මාතලේ කුරීවෙල, උකුවෙල, බෙන්වියුලාවත්තේ පදිංචි  ඩබ්ලිව් එම් ඒ ඩබ්ලිව්  රශ්මී නිමේෂා  වීරසේකර (16) දැරියට මොළයේ පටක ඝන වීමේ රෝගයක් වැළදී ඇති බවත් ඇය සුවපත් කීරීම සඳහා සැත්කමක් කළ යුතු බවත් කොළඹ ජාතික රෝහලේ විශේෂඥ ශල්‍ය වෛද්‍ය සුනිල් පෙරේරා මහතා හා විශේෂඥ වෛද්‍ය  මහාචාර්ය රංජනී ගමගේ මහත්මිය කියතියි ඇගේ පියා වන ඩබ්ලිව් එම් ඒ ඩබ්ලිව්  ප්‍රියන්ත වීරසේකර මහතා පවසයි.

සිය දියණිය වසර නවයක සිට මෙම රෝගයෙන් පෙළෙන බව ද සැත්කමට රුපියල් ලක්ෂ  දහයක් හා වෙනත් හදිසි පරීක්ෂණ,ඖෂධ මිලදී ගැනීම සදහා වැය වන ලක්ෂ හතරක් පමණ සොයා ගැනීමට නොහැකි බව ඔහු පවසයි.

බිරිය ද කිසිදු රැකියාවක් නොකරන නිසා  පොලිස් සැරයන්වරයකු වන තමාට ලැබෙන වැටුපෙන් පමණක් සැත්කමට අවශ්‍ය මුදල් සොයාගැනීම අසීරූ බවද ඔහු කියයි.

උකුවෙල මහින්ද රාජපක්ෂ විද්‍යාලයයේ 10 වැනි වසරේ සිටින සිය දියණිය ඉගෙන ගැනීමට ද ඉතා දක්ෂ බවද මෙම රෝගී තත්වය නිසා ඇය දැන් වසර දෙකක් තිස්සේ පාසල් නොයන බවද ඇගේ මව වන මංජුලා දිසානායක මහත්මිය කියන්නීය.

සිය දියණියගේ ප්‍රතිකාර කටයුතු සදහා සියලු සේසතම වියදම් වී ඇතැයි පවසන  ඇය දියණියණියගේ සැත්කමට උපකාර කළ හැකි අය වෙතොත්  පියා වන ප්‍රියන්ත වීරසේකර හා මව මංජුලා දිසානායක නමින් මාතලේ ජාතික ඉතිරි කිරීමේ බැංකුවේ ගිණුමට හෝ පියා වන ප්‍රියන්ත වීරසේකර නමින් මාතලේ කොමර්ෂල් බැංකුවේ  අරඹා ඇති ගිණුමට හෝ  ආධාර කරන්නැයි   ඉල්ලා සිටින්නීය. 071-6140220 දුරකතන අංකයෙන්  වැඩිදුර තොරතුරු දැනගත හැකිය.

ජාතික ඉතිරි කිරීමේ බැංකුව -100-160-60-98-54

swift code –NSBALKLX

Branch code-0016

කොමර්ෂල් බැංකුව 80-800-47-265

swift code –CCEYLKLK

Branch code-008

රශ්මී නිමේෂා  අද

රශ්මී නිමේෂා  එදා