතිය මෙම පැමිණීල්ල යළි කැඳවන ලබන 13 වැනිදා අධිකරනයට වාර්තා කිරීමටද මහෙස්ත්‍රාත්වරයා වැඩිදුරටත් නියම කළේය.

පැමිණීල්ල වෙනුවෙන් අපරාධ පරීක්‍ෂණ දෙපාර්තමෙන්තුවේ අධ්‍යක්‍ෂ ජ්‍යෙෂ්ඨ පොලිස් අධිකාරී කාවින්ද ප්‍රියසේකර සහ සහකාර පොලිස් අධිකාරී දන්තනාරායන උප පොලිස් පරීක්‍ෂකවරුන් වන අයගම සහ දයාන්නද යන මහත්වරුන් සමඟ රහස් පොලිසියේ නීතී අංශයේ ස්ථානාධීපති පොලිස් පරීක්‍ෂක එස්. විජේසුරිය මහතා පෙනී සිටියේය.

සැකකරු වෙනුවෙන් නීතීඥවරුන් වන ඉසුරු දේවප්‍රිය, නදීශා කන්නන්ගර සහ නිරෝෂණ සිරිවර්ධන සමඟ ජනාධිපති නීතීඥ අනුර මැද්දේගොඩ මහතා පෙනී සිටියේය.

(ඡායාරූප: ගයාන් අමරසේකර)