2024 ඔක්තෝබර් මස 12 වන සෙනසුරාදා
2024 ඔක්තෝබර් මස 12 වන සෙනසුරාදා
(විමුක්ති එස් රුද්‍රිගු)
ජාත්‍යන්තර මූල්‍ය අරමුදල ශ්‍රී ලංකාවට ලබා දුන් ණය මුදලේ දෙවැනි වාරිකය ශ්‍රී ලංකාවට ලබා දෙන නිශ්චිත කාලයක් නොමැති බවත් ඒ සඳහා ශ්‍රී ලංකාව පියවර දෙකක් සම්පූර්ණ කළ යුතු බවත් ජාත්‍යන්තර මූල්‍ය අරමුදලේ ශ්‍රී ලංකාවේ ජ්‍යෙෂ්ඨ මෙහෙයුම් ප්‍රධානී පීටර් බෲවර් මහතා අද පැවති මාධ්‍ය හමුවේදී ප්‍රකාශ කළේය.
පළමු පියවර නම් ජාත්‍යන්තර මූල්‍ය අරමුදලේ වැඩසටහනේ ඉලක්ක සපුරාගත හැකි ප්‍රතිපත්ති සහ ප්‍රතිසංස්කරණ සමූහයකට ශ්‍රී ලංකාව සහ ජාත්‍යන්තර මූල්‍ය අරමුදල අතර එකඟතාවයක් ඇති විය යුතු බවත් දෙවැනි පියවර නම් මෙරට ණය තිරසරභාවය නැවත ඇතිකර ගත හැකි බව පෙන්වා දෙන පැහැදිලි මාවතකට ශ්‍රී ලංකාව අවතීරණ වීම බවත් පීටර් බෲවර් මහතා පෙන්වා දුන්නේය.
මෙම පියවර දෙක සම්පූර්ණ වූ පසු ඉදිරියට යා හැකි බවත් ඉන් අනතුරුව සමාලෝචන වාර්තාව සකස් කිරීමට යම් කාලයක් ගතවන බවත් එය විධායක කමිටුවට ඉදිරිපත් කිරීමටද තවත් යම් කාලයක් ගතවන බවත් පීටර් බෲවර් මහතා ප්‍රකාශ කළේය.කෙසේ නමුත් මේ දක්වා ශ්‍රී ලංකාව ක්‍රියාත්මක කර ඇති ප්‍රතිසංස්කරණ පිළිබඳව සෑහීමකට පත්වන බවද පීටර් බෲවර් මහතා පෙන්වා දුන්නේය.
ශ්‍රී ලංකා රජය ලබන බදු ආදායම පිළිබඳ සෑහීමකට පත් නොවන බවත් ලෝකයේ අඩුම බදු ආදායමක් ලබන රටවලට ශ්‍රී ලංකාවද අයත් වන බවත් ප්‍රකාශ කළේය.ශ්‍රී ලංකා රජයේ වියදම දළ දේශීය නිෂ්පාදිතයෙන් සියයට 19 ක් පමණ වන බවත් ආදායම දළ දේශීය නිෂ්පාදිතයෙන් සියයට 9 ක් පමණ වන බවත් පීටර් බෲවර් පැවසුවේය.
එම හිඩැස පිරවීම සඳහා ප්‍රමාණවත් බදු ප්‍රතිපත්තියක් ක්‍රියාත්මක විය යුතු බවත් බදු පාලනය කිරීම සඳහා යාන්ත්‍රණයක් තිබිය යුතු බවත් පීටර් බෲවර් මහතා පෙන්වා දුන්නේය.2024 අවසාන වන විට රජයේ අදායම දළ දේශීය නිෂ්පාදිතයෙන් සියයට 12 ක ප්‍රමාණයක් දක්වා වැඩිකර ගැනීම ඉලක්කය බවද පීටර් බෲවර් මහතා ප්‍රකාශ කළේය.
අනුරාධපුර නගරයේ පිහිටි වීශේෂ පාසලේ නේවාසිකාගාරයේ,නේවාසිකව සිටින ශ්‍රව්‍යාබාධිත දරැ දැරියන් පිරිසකට වධ හිංසා කළ බව කියන එම නේවාසිකාගාර පාලිකාව අද(12)ද
හුංගම කහඳමෝදර සංචාරක හෝටල් වැඩ බිමක බහලුම් ප්‍රවාහනය කරන රථයකින් වීදුරු බෑමේ නිරතව සිටි කම්කරුවෙක් වීදුරු ගොඩට යටවී අද(12)වැනි දා මියගොස් ඇති බව හුංගම
පවතින අයහපත් කාලගුණය හේතුවෙන් කැළණි ගඟේ ජල මට්ටම ඉහළ යාමත් සමඟ කඩුවෙල ප්‍රදේශයෙන් පිටාර ගැලීමේ අවදානමට ලක්වූ බෝමිරිය ඇළ බැම්මට වැලි කොට්ට අතුරා ගංවත
මාතර බන්ධනාගාර පිටත මාර්ගයේ සිට බන්ධනාගාර අධිකාරී කාර්යාල ඉදිරිපිටට විසි කළ පාර්සලයක තිබී දුම් කොළ 15ක්, ජංගම දුරකථන 2 ක් සහ ජංගම දුරකථන ආරෝපණ 2ක් භාරයට
සරස්වති පුජාවට සහභාගි වෙමින් සිටි ගුරුවරයකු පාසලේ පන්ති කාමරය තුළදිම ජිවිතක්ෂයට පත් වි ඇති බව නෝටන්බ්‍රිජ් පොලිසිය පැවසිය.
අධික වර්ෂාව හේතුවෙන් කොළඹ පුත්තලම දුම්රිය මාර්ගයේ ලුණුවිල හා නාත්තන්ඩිය අතර මාර්ගය ජලයෙන් යටවීම නිසා දුම්රිය ධාවනය අද (12) දහවල සිට ලුණුවිල දක්වා සීමා ක
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
2024 සැප්තැම්බර් මස 21
412
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
1336
4
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
දෙවන ණය වාරිකය ගැන අයි.එම්.එෆ් මතය කියයි
Rata Perata Wednesday, 27 September 2023 08:01 PM
මේ මිනිස්සුත් බදු ආදායම ගැන විතරක් කතා කරන්නේ නැතුව රාජ්‍ය පරිපාලන වියදම් අඩු කිරීම ගැනත් බලන්න ඕන .දේශපාලුවෝ නඩත්තු කරන්නම කෝටි කීයක් යනවද
සිල්වා Wednesday, 27 September 2023 08:31 PM
ජාත්‍යන්තර මූල්‍ය අරමුදල සෑහීමට පත්කිරීම ඉතා අසීරු බවයි පෙනෙන්නේ. එය සාර්ථක කර ගැනීමට නම් මහජන සහාය අත්‍යාවශ්‍යය. මහජන සහාය සාර්ථක කරගැනීමට නම් හැංගි හෝරා සෙල්ලම් නැතිව සියළු කොන්දේසි එලිදරව් කොට ජනතාව දැනුවත් කරමින් සහයෝගය ලබා ගත යුතුවෙ.
Perera Wednesday, 27 September 2023 11:16 PM
ණය අරගෙන පිනාධිපතියා ගෝල බාලයොත් එක්ක සුමාන දෙකෙන් දෙකට රට සවාරි යන එකනේ කරන්නේ
ගලපර Thursday, 28 September 2023 07:24 AM
එය ඉතා සරලයි. අත්‍යවශ්‍ය නොවන දේවලට වැඩිපුර වියදම් කර අඩුවෙන් උපයන විට සහ පරතරය පියවා ගැනීමට අපි ණය ගන්නවා. ණය ප්‍රමාද වී හෝ නොගෙවයි. අපට සම්පූර්ණ ආර්ථික ප්‍රකෘතියක් ඇතිවන්නේ කෙසේද? අපි උපයන සොච්චම් මුදල දේශපාලකයන්ගේ සැප පහසුවටත් අනවශ්‍ය විදේශ ප්‍රීති සංචාරවලටත් වියදම් කරල බාල් නටනව.
චන්දන Thursday, 28 September 2023 08:24 AM
IMF එක්ක ගනුදෙනු කිරීමේ වාසිය පේනව නේද? ලාංකිකයන් රට හැර යාම ඉදිරියෙදි තවත් වැඩිවේවි. පැහැදිලි අය-වැය ප්‍රතිපත්තියක් නැති මේ දේශපාලකයන්ට රට පාලනය කරන්න බැහැ. වෙනත් දියුණු රටවල බදු වැඩි නමුත් ජීවත් වීමට ප්‍රමානවත් ආදායමක් ඔවුන්ට තියනව. අනෙක ගන්න බදුවලට මොකද වෙන්නෙ කියලත් දන්නව. ලංකාවෙ මේ මොකවත් නැහැ. බදු ගෙව්වට පස්සෙ ඉතිරවන මුදලින් එදා වේලවත් යැපෙන්න බැරි ආර්ථිකයක් තුළ කොහොමද මිනිස්සු ඉන්නෙ. දැන් තිබුණටත් වඩා සැප ලැබේවි.
කමල් Thursday, 28 September 2023 10:39 AM
ආදායම 9% ඉඳලා 12%ට ගේන්න ඕනලු. හැබැයි වියදම 19% ඉඳලා කීයට අඩු කරනවද කියන්නේ නෑනේ. මාර විගඩමක් මේක. මට තේරෙන විදිහට ලංකාවේ ලොකුම ප්‍රශ්නය තියෙන්නේ ආණ්ඩුවේ නාස්තිය. හැබැයි මුනුත් ආණ්ඩුවට ඕන විදිහට ඒ කරන නාස්තිය දිගටම කරන්න පුලුවන් විදිහට අපෙන්ම හූරං කන්න වැඩ සෙට් කරල මාරු වෙයි වගේ.